بلقيس
عضو مميز
|
قارة بعد عشرين عام
بسم الله الرحمن الرحيم
نتخيل معاً في هذه الصفحة: (قارة بعد عشرين عاماً من عمرها أطال الله عمرها)
لا شروط ولا حدود فالموضوع واسع سعة الخيال البشري
وسأكون أول من تتخيل وتبحر في خيالها بصفتي ملكة سبأ فإنني أتخيل أن يكون موضوع إحدى حلقات برنامج (قارة تاريخياً)
يتحدث عن تاريخ التهريب بتعجب فالمهربون كانوا يهربون المازوت بينما هم الآن يهربون الطاقة الشمسية؟!!!!!.
|
|
5-3-2006
19:28
|
|
محمد حمود
مشرف
|
عشرين عاماً ليست بالفترة الطويلة، ولا أعتثد أنه سيحدث تغيير كبير خلال تلك المدة، والدليل هو أنه خلال العشرين عاماً الماضية لم يطرأ تغيير كبير في قارة ماعدا ربما الجفاف واختفاء بعض الرقع الخضراء.
أقترح أن نتخبل كيف ستكون قارة بعد 50 عاماً...
|
|
5-3-2006
23:18
|
|
يعرب
عضو مميز
|
سيتم
سيتم حفر أقنيه ومحطات ضخ للمازوت (طبعا)ً ستمر عبر عدادات عند الحكومه لتحديد الضريبه التي ستذهب إلى الجيوب.....
سيتم الانتهاء من فتح الشارع الجديد أمام دارنا والذي بدأ منذ عام تقريباً
ستتم مناقشة مواضيع لها علاقه بالسياسه على الموقع ......
سيتم الإستغناء عن التدفئه بالمازوت والتحول إلى التدفئه الذاتيه للفقراء والتدفئه بأمهات اللحف(500) لملوك المازوت...
لسيتم بقيه!!!!!!!!!!!!!!
----------------------------------
عذراً التوقيع شــــــــخصي جــداً
|
|
6-3-2006
12:56
|
|
بلقيس
عضو مميز
|
عشرون عاماً أو خمسون عاماً لا يهم المهم شكل قارة في المستقبل
بالنسبة لي
أتخيل أن تصبح قارة من الولايات البالغة الأهمية في العالم الإسلامي
( ربما كلام د. الحاجي هو الذي دفعنا للتفاؤل)
وإن شاء الله ما يكون في المستقبل جمود في موقع قارة كما هو الآن
|
|
6-3-2006
15:14
|
|
|
أنفلونزا
|
أين بقية سيتم؟!!!!!!!!!!
|
|
6-3-2006
18:17
|
|
ابن البيادر
عضو مميز
|
50 عاماً
- شباب قاري جاد
- جامعة متخصصة بالزارعة
- شركة متخصصة بالمستحضرات الطبية و التجميلية المستخلصة من الكرز
- محطة كهرباء ضخمة تعمل على الغاز المسحوب من شرق البلد
و شيئ خاص ببلقيس:
شوارع كأنها "قوارير"!
|
|
7-3-2006
03:45
|
|
الحزين
عضو مميز
|
بدي بطل صير حزين
خلص يا شباب على هالسيرة نويت بالمؤتمر القاري العاشرو العشرين إني بطل حزن
و إتحول من حزين إلى مجرد واحد غير راض عن الوضع العام و متشائم
شكراً للآنسة بلقيس لإنها فيقتني و خلتني إتفاءل بالحياة
و إتحول من حزين إلى متشائم بس.
أنا تصوري بالخمسين سنة الجاية سوف نحصل على استقلالنا بالقوة من الدولة و يعطونا حكم ذاتي بعد الآلاف من الضحايا و الضحايا المعاكسة
و نصير نسير دوريات بشمركة أكتر على الحدود بيننا و بين دولة عرسال المستقلة عن لبنان و بيجوز نعمل اتحاد فدرالي بيناتناو بحوث علمية و تبادل خبرات في مجال تهريب النفط(عفواً و قتها ما بيصير اسمو تهريب بيصير اسمو تصدير)
أما مدرسة الضهرة فسوف تتحول من معتقل غوانتانامو إلى قلعة سياحية ت}مها الأمم جميعاً للتعرف على معالم العنصرية و التعذيب التي كانت قائمة آن ذاك (سنة 2006)
|
|
7-3-2006
12:02
|
|
|
عفاف
|
يا لطيف
السلام عليكم ورحمة الله وبركاته
أتخيل أن يتحول الحزين إلى متفائل بظرف عشرين عاماً (إن تفاءلنا).
ربما سيخصص متحف في قارة لآثارها ويا خوفي من أن تصبح قارة من الأماكن السياحية!
ربما يصبح الكرز مصدر من مصادر الطاقة
|
|
7-3-2006
16:42
|
|
|
عفاف
|
يا ستار
وبالمناسبة ما قصة معتقل غوانتنامو هذا مع أنني الناطقة الرسمية باسم الفتيات فإنني لا أعرف الكثير عما قلت
|
|
7-3-2006
16:44
|
|
بلقيس
عضو مميز
|
يا قوم ..........................أتخيل
شوارع من قوارير ! يا ريت ولكن عندها ستكون قارة مملكة سبأ وسنعود قرونا ً إلى الوراء
على كل ٍ إنها نهفة جميلة .
_أتخيل أن يكون لنا فريق رياضي ممتاز ينافس الفرق الرياضية الكبرى
_أتخيل فتح فرع من فروع جمعية محبة البيئة والحفاظ عليها فتحه في قارة لحماية حبيبتنا قارة من التلوث (فقارة قد أصبحت مدينة, وأحد أهم الشروط الأساسية لتسمية مكان ما مدينة: التلوث).
_ربما سترتفع درجات الحرارة في المستقبل اسألوا أهل العلم الجوي.
 
|
|
7-3-2006
19:15
|
|
|
أبو جهمان
|
قاره تدريجياً
رخصة قياده للدراجه الناريه 2010
شوارع خاليه من الحفر 2015
إشارات مرور وجسور وأنفاق 2020
جهاز الحاسب في كل بيت من بيوت قارة 2025
الشوارع في قاره فاضيه 1\1\2030 الساعه الرابعه عصراً
ليش ؟
كل أهل قاره عم تشرب مته في غرفة الدردشه بموقع قاره دوت كوم
|
|
8-3-2006
11:36
|
|
بلقيس
عضو مميز
|
بالنسبة للحفر لييييش كتيييير متفائل؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!؟!؟!؟!؟
المهم أنا أتخيل أن في 2016 يكون في مسرح في عين البيضة
بتوقع يحطوا سياج أمني حول مدرسة الضهرة لأسباب كتيييييير معروفة
أكيد حنصدر فيديو كليب قاري بحت ولكن في المستقبل
|
|
10-3-2006
20:33
|
|
|
زنبقة
|
علشان مدرسة الضهرة اسأليني وأنااللي بقلك أتمنى أن تحاط ليس بسياج أمني لكن أتمنى أن تحاط بشرطة بس مو متل الخلق والبني آدمين من الجنس الآخر اللي حولين المدرسة لأنو بعاني يوميا حيث أغمض عيني وأحمل على كتفي نعشي وأنا أمشي وأنا أمشي......غير الكلام اللي مايعرف منين جابوه و ينقض يومياعلى مسامعي [s3
[
|
|
10-3-2006
20:55
|
|
|
أنفلونزا
|
إلى زنبقاية
يبدو أن المقاومة في مدرسة الضهرة شغالة وفعالة والله يوفقكن
وعلى كل حال يا خيتو شكرا ً كتير عشان وضحتيلييييييييييييييييييييييييييييييييي
ولكن لم التفصيل؟!!!!!!1
|
|
10-3-2006
20:58
|
|
|
زنبقة
|
الى انفلونزا
انا وضحت لتقدروا المعاناة عسى 2025بعد ما خلص مدرسة على الأخير يكون الحلم تحقق وأنا أمشي و أنا......... وأنا.....وأناأمشي
|
|
10-3-2006
21:01
|
|
|
المختار1
|
أتمنى في المستقبل أن ينتبه كل أب إلى مصلحة إبنه و ابنته علهم يحلون مشكلة الزواج عندنا و التي تكاد تودي بالعفة و الكرامة في قريتنا التي لم يعرف عن أهلها إلا الشرف و الشهامة و الستر و ليس الخسة و الدناءة و قطع الطريق على الفتيات العفيفات من قبل الشباب أو قلة الأدب من قبل الفتيات و لا أقصد الجميع و لكن اللي في شوكة بتنخزو
|
|
19-3-2006
18:38
|
|
بلقيس
عضو مميز
|
أوووووووو……..ه
أوووووووو……..ه
لقد ذكرتنا بإحدى أكبر مشكلات العصر (شكراً للتفاؤل) .
أنا أتمنى أن يعود الأبناء إلى بر والديهم وحبهم ولا يظل عيد الأم هو الفرصة الوحيدة ليلتمّ شمل الأسرة هذا إن التمّ.
علينا دائماً تخيل الوجه المشرق لقارة في المستقبل لكي يتحقق بالفعل.
|
|
19-3-2006
21:49
|
|
ابن البيادر
عضو مميز
|
كان جاداً...
كان متفائلاً...
كان لديه "هدهد"
يطير عالياً...و يخبره بما هو آت
بعد قراءة بعض المشاركات
مات "الهدهد"
فعاش يومه
و ترك المستقبل ل "بلقيس"
|
|
23-3-2006
05:06
|
|
|
القرش
|
التنقيب عن البترول
بتصور في عام 2010 سوف تبدأ شرذمة من وجهاء المهربين في الضيعة بالتنقيب عن البترول في الضيعة وحفر آبار بترول لتحقيق الاكتفاء الذاتي للضيعة ولبلاد ما وراء الجبل وهذا طبعا يتطلب خبرات ومهندسين وفنيين وفرص عمل كتيرة ورواتب مغرية جدا ...
فالى جميع طلاب البكالوريا انصحكم بالتخصص في مجال البتروكيمياء لانو فرصة عملكم مؤمنة في ضيعتكم ....
ودمتم...........
تم تعديل هذه المشاركة بتاريخ 23-3-2006 الساعة 08:09 من قبل: القرش
|
|
23-3-2006
08:08
|
|
|
شهاب
|
لنعود إلى التفاؤل
بعد خمسين عام
قارة تصدر النفط
إلى السعودية ودول الخليج
قارة ما فيها غير ثلاث جامعات فقط
اختفت الميتورات الجبلية
وما ضل عنا غير السيارات الجبلية (بدعة)
|
|
23-3-2006
13:40
|
|
بلقيس
عضو مميز
|
يا قوم الخير
ما زلت تبهرني يا ابن البيادر
وما زال القوم ينقلون التهريب إلى مستقبل؟؟؟؟؟؟؟؟؟؟؟
لك شو قصتكم!!!!!!!!!!!!!!!!!!!!!!!!!!!!!!
بس لتصير قارة مملكة ويصير الاقتصاد عال العال حنبطل تهريب إن شاء الله
وحتتركنا البطالة أو بالأحرى نتركها
وطريقنا إلى ذلك يبدأ بالتفاؤل والجدية والتخطيط والتعاون
ودمتم
|
|
23-3-2006
14:05
|
|
|
خوخا
|
بعد عشرين عام
بعد عشرين عام برأيي كمواطن قاري رح تنفصل الحارة الفوقا عن الحارة التحتا ورح تتخلص قارة من بعض الشراذم الذين يؤذون الناس ويسيؤون للمجتمع, ويمكن يصير القاريين يحبو بعضهم بحكم أنهم إنقسمو قسمين لأنو متل ما بتعرفو نحنا على عكس كل العالم منمشي بالعكس فيمكن الإنقسام يخلينا نحب بعضنا أكثر , وأنا شخصيا يمكن إتجوز وإشتري سيارة إييج ومتور تسعين وعندنا شقفة أرض بتم الوادي صير روح عليها كل يوم إفطر فيها وإرجع على وظيفتي يلي رح تصير بعد عشرين سنة تطعميني خبز وبصل وتعبيلي بنزين اللتر ب500 ليرة (بعد عشرين سنة) للسيارة والمتور . 
تم تعديل هذه المشاركة بتاريخ 23-3-2006 الساعة 20:28 من قبل: حسن البريدي
|
|
23-3-2006
18:06
|
|
بلقيس
عضو مميز
|
يا هلاااااااااااااااااااااااااا بخوخا
وطولت الغيبة
بالنسبة لتوقعاتك لمستقبلك فبفرحلك من قلبي وقت بتتحقق
أما تقسملنا قارة نصفين !!!!!!!!!! زودتها عمو
تم تعديل هذه المشاركة بتاريخ 24-3-2006 الساعة 17:41 من قبل: بلقيس
|
|
24-3-2006
17:40
|
|
الحزين
عضو مميز
|
شفتو كيف إنو الحزن مستشري
أنا بظن إنو هادا الموضوع بيمثل متل هيك استطلاع رأي حول مستقبل هالضيعة التعيسة اللي قضى عليها التهريب و المهربين و كملت عليها حملة الاعتقالات .
أما بخصوص غوانتامو قارة قصدي مدرسة الضهرة فياريت تسمعو وحهة نظري بالقصة و طبعاً الحديث يشمل مدارس الضهرة يعني بنات + بنين + فنون:
1-)عليك كطالب بمدرسة الضهرة إنو تفيق بكير و تفطر بسرعة و تركض عالمدرسة اللي كانت بتبعد أكتر من واحد كيلومتر على الأقل عن 90% من بيوت الطلاب.
2-)بعد إنو تترجى الآذن ليفوتك عالمدرسة قبل ما يتسكر باب المعتقل الرئيسي و يقلعوك عالبيت.
3-) بدك تصف بالصف متل كل هالشعب المسكين المتراوح الأعمار بين صف السابع أبو الثلاث شعب لصف البكالوريا أبو العشر طلاب و هاي رحلة موسهلة كتير و لكن بدها تطلع عيونك لتوصل من السابع عالبكالوريا.
4-)بعدين بيتعرضو هالطلاب المصفوفين و اللي مو شافين قدامهم من النعس لجولة ضباط الأمن يعني الموجهين و مدربين العسكرية اللي معهن تفويض مدري من وين إنو يوجهو أية كلمة نابية أو حتى يضربوك بدون حتى ما إنو ينبهوك أو حتى تعرف شو هية التهمة و إذا سألت ليش بتلاقي جواب صخن على خدك و شوية دم بيطلعو من تمك.
5-)بتفوت بقا لتستنى حضرة جناب الأستاذ تبع أول حصة أو أول حصتين ليشرف
طبعاً الأخ هون بيكون عايف حالو و متخانق مع مرتو بالليل و مع ولادو الصبح قبل ما يجي لعنا و بدك تشوف وجهو وهو مو مصلي على النبي و حال العصاية أو الكبل الرباعي متل الفايت على حلية مصارعة أو اصطبل مليء بالبهايم(طبعاً كلمة بهايم بتزعلك أول شي كم شهر بالصف السابع بعدين بيصير يحك بدنك إذا ما اسمعتها صباح مساء).
6-) و بعد ما ينقعنا حضرتو شي ساعتين فيزيا و كيميا و رياضيات و مابعرف شو بينقرنا وظيفة بدها شي ثلاث ساعات و بيكون بدو إياها بكرة أو بعدو.
بعدين بنطلع على الفرصة ع أساس بدنا نريح حالنا من قعدة المقعد اللي كان قاعد عليه جدي و جدو لجدي و فيه (الله يعزكم ) شي ميت خازوق عدا عن إنو هاي المقاعد مصممة لأولاد صف تاني تالت مو لما يصير الواحد بالبكالوريا و عرض اكتفو عرض الحيط.
مالكم بالطويلة بعد ما نطلع عالفرصة بتتفاجئ بمجوعة سكانية ضخمة العدد متنوعة الأعمار و الأطوال عم تهدر بهالباحة يا حرام و لحظة اللي بتفكر تاخد قسط من الراحة بشي مكان هائ بتتفاجئ بدوريات حفظ النظام لاحقتك عالفرصة لحتى تخنقك هونيك و تضيق عليك مساحات الراحة حتى بالأخير صارو ا يبنو جدر اسمنتية و أبواب حديد متل غوانتامو بالضبط
........
ع كل يتبع و عندي كتير معلومات سرية عن هالمعتقل بنشوفها بعدين
|
|
31-3-2006
21:56
|
|
حسن البريدي
مشرف
|
تحياتــي ..
مشاركة جيدة من الحزيــن .. أعادتني حقاً إلى الخلف أكثر من عشرين عاماً .. وذكريات الدراســة .. التي لا يعرف قوتها وحلاوة ذكراها إلا بعد مضي سنوات طويلة ..
أحييك أيها الحزيــن .. وأتمنى أن تكون مجتهداً .. ومطيعاً .. وأن تحصل على الشهادة الثانويــة بمجموع عالــي .. يؤهلــك الخوض في مجال تتمناه .. وتساهــم من خلاله في بناء الإنســان..
مراحب.
----------------------------------
- كن كالغيث.. أينما هلَّ ؛ نفع ..
|
|
31-3-2006
22:24
|
|
بلقيس
عضو مميز
|
طول بالك يا زلمة
يعني كلياتنا بالهوا سوى
وكلنا عم نعاني ونقاسي بهالمعتقلات سواءً معتقلات الشام أو قارة.
كنت من الأول قلنا إنو حضرتك بالبكالوريا لنعذرك ونعذر حزنك لأنو ما في حدا بالثانوية فرحان.
وأرجو منك أن تكمل لنا هذا المسلسل الحزين المبكي المشوق المملوء بالإثارة.
شاكرةً لك جهدك التعبيري والتذكاري.
تم تعديل هذه المشاركة بتاريخ 31-3-2006 الساعة 23:56 من قبل: بلقيس
|
|
31-3-2006
23:17
|
|
