منتدى الحوار  >>  منتدى مدينة قارة  >>  الحنين إلى قارة ليلة الجمعة - فشة قهر مغترب

الكاتب

الموضوع

الحزين عضو مميز	الحنين إلى قارة ليلة الجمعة - فشة قهر مغترب حبيبتي قارة .....م اشتقتلك كتير .. ياترى الجامع الكبير مضوى ميدنتو اليوم و الشيخ أبو lمحمد نجيب ( الله يحفظو ) حاطط سورة مريم على المكبر..... ياترى بكرة رح يسمعوا رواد مسجد الشيخ علي خطبة الشيخ عبود بركات و رح يتجمعو أهل قارة بعد كل الصلاة على أبواب الجوامع ونشوف هاي المشاهد الرائعة تبعة السلامات و السؤال عن الأحوال بين الأهل و الأصدقاء و إلا متل هون بيركضو العالم على بيوتهم المسكرة بعد الصلاة كإنهم عم يأدوا واجب وعم يستنوه حتى يخلص منشان يرجعو عالبيت. ياترى العالم و هنن عم يصلو بالجامع الكبير رح يسمعو تكتة المطر على سطح الجامع الطيني. وبعد الصلاة رح يروحو يملو مي من الدير أو عين البيضة أو قريزة. ونحنا بالغربة شو رح نعمل رح نرجع عالبيت نتغدا وننام وإلا رح نروح على شي مركز تجاري ممل نقطع فيه الوقت و نحاول ننسى غربتنا وحنيننا لقارة و جبلها و مزارعها. بعض الناس بيقولوا عني إني دقة قديمة و ما بحب التطور ببلاد الاغتراب و إنو ليش بضل حن لقارة. أنا نفسي مابعرف ليش بضل حن لقارة بكل تفاصيلها الصغيرة اللي يمكن ما يلاحظها اللي عايشين فيها كل الوقت. كيف ممكن إنسى لحظة الغروب بين الجبال أو الشروق بين أشجار الكرز. طمنوني دخيلكون كيف الوشولة و الحليمة ووادي تركمان ومرطبية إيييييه ياغربة شو قاسية. و بيزعجني كتير قولة إنو قارة مافيها شي واتحمد الله اللي سافرت الحمد لله على كل حال. بس لو تعرفو يا أحبائي شو صعوبة إنك تصحى الصبح ما تلاقي هديك النسمة الباردة عم تلعب بالشجر و بالناس. شو صعوبة إنو يمرق يوم الخميس من غير ما تطلع على السوق بالضيعة على الموتور أو بالسيارة لتشوف كل أهل البلد هونيك وتتعب إيدك من السلام على الأحباء بس ما يتعب قلبك من شوفة هالناس اللي ربينا بوسطهم وحبينا ابتسامتهم وهم بيسلمو علينا. هوني بتجرب تعمل مقاربة للموضوع بتلاقي ناس من كل الجنسيات ماحدا إلو علاقة بحدا ولا حدا بيسلم على حدا، وقديش بتكون مبسوط لما بالصدفة تلاقي حدا من قارة هون بتسلم عليه و كإنك بتسلم على أهل قارة كلهم واحد واحد وبتشم فيه ريحة زهر الكرز و المشمش و بتتذكر الدوالي و نجوم سما قارة اللي ما شفت متلها بكل البلاد اللي زرتها. تحية حب إلك يا حبيبة قلبي ياقارة و هية ليلة الجمعة عم تنزل عليكي. الله ينزل ملائكة الرحمة يوم الجمعة وكل يوم آمــــــــــــــــــــــــيـــــــــــــــــــــــن تم تعديل هذه المشاركة بتاريخ 8-10-2009 الساعة 19:38 من قبل: الحزين
8-10-2009    19:38
محمد حمود مشرف	إي والله
8-10-2009    20:22
Abo Hmzah عضو مميز	الله يرد كل مسافر لبلدو ......... والله يرد القارية لقارة بخير وسلامة ............. اخي الحزين لكل شيئ ثمن .......... ---------------------------------- المدونة الذاتية
8-10-2009    20:42
jassas عضو مميز	أخي الحزين لا يوجد أمامنا إلا أن نواسي بعضنا حتى ولو بالكلمة فصبرأً جميلاً وبالله المستعان . ولكن للعلم فإن بلاد الغربة إحتضنتنا عندما تخلت عنا بلادنا ،وآمل من الله تعالى أن لاتطول غربتنا حتى نعود للأهل والديار ، ونستمتع بليالي قارة النقية العذباء . ---------------------------------- .....الحياة.... كلمة....
8-10-2009    21:40
ابن القلمون عضو مميز	الله يعينكن ويعين الي بقارة ويرد كل المغتربين وماحدا مرتاح يا خيي بس بتضل قعدة الأهل والأصحاب بتسوى الدنيا ---------------------------------- لست آيس أو أمل لن تحطمني الهموم .... لن أعيش بلا أمل فالندى نبت الغيوم
8-10-2009    21:59
تاجر الصبر عضو مميز	أخ حزين اسمك معبر مع هالموضوع جايين طقم والله يرد كل مغترب لضيعتو والله انو كاسة المتة الصبح بالجنينة مع الأهل بتسوا الدنيا وما عليها ما بدي زيدها عليكن بس الله يردكن سالمين غانمين لقارة ولأهلها ---------------------------------- إنما الدنيا فناء ليس للدنيا ثبوت *** إنما الدنيا كبحر يحتوي سمك وحوت.
8-10-2009    22:04
المعتصم عضو مميز	ههه ههاي..... أنا بالضيعة ومكيف ..... يا شماتة قلبي فيكن .... بس معلشي لا تاخدوا كتير على خاطركن .... بكرا بس لرد سافر بصير واسيكن.. بهل اليومين بدي اعملي شي بطن تصوير كامل للضيعة ....... وما راح إنسى طئئكن ... ---------------------------------- إذا أعجبتك مشاركتي فاشكر الله قبل أن تشكرني ... ولاتنساني بالدعاء. . . . . . . . . . . . . . . . . . . . . . . . . . . . . . . . . . . . . وإن لم تعجبك فانصحني ولا تجرحني ...
8-10-2009    22:14
الحزين عضو مميز	شكرا للمشاركة و شكرا للمواساة ),
8-10-2009    23:47
حاكم الهوى	ايه يا دنيا قلت مرةً لأحدهم أنني لا أشعر بالحنين لبلدي بس والله يا حزين أنت تتكلم بالحقيقة الشوق إلى الأرض لا يستطيع كتمانه مخلوق ألا ليت الزمان يعود يوماً ---------------------------------- في كل لحظةٍ .. ابحثوا عن الامل.
9-10-2009    00:01
ابن الليل	الســــــــــــــــــــــلام والرحمــــــــــــــــــــــــــه أيييييييييييييييييييييييييييييييييييييييه يا دنيـــــــــــــــــــــا ( قــــــــــــــــــــــــــــــــــــــــــــــــــــــــــــــــــــــــــــــــــــــاره ) شـــــــــــــــــــــوقي إلك ماينتهي @@ مثــــــــــــــــــل الشمس يكوي الحجر ---------------------------------- أجعل قلبك كالقبر لا يدخله سوى إنسان@ ولاتجعله كالبئر يشرب منه كل إنسان@@
9-10-2009    02:40
الواثق بالله عضو مميز	.........السلام عليكم ..... هناك عبارة كثيراً ما نرددها وهي ...........((ما بتعرف خيرو لتجرب غيرو .........)) ....قد يكون من أعظم فوائد الغربة هي أنها تذكرك ببلدك .......بأهلك ....جيرانك ...........اصدقائك .......حارتك .......طرقات مشيت فيها أثناء طفولتك .... ..........مدارسك......ملاعب الحارة ........... نسمات الصباح العليلة ... ....سهرات الاصدقاء .......اصوات العصافير عند الصباح .......هدوء الطبيعة .......منظر الجبال صباح مساء ......الهواء العليل ...... .........والأهم هي الحياة الاجتماعية التي يفتقدها كل مغترب ........ ........فندعوا الله أن يجد كل مغترب فرصة في بلاده تغنيه عن الاغتراب ومرارته ........وصدقوني عندما يجدها .....فلن يتاخر لحظة عن العودة .... ............ولكم كل المحبة ---------------------------------- الهي قد تحاببنا ومنك الحب والعهد ......فنرجو فوقنا ظلاً حين الحر يشتد *******.لنا ولأهلنا عفو ومنك العفو يمتد ......ومغفرة ومنزلة جنان ما لها من حد
11-10-2009    12:12
الأثير عضو مميز	السلام عليكم آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآخ من حكيك يا حزين الله يرحم هديك الأيام . أيام ما كان الشيخ عبود يخطب بجامع الشيخ علي وأبو محمد نجيب الله يمدو بتوب الصحة والعافية بس يا خسارة قارة تمت متل ما هي اللي تغير نحن مو هي ----------------------------------
11-10-2009    14:22
الغضبان عضو مميز	السلام عليكم ورحمة الله وبركاته تحية الى جميع الأخوة المغتربين عن أرض الوطن بأجسادهم... وأرواحهم تعانق رمال الوطن و صدورهم تختلج بمشاعر الحب و الحنين حتى الى التفاصيل الصغيرة من الحياة بالوطن وتطوف بهم الذاكرة الى الذكريات القديمة حسنها و سيئها ...فتكون كالماء البارد يطفي الظمأ و يشفي الغليل . تحية الى سفراء الوطن في كل أرض حلّو بها .. تحية لكم يا من تسعون وراء العز و الشرف .. تحية الى كل انسان يهجر الوطن ليبني نفسه و ليكابد مرارة الغربة و قساوة الهجر و ليتجرع لوعة فراق الأحباب من كأس الصبر في سبيل هدف شريف يسعى لتحقيقه . تحية الى من قاوم ظروف الحياة الصعبة وخاض غمار الحياة برأس مرفوع لم تقف المسافات امامه عائقاً عن تنفيذ مراده . تحية لكل من يبحث عن نفسه ويبحث عن فرصة أفضل بالحياة خارج وطنه . تحية اليكم يامن تقاسون الشقاء و يامن تعانون غصص الوحشة .. أحيي فيكم صبركم وهمتكم العالية و لكم الله أيها المغتربين ... أنصحكم بأن لا تلتفتو الينا نحن خلفائكم بالوطن فنحن مقهورون ننتظر الفرصة لنكون معكم و لنبني بلدنا من الخارج و لنزين بناء بلدنا بسقالة ننصبها من الخارج كي يكون روعة للناظرين اليه . تحية لك يا ابن قارة أينما كنت وحيثما حللت ....ولك بقصيدة الشاعر عبراً احرص علي الاستفادة منها ولك بأن تستنتج بأن محاسن الغربة و السفر تفوق مساوئها بأضعاف المرات سافر إلى نيل المعزة إن في السفر الظفر وانفر لنيل المجد فيمن للمعالي قد نفر واعلم بأن المكث في الأوطان يدعو للضجر ويورّث الأخلاط والأجسام أنواع الضرر أوما رأيت الماً لطول المكث يعروه الكدر والبدر لو لزم الاقامة في محل ما بدر والدرّ لو أبقوه في قعر البحار لما افتخر والتبر ترب في المعادن وهو أفخر مدّخر والعود معدود لدى الغابات من جنس الشجر والباتر المغمود لو لم يخرجوه لما بتر هذا وكم مثل سرى في الناس من هذي العبر أبدى البدائع منه من نظم القريض ومن نثر عن وجهها في غالب الأسفار أسفر من سفر فادأب على الترحال في الأحوال أجمعها تسر واعلم بأن البعد عن وطن به تمّ الوطر وأغرب بشرق وأشرقن في الغرب إن تك ذا نظر لا تبك الفالاً ولاداراً ولا رسماً دثر فالناس الفك كلهم والأرض أجمعها مقر فمتى وجدت العز والعيش الهنيّ أقم تبر ومتى رأيت الضدّ والصدّ الخفيّ فدع وذر واجعل بضاعتك التقى مع من أسرّ ومن جهر فإذا اتقيت اللّه فزت بكل كنز مدّخر ---------------------------------- &&& اتخذ طاعة الله تجارة تأتك الأرباح من غير بضاعة &&& تم تعديل هذه المشاركة بتاريخ 11-10-2009 الساعة 15:53 من قبل: الغضبان
11-10-2009    15:48
الأسد 1985 عضو مميز	السلام عليكم ورحمة الله وبركاته هذا المقطع الكرزي مهدى للأخ الحزين بركي الله بهدي سروا شوي وللشباب كلها كرز قارة والسلام ---------------------------------- ولا تجزع لحادثة الليالي ______________ فما لحوادث الدنيا بقاء
11-10-2009    15:56
أبو بسام	يا هيك الكرز يا بلا ---------------------------------- كل من عليها فان ويبقى وجه ربك ذو الجلال والإكرام
19-3-2010    22:59

جميع الأوقات بتوقيت قارة | الوقت الآن:   الاثنين   18/8/2025   15:08

منتدى الحوار  >>  منتدى مدينة قارة