منتدى الحوار  >>  منتدى الحوار العام  >>  قاعدة جديدة من قواعد كتابة المواضيع للمنتدى

الكاتب

الموضوع

الحزين عضو مميز	قاعدة جديدة من قواعد كتابة المواضيع للمنتدى "بعد أن أجبنا على ملاحظاتك فإننا نرغب بتوجيه ملاحظة لك وهي: هذا الموقع هو موقع للفرح والسعادة والتفاؤل بمستقبل مشرق لقارة وأبنائها، ولانسمح بنشر التشاؤم فيه وسيقوم المشرفون بحذف أية مشاركات لاهدف منها سوى التشاؤم والنظرة السوداء. شكراً لتعاونكم. إدارة الموقع. " كانت هذه العبارات هي العبارات الأخيرة لإدراة الموقع في ردها الديبلوماسي على ملاحظاتي حول الموقع(المنتدى) . أما الفكرة إنو إدارة الموقع مشكورة أضافت اليوم قاعدة جديدة على قواعد الكتابة في المنتدى و هي إنو ما تكون المشاركة حزينة و أنا هون عندي شي عشرطعشر ملاحظة و هاي الملاحظات رح إطرحها بوجهة نظر منظقية بعيدة عن الانتقام أو الشعور بالهزيمة أمام المجتمع القاري السعيد جداً : 1-) ماهو معيار ال "مشاركات لاهدف منها سوى التشاؤم والنظرة السوداء" هل هو مزاج إدارة الموقع أو مدير الموقع حسب حالته أو حالتهم النفسية يعينون قيمة المشاركات و صلاحيتها للنشر إذا كان هناك أسس أخرى يرجى تبيانها لي و لباقي المشاركين في الموقع كي لايرتكبو خطأ نشر مثل هذه المشاركات لإنو مو حلوة إنو الواحد يبقى شي أسبوع عم يحضر لمشاركة بعدين تنحذف هيك لإنها تبعث على التشاؤم . 2-)إذا كنا نريد تحويل المنتدى إلى منتدى تعرض فيه آراء إدارة المنتدى أو الآراء الموافقة فقط لإدارة المنتدى فهذا أصبح مثل زاوية رأي القراء في جريدة الثورة أو البعث اللي ما بيكون القراء بيعرفو فيها إلا بعد ما تنشر بش يومين فعلى الدنيا السلام. أنا لا أنكر هنا حق إدارة المنتدى في التدخل في حال نشوب صراعات أو كلام سيء عن أشخاص معينين أو إساءة للآداب العامة و إذا كان هناك موضوع يبعث على التشاؤم و الحزن بيزعج مجموعة من الناس السعيدين بكافة حياتهم و ما حزنو و لامرة يا اخي لا يقروه. 3-) الحزن و الفرح هنن وجهين لعملة واحدة يعني إنت اليوم فرحان بكرة بتكون زعلان و بدك مين يواسيك و إذا واساك حدا بتروح الزعلة و بتيجي الفرحة مو هيك؟؟؟ 4-)إذا بدو يتم حذف مواضيع لإنها حزينة كتير و بتأثر بالشعور العام و تدعو إلى التشاؤم أنا بقترح إنو يتم حذف مواضيع أخرى بتسبب السعادة بكميات كبيرة لإنو إذا حدا معو مشاكل قلبية و قرا شي نكتة و فرط من الضحك بيجوز يروح فيها. 5-)أنا الذي أحاوله في بعض مشاركاتي اللي زعلت منها إدارة الموقع هو مو نشر الذعرو الحزن و التشاؤم ،الهدف منها هو بس الإشارة إلى مواقع الحزن المنتشرة في المجتمع القاري و غير مجتمعات حتى المغتربين و محاولة المشاركة في الأحاسيس مع جميع رواد المنتدى. 6-) أنا ما بدي حدا يفكر إني بنشر اليأس لإني يائس أو بكره إنو قارة تصير أحسن من نيويورك بزمان كتير بس إذا ما عرفنا وين نقطة ضعفنا بنضل ع طول مكانك راوح للأبد. أخيراً شكراً جزيلاً لإدارة المنتدى اللي وجهتلي هالملاحظة بس أنا نشرتها بموضوع جديد منشان آخد رأي كل رواد المنتدى بهالموضوع فبتمنى على إدارة المنتدى إنو ماتحذف هالمشاركة لنشوف شو رأي المشاركين فيها.
3-4-2006    20:49
قارة دوت كوم إدارة الموقع	القاعدة السابعة من قواعد الكتابة في المنتدى -والتي وافقت عليها عند التسجيل به- تقول: "التعاون مع المشرفين على المنتدى، والتقيد بإرشاداتهم." إن هذا الموقع وهذا المنتدى لم يتم إنشاؤه سدى، بل إن هناك أهدافاً محددة وراء إنشائه، وإن إدارة الموقع تعمل بشكل دائم على تحقيق تلك الأهداف. إن السفينة التي لاربان لها قد يتمتع المسافرين فيها بحرية كاملة ويفعلون فيها مايحلو لهم، ولكن تلك السفينة سوف لن تصل ابداً إلى هدفها وستتلاطمها الأمواج وتجعلها تتيه في عرض البحر. أما السفينة التي يديرها ربان ويقودها نحو هدفها بطريق مستقيم واضح، فإن بعض مسافريها ممن يختلفون مع رأي الربان قد يشعرون بضيق في حريتهم، ولكن عليهم التقيد يتوجيهات ذلك الربان طالما اختاروا السفر في تلك السفينة منذ البداية، ويمكنهم ألا يعاودوا السفر فيها مرة ثانية وأن يبحثوا لأنفسهم عن سفينة أخرى. نذكر الجميع من جديد بضرورة التقيد بآراء المشرفين وإدارة الموقع والتعاون معهم، وأنه لاتهاون في تطبيق قواعد الكتابة في المنتدى. وشكراً لتعاونكم. إدارة الموقع. . ---------------------------------- نتمنى لكم تصفحاً ممتعاً...
3-4-2006    21:57
بلقيس عضو مميز	أولاً بدي أشكر الحزين لأنو نشط الموقع ها ها ها ههههــــــــــــه وأنا موافقة على التقيد بإرشاداتهم ولكن ألا يحق للعضو أن يناقش المشرفين سبب الحذف أو أن يوضحوا له أصلاً السبب. فهناك بعض المواضيع يجب أن تطرح في المنتدى مع أنها ليست مسعدة ولكن حلها يجلب السعادة وكبتها يجلب الحزن. ولكم جزيل الشكر.
4-4-2006    00:24
الحزين عضو مميز	شكراً الشكر الجزيل لإدارة الموقع و أنا أقترح ( و الحال هذه ) إنو يكون في مرحلتين لعرض المشاركة. 1-) على العضو في المنتدى كتابة المشاركة و إرسالها إلى إيميل أحد المشرفين 2-) عرضها على الجمهور بعد الحصول على الموافقة الأمنية من المشرفين بتتذكرو غنية مدري مين اللي بيقول : هذا مو عدل هذا مو إنصاف. بعدين الآنسة بلقيس حاجة تمسيح جوخ لإدارة الموقع منشان مرة يخلوكي تفوتي بلقيس و مرة اللي هية بكرة بلحظة غضب بيبعتولك شي هدهد ( متلي ) يجيب خبرك للملك تم تعديل هذه المشاركة بتاريخ 4-4-2006 الساعة 10:26 من قبل: الحزين
4-4-2006    10:22
بلقيس عضو مميز	مستر حزين لك الله يسامحك!! أنا عم مسح جوخ! يعني إذا كان عندي رأي غير رأيك بكون عم مسح جوخ!! عجييييب!!! المهم أن هذا رأيي فعلاً بالمشرفين فأنت عندما تتابع مشاركاتهم تجد أنهم فعلاً يستأهلون هذه المسؤولية الملقاة على عاتقهم فهم مسئولون عن صورة مدينة قارة على الانترنت وأنا قلت أني معاك في قضية أن من المفروض مناقشة سبب رفض المشرفين لمشاركة ما ولكني لم أتهجم مثلك فعصرنا عصر الدبلوماسية ولسنا في حرب بل في موقع يسوده المودة والتفاهم وأنا حرة بفوت باسم بلقيس وباسم اللي هي وبأسماء كتيرة لحتى يجي اليوم اللي يرجع فيه أهل المنتدى إلى المنتدى ويسدوا كل شاغر فيه. وإني أدعوك إلى خلع النظارة السوداء التي تنظر بها إلى الحياة فالحزن ليس حلاً صحيح أن كلنا نحزن ونفرح ولكن لا نجعله عنواناً لنا !! .........إنا لقارة وإنا إليها لراجعون...........
4-4-2006    21:09
الحزين عضو مميز	طولي بالك يا ملكة المشكلة إنو الواحد لما بيكون إسمو حزين كل العالم بتتوقع إنو هادا آفة حزن و ما بيطلع منو إلا الأسى يعني إذا الواحد بدو يمزح شي مزحة ضروري روح ضيف اسم جديد سميه فرحان لحتى إمزح معك. بعدين تعي لهون مو إنت اللي عم تنادي و تقولي يا اهل قارة تعو لنشوفكن على الموقع و بالمنتدى. هاي إنت و إدارة الموقع لسه ما إلنالكون مرحبا صرت أنا واحد مشاغب و مخالف لقوانين المنتدى و اللي بدو يحذفلي مشاركتي و اللي بدو يوقع عليها و اللي بدو يغيرلي نظرتي بالحياة .... طيب طولولي باللكن شو صرلكن؟؟؟؟؟؟؟ أما بخصوص الحزن يا صاحبة الجلالة فهو حالة مستشرية عندي و عند غيري الفرق الوحيد إنو أنا هجنتو و دربتو و لبستو بدلة و أخدتو معي وين ما بروح. بس للأسف إنو في ناس بتهرب منو بركي بيتركها و لما بيطلع بوجهها بتقتلو و بيخبوه بدروجة المطبخ أو بخزانة الكراج أو بالمداخن السودا. طيب أنا لو بدي إسمع رأيك (و هو على عيني و راسي) و شيل عيوني هالسود و إرجع جيب شي سطل دهان ملون و لون هالدنيا قدامي بدي على الأقل على الأقل نفس الفترة اللي صارو فيها عيوني سود و أهلي و بلدي و بلاد الغربة كلها سودا لحتى عيد تلوين حياتي ع كل شكراً و أنا آسف إذا كانت المزحة قاسية شوي و انا كتير بقدرك و بحترمك يا ملكة الموقع كله و لنا لقاء انشالله تم تعديل هذه المشاركة بتاريخ 5-4-2006 الساعة 19:02 من قبل: الحزين
5-4-2006    17:11
بلقيس عضو مميز	مطولة بالي على الأخير بس ملكة وعم تمسح جوخ!!!! لمين بدها تمسح؟؟ ومين قال إنك آفة حزن كلامك أحيانا يدل على غير ذلك ولكن اسمك الذي أطلقته على نفسك يجعلنا نشعر بهذا الشعور تجاهك طيب الموقع إيجابي ولكنه بطبيعة الحال لا يخلو من بعض السلبيات التي يسعى المشرفون للقضاء عليها ولكن أن تأتي وتحزن وتقول أن الموقع سيء أو ما شابه ذلك فهذا غير منطقي وشي تاني إنو الموقع عم ينطرح فيه كل المواضيع وقلة رواد الموقع عم تقضي على كل موضوع وهو ما زال في مهده فالحق على الأعضاء أتحفنا برأيك .........إنا لقارة وإنا إليها لراجعون...........
5-4-2006    22:41
الحزين عضو مميز	و الله يا عمي بتستاهلي تكوني ملكة بس لو سمحتليي جلالتك عندي لفت نظر صغير. أنا ما قلت إنو الموقع أو الإدارة سيئين و هنن لو كانو هيك ( الإدارة أو الموقع) كنا أنا و إنت و غيرنا ما فتنا وشاركنا. بالعكس تماماً الموقع كتير حلو و إدارته كتير جيدة بيكفي إنهن بيصرفو من وقتهم الخاص على إدارة الموقع و مراجعة كل الردور بسرعة. مشاركتي هون كانت ملاحظات على المنتدى بعد ما صححولي العنوان و كانت بتنحل أو بطريقها للحل أو أنا مو فهمان القصة منيح.
6-4-2006    10:14
بلقيس عضو مميز	أوووووخ يا هالحزين تصور إنك كتبت مشاركة إيجابية يعني اتفقنا على هالنقطة لكن لشو الاختلاف مادام حضرتك مقدر جهد المشرفين؟؟؟ .........إنا لقارة وإنا إليها لراجعون...........
7-4-2006    21:06

جميع الأوقات بتوقيت قارة | الوقت الآن:   الجمعة   22/8/2025   02:16

منتدى الحوار  >>  منتدى الحوار العام