google
عضو مميز
|
بالصراحة احلى بكتير....عبر عن رايك بالاعضاء.. بكل صراحة
السلام عليكم ورحمة الله وبركاته...
بالصراحة احلى بكتير...
اسم برنامج تلفزيوني..لفت انتبهاي من ناحية العنوان..
فكرت قليلا لو اننا نتكلم بصراحة مطلقة..شو ممكن يصير؟؟!!!
يا ترى الصراحة بتزعل...
يا ترى كل الناس بتشوفها صراحة او في ناس رح تقول عنها وقاحة؟؟؟!!!
طيب شو رايكن نجرب...
المطلوب...
كل عضو بيدخل بيكتب رايو بصراحة باحد الاعضاء اللي معنا..
ومن حق العضو التاني يرد ع الكلام ويعبر عن وجهة نظرو ويبرر موقفو..
قاعدة مهمة جدا جدا جدا...
حبيت افتح هي الزاوية..لتقارب الاعضاء..مو للخناق والمشاكل..
يعني مو شرط يكون الكلام كلو عتاب...بامكان العضو ابداء الاعجاب بالعضو التاني..
وهيك..
ملاحظة:
يحق للاعضاء الحساسين الخايفين من الصراحة..بيحقلهن يسجلو اسمهن ضمن خانة عدم ابداء الراي..وهيك ما بيصير اي عضو يصارح هدول الاعضاء وهم بالمقابل ما بيحقلهن يشتركو..
اعيد واكرر ... يا ريت ما حدا يزعل من الصراحة...
وتذكرو...الهدف هو ازالة بعض الشوائب وتصفية النفوس...
وبانتظار ردودكم..
----------------------------------
عاشر بيت هالضيعة امانة..بكل اعناق كل شب وصبية.  
|
|
31-5-2007
00:29
|
|
google
عضو مميز
|
نموذج المشاركة
السلام عليكم...
تحية من القلب للعضو.. احمد حسين القرقور...
ياخي مشاركاتك حلوة..ومفيدة..ورايي فيك بصراحة انك شاب مثالي وبامكان الشباب في قارة السير على دربك بالمثابرة والنشاط وحسن الخلق...
تحية اخرى للعضو يعرب البريدي...
ياخي كلامك فيه بعض التجريح ..وللاسف ما عرفت شو سبب غضبك ع الاعضاء المميزين..
بس رايي فيك بصراحة...
عاقل مع شوية طيش..
----------------------------------
عاشر بيت هالضيعة امانة..بكل اعناق كل شب وصبية.
|
|
31-5-2007
00:33
|
|
يعرب
عضو مميز
|
بصـــراحه
موضوعك جميل ..غوغـــــل
ولكن الخــــوف من أن يتحول لمنبر للخلافات
وجميعنا شــاهد مســـرحية غربه ... وشـــاهد ما الذي حصـل عندما قرروا تحويل عيد الكذب ...لعيد الصدق
أرجـــو ان يتمتع الجميع بصدر رحـــــب...
أهمية هذا الموضوع أنه يبين ما قد يكون قد فهمَ بشـــكل خاطئ..
وهنـــا ســـأبين لغوغل و أوضح له ما يلي:
لايوجد عندي يا غوغــل أي غضب من أي عضو في المنتدى فالجميع اخوتي وأحبتي...
وإن كنت تقصد موضوع في صدوركم كالجدار ،،، فأنا أشبهه بســـهرات الزجل التي نعرفها جميعاً
والتي من خلالها تسمع الزجل ( هجاءً ومدحاً ) بين طرفين ، حتى أنك تعتقد أنهما ألد الأعداء
ولكن ما أن تنتهي سهرة الزجل حتى تجدهم أصدقاء لا خلاف بينهم
وأنا أكن كل المحبه لمن شاركني بالتناحر في ذلك الباب ، الذي أعتقد أنه أضاف بعض الحراره للمنتدى ورفع الإيقاع
وأعتذر إن فهم أحداً من كلامي إساءه شخصيه له...
ولاحظت يا غوغــل أنني لم استعمل النقاط والأقواس كما فعل البعض 
كانت كل تعابيري عاديه ولم استحي من كلمة ما لأستعمل (....) هذا الاسلوب.
لك محبتي ولبقية المشاركين
----------------------------------
عذراً التوقيع شــــــــخصي جــداً
|
|
31-5-2007
07:39
|
|
نزيه شيخ حسين
عضو مميز
|
السلام عليكم ورحمة الله وبركاته
بارك الله فيك اخ غوغل
اسمحلي بلش فيك بما أنو انت صاحب الموضوع
مواضيعك حلوة ومتنوعة وردودك احلى واحلى
والشعر عندك فيه نكهة خاصة اطيب من ليبتون مع البابونج
والمقامات عندك كجهينة التي قطعت قول كل خطيب
واتمنى أن أتعرف عليك شخصيا
اخوك ابو عبدو
----------------------------------
أحسن الى الناس تستعبد قلوبهم لطالما استعبد الإحسان إنسانا
|
|
31-5-2007
07:42
|
|
أبو خالد
عضو مميز
|
السلام عليكم ..
وتحياتي للجميع ...
رحم الله امرئ أهدى الي عيوبي ....
موضوعك جيد يا أخ غوغل والصراحة أمر ضروري
.... أستعير عبارة أخي نزيه شيخ حسين ( واتمنى أن أتعرف عليك شخصيا ) وأعقب على زاويتك الجميلة هذه .. - برأيي - حتى نتكلم بصراحة يجب علينا بدايةً أن نصرح عن أنفسنا وألا نتكلم من خلف أقنعة ...
لذلك حبذا لو تضيف الى الشروط الجميلة التي أوردتها في مشاركتك الأولى ؛
شرط آخر :
شارك بشخصك
كونها زاوية لابداء الرأي الشخصي في الاخرين ...
والهدف بالنتيجة أن تعم الفائدة ومن كان فيه عيب أن يتدارك نفسه ويستفيد من النصيحة
أخوك محمد خالد زين
----------------------------------
إلهي إن كان هذا حلمك على من طغى و قال أنا ربكم الأعلى ! ............................................. فكيف حلمك على من سجد لك و قال سبحان ربي الأعلى ؟ ................................................... أبو خالد
|
|
31-5-2007
10:49
|
|
وردة
عضو مميز
|
تحياتي أخ غوغل على هالموضوع الحلو
وأتمنى من مشاركات الأشخاص أن تزيده حلاوة لا أن تسرع بإحضار القفل له
أنا جديدة على الخط وماحلي أعرف خيرهن من شرهن
ولكن دعني أشارك بهذه الحكمة
(دليل عقل المرء فعله ،ودليل علمه قوله )
وجزاك الله كل خير
ـــــــــــــــــــــــــــــــــــــــــــــــــــــــــــــــــــــــــــ
خيرٌ من الخير فاعله
تم تعديل هذه المشاركة بتاريخ 31-5-2007 الساعة 11:59 من قبل: وردة
|
|
31-5-2007
11:05
|
|
ابو المجد
عضو مميز
|
بحث
بعد أن قرأت هذا الموضوع وذكرنّا فيه يعرب بغربة اتجهت إلى موضوع آخر فلزمني أن أبحث في الموقع عن كلمة كذب فكانت موجودة في 18 صفحة قلت لما لا أبحث عن كلمة صدق وفعلاً قمت بذلك فكانت كلمة صدق موجودة في 58 صفحة فوضعتها هنا فقط للمقارنة.
فما رأيكم ؟
----------------------------------
كن جميلاً ... ترى الوجود جميلاً
|
|
31-5-2007
12:58
|
|
أبو زياد
عضو مميز
|
السلام عليكم
كيف الشباب والصبايا
أنا رح قول رأي بسهم و بجوجل انا لا بعرف سهم ولا بعرف جوجل والي مابعرفك بيجهلك
هو سهم بعرفني صار يحكي معي وانا ماقبلت كلامو وصار بيني وبيتو مشكلة وجوجل نفس الشي كمان صار بيني وبينو مشكلة
أنا بدي قول شغلة ياريت الكل يفهمها
(((((((((((((((((( إذا بتعرف واحد وبدك تمزح معو عرفو عن نفسك وبعدين إمزاح متل ما بدك احسن مايصير بنك وبينو مشاكل ))))))))))))
تقبولوا تحياتي 
----------------------------------
|
|
31-5-2007
13:22
|
|
google
عضو مميز
|
السلام عليكم ورحمة الله وبركاته..
تنويه لجميع الاعضاء المشاركين..
انا google وبس..يعني لا تفكر باسمي الحقيقي ولا مين انا ولا تشغل بالك..
احكي معي كاني شخص جديد واسمي google...
اعتبر انو هاد اسمي على دفتر العائلة وعلى الهوية...
تعرف عليي من خلال مشاركاتي وردودي وبس...
اعذروني للتوضيح...
والقناع لغاية في نفس google
خلونا قريبين من الموضوع...
نسيت اشكر العضو يعرب..للتوضيح اللي ذكرو...لأني كنت مفكرو غضبان ع الاعضاء..
وهلق وضحت الصورة...
احلى تحية واحلى سلام...للكل بدون استثناء
----------------------------------
عاشر بيت هالضيعة امانة..بكل اعناق كل شب وصبية.
|
|
31-5-2007
13:59
|
|
غزل
عضو مميز
|
السلام عليكم:
موضوع مميز واختيار موفق يا جوجل , الصراحة مفيدة احيانا لكنها تتوقف على كيفية قولها والا اعتبرت وقاحة واعتداء على شخصيات الآخرين.......
انا ماحبيت اكتب رايي بحدا بس انا احترم اراء الحميع حتى لو لم تعجبني و بمعنى آخر استفيد من الاراء التي لا اتوافق معها
مع تحياتي للجميع..........
|
|
31-5-2007
21:40
|
|
إيفان العطا
عضو مميز
|
بصراحة وكل صراحة أحلى واحد بالموقع هو رمزي
بس للأسف ما حدا فسحلو المجال ليعبر عن ارائو و بالتالي اخسرناه و خسرنا الثقافة العالية يلي بيتمتع فيها رمزي و القليل بيعرف هالشي
بتمنى يجي يوم نكون فيه ديموقراطيين كفاية و نتقبل الرأي الاخر و ما يكو رأي شخص جريمة
فلازم نسمع كل شي و نفكر بكل شيئ لحتى نتطور و إلا بنضل على حالنا
ألف تحية لرمزي و لكل الأحبة في الموقع
----------------------------------
كل قلوب الناس جنسيتي ..............................................
|
|
31-5-2007
22:27
|
|
صلص بحامض
عضو مميز
|
شو صراحة ما صراحة
الصراحة بتزعل يا غوغلللل من الأفضل الابتعاد عنها
----------------------------------
هور يابو الهوارة.....ما في أحلى من آرا
|
|
31-5-2007
23:11
|
|
google
عضو مميز
|
السلام عليكم ورحمة الله وبركاته..
بعد قرائتي لرد ايفان..فكرت حالي قاعد بصف مدرسة والطلاب عم يحو مع الاستاذ والمسكين رمزي قاعد بالزاوية..وصوتو ماعم يطلع...
ليش ما حكى اللي بقلبو...وعبر عن رأيوو؟؟!!
نحنا هون لابداء الراي والمناقشة...وعدد كبير من الاعضاء قدر يفرض وجودو بالمنتدى بالرغم من معارضة الكثير..
وبرايي انو اولهن انت يا ايفان....
المنتدى مفتوح للكل..مع العلم انو كلامك:
// فلازم نسمع كل شي و نفكر بكل شيئ لحتى نتطور و إلا بنضل على حالنا //
كان كلام خاص فيك لوحدك..لأنو ما فهمت شو قصدك ب : نضل على حالنا...
وبالنسبة ل:
// بتمنى يجي يوم نكون فيه ديموقراطيين كفاية و نتقبل الرأي الاخر و ما يكو رأي شخص جريمة //
بتقدر تفهمني شو القصد...
ووين ما كنا ديموقراطيين..
وكيف الديموقراطيية بتكون بالمنتدى؟؟؟
تذكر يا ايفان...الاسئلة للتوضيح وليست للعتب...
وبرجع بقلك يا صلص...انو بالصراحة احلى
----------------------------------
عاشر بيت هالضيعة امانة..بكل اعناق كل شب وصبية.
|
|
1-6-2007
00:37
|
|
إيفان العطا
عضو مميز
|
عطفا على مشاركة الأخ غوغل
((نحنا هون لابداء الراي والمناقشة...وعدد كبير من الاعضاء قدر يفرض وجودو بالمنتدى بالرغم من معارضة الكثير..
وبرايي انو اولهن انت يا ايفان....))
فيك تحددلي أسماء المعارضة الكثيرة يلي ترفض وجودي بالمنتدى
بتمنا ما نحكي بالنيابة عن أحد و إذا فينا نحكي بأسمائنا الحقيقية مو بأسماء مستعارة بيكون أحسن
بس بجميع الأحوال أنا مو حابب كتير ناقش معك و بتمنى ينتهي النقاش عند هي النقطة و يكون في حد أدنا للإحترام المتبادل و لو اختلف الناس بالأفكار
----------------------------------
كل قلوب الناس جنسيتي ..............................................
|
|
1-6-2007
15:39
|
|
