منتدى الحوار  >>  منتدى الحوار العام  >>  مجرد كابوس

الكاتب

الموضوع

اللي هيّ	مجرد كابوس بسم الله الرحمن الرحيم لك ما بقلكم إلا ان شا الله ما تاكلوا هالرعبة اللي أكلتها وقت كنت راكبة بهالسرفيس وقاعدة عم اضرب واطرح بافكاري اذا بي بوصل علبيت وطبعا دغري وجهت وجهي نييح الانترنت وبلا طول سيرة فتحتلكم موقع قارة وانا عم اتقلى واذا بشفلكم على هالصفحة الرئيسية المشرف محمد حمود ومحمد ربيع الشيخ عم يتزوروا فيني وبيناتهم حسن البريدي عم يقول والله ما الك غير الحذف طبعا صار قلبي تحت الأرض وبين فوت علمنتدى ولا ما فوت ما شفتلكم حالي إلا حاملة حالي وفايتة أول شي سمعتلكم من أول موضوع صراخ وعياط (وقلبي لسيه تحت) جرجرت حالي وفتلكم على أول موضوع وإذ بلاقيلكم (أحدهم ) وقاعد مدري أي مشرف عليه عقتل وبهادل وما بعرف شو. وقتها انربط لساني وانشلّت رجلي وما عدت اعرف كم كيلو عرق نزل مني وبعد جهد جهيد حسنت اطلع من الموضوع وكنت عم ادوّر عل الموضوع اللي كنت فاتحته وإذ ب(أنا) عم يتنقل بين المواضيع ويضحك ما شفت حالي غير عم قله لك وقف وقف ........وقف لك شبك يا زلمة لك شوف أخونا أحدهم عالق بأول موضوع أنا: لك شبك شو بحياتك مو شايفة حدا عم ياكل قتلة هههههههههههههههه وكمل ضحك وتجوال قعدت فكر بشي حدا يأنقذلنا هالمسكين رحتلكم عند آخر مشاركة بالموضوع العشرطعشر واذ بقاعة كبيرة قاعد فيها ابن البيادر وهو لابس هالحطة والعكال وعم يلقي محاضرة عن ما بعرف شو اندسيت بين هالحاضرين وصرخت لحئوا أحدهم لك لحئوووووووووووه تفاجئت انو ما حدا سمعني وصرت نادي ونادي و لا حياة لمن تنادي وكأنهم مو بشر وابن البيادر عم يحاضر هربت من هالموضوع اللي يفزع دخلتلكم بسوق عكاظ وإذ بالنابغة قاعد بوسط هالساحة منصّب حالو حكم وحواليه كل مين هب ودب على أشعار وغيره وتزقيف و......اللي هوّ...... قربتلكم هيك هيك طاحشت ولحسن حظي إني نحيفة وبزمق بين الحضور ودققتلكم منيح بهالنابغة وضليت دقدق فيه لحتى صرخت: لك إنت النشمي لك مين نصّبك نابغة طبعا كشتحوني كل الحضور وفي واحدة صارت تقول يا مشحكينا لك مين دخّل هي البنت عالسوق بلا طول سيرة ما عدت اعرف كيف اطلع من هالمصيبة لأنو ماني خبيرة بهالموقع كتييير لفيت كام لفة بهالحارات والزقاقات ( جمع زقاق ) يمين وشمال وما شفت حالي إلا عند ناس عم يحاكوا بعضهم وعم يعلقوا عالأخبار قلتلهم: لك شو القصة؟ قالولي : شو وين عايشة ؟ ما عرفتي إنو حفيدو لأبو جهل الدنماركي رسم كاريكات.... لك صرنا بآخر موقف شو ما بدك تنزلي وقتها بس اكتشفت انو عم شوف كابوس واني صرت بآخر المخيم واني خبصت الدنيا ببعضها واخيرا اذا حدا فات اول موضوع يبقى يتذكر يفك أحدهم! ولا تفهمونا غلط ---------------------------------- من زمااااااااااااااااااان
27-3-2006    18:17
بلقيس عضو مميز	لك فضحتينا وهلأ بيكونوا عرفوا إنو البنات شويفات كوابيس
27-3-2006    21:59
محمد حمود مشرف	ياريت تكمليلنا الحلم بكرة وتخبرينا شو صار ب "أحدهم" وهل حدا خلصوا من بين إيدي أم لا بس من الواضح أن حلمك يعكس اهتمامك واستمتاعك بالتجوال في الموقع والمنتدى أحلام سعيدة...
27-3-2006    22:49
اللي هيّ	وأنت من أهل الأحلام السعيدة ويما إنك هلقد سعيد ليييش رعبتني بالكابوس بالنسبة لأحدهم لهلأ ما حدا فكه لأنو ما عم يطل عالموقع والنشمي ما زال منصب حالو مكان النابغة وأنا أدعوه للرجعة وشكرا ً مرة تانية ---------------------------------- من زمااااااااااااااااااان
27-3-2006    23:11
ابن البيادر عضو مميز	يا مصيبتي! ياهلا ب"اللي هي"، و شكراً لحضوركم....المحاضرة "إياها"، نفعكم الله بها و زادكم علماً فوق علم و أشكركم من كل قلبي لمتابعتكم و اهتمامكم كما هو واضح في رسالتكم. و جزاكم الله على هذه المشاركة "الفعالة" خير الجزاء و جعلها في موازين أعمالكم يوم لا ينفع مال و لابنون. مصيبتي أن ما سميتموه "محاضرة" كان عن التركيز على "الأفكار" بدلاً من "الأشخاص"، لذلك فهل أنتم متأكدون من حضور المحاضرة؟ في حالة انسحابكم المبكر قبل نهايتها، هذه الخلاصة: هناك ثلاثة أشياء في الحياة، بشر، و أشياء، و أفكار. الرقي يقاس بمدى تركيز الناس على الأفكار مقابل الأشياء الأخرى. الإنسان حر، و يستطيع أن يتكلم عما يشاء من هذه الأمور الثلاثة، ولكم الخيار. بالنسبة لي، مازلت أتعلم التركيز على الأفكار، ولكن الشيطان يغريني في بعض الأحيان للانزلاق إلى هوة الكلام عن الناس و الأشياء.
27-3-2006    23:36
اللي هيّ	الصراحة مشاركتك بمحلها طبعا ً الكابوس مو حقيقي بس مجرد تعبير عن مدى حبي للمنتدى ( ومن شان نرفز الكل ويتحركوا ) كما أني عاتبة علمنتدى لنومه ولأني كنت مستعجلة ما لحقت أعرف عن حضرتك ألقيت محاضرة وشو كان الموضوع ( وإذا كنت سهران اليوم علإنترنت تفضل على عكاظ بلكي بيتلحلح ) ---------------------------------- من زمااااااااااااااااااان
27-3-2006    23:55
اللي هيّ	تصحيح وتنقيح ما لحقت أعرف عن شو حضرتك حكيت وإذا كان هادا هو اللي حكيته يا ريتني قعدت مع الحاضرين وتركت أحدهم يولول ---------------------------------- من زمااااااااااااااااااان
28-3-2006    01:24
الحزين عضو مميز	RE:اللي هي أهلين وسهلين أنا آسف إلي زمان ما فتت عالإنترنت بس أكيد إنو إنت اللي هي مو معقول بعد فرقة دهر لاقيكي ووين ب قارة دوت كوم يا ستي مو معقول هالدنيا شو صغيرة. يا ترى معقول تتذكري إيام اللولو شو ها لا لولو شو رشو ملبس ياماما و شو زينولو بس ياحرام .... برم الدولاب و غاب رجع ووقف عالباب دق دق يا ربي شو دق دق ما فتحولو ع كل فرصة طيبة شوفك هون طمنينا عن أخبارك شكراً للمنتدى اللي رجعني للإيام اللي كنت فيها مبتدئ يعني لسه يادوب متشائم و غير راضي عن الوضع العام قبل ما إتطور و صير حزين و منتحب
1-4-2006    11:29
بلقيس عضو مميز	!!!!!!!!!!!!!!!!!!!!!!!!!!!!!!!!!!!!!!!!!!!!!1111 الأخ الحزين لك شو لولو ما لولو ودولاب وما فتحولو..... يبدو أن هناك لبس في الأمر فأنا غير اللي هي ببالك يبدو أني سأكون سبب في زيادة حزنك. من المعروف أن اللي هيّ هي نفسها بلقيس وقد بررتُ تغيير اسمي أني لا أعرف ما إذا كانت بلقيس تشاهد كوابيس أو لا. على كلٍ تعيش وما تاكل غيرها.
1-4-2006    15:25
الحزين عضو مميز	معقوووووول و ماتحكي من مبارح العصر طيب شكراً على هالتوضيح و إذا شفتيلي اللي هي أو إنت كنت اللي هي بزمانك بعدين رشحتي آم صرتي بلقيس لا تتهربي من الموضوع ع كل أنا رح اعتبر حالي خسران منشان إنت تفرحي أصلاً أنا ع طول هيك عايش على حزني و سرقة الحزن من الآخرين. و إنت عيشي و انبسطي تم تعديل هذه المشاركة بتاريخ 2-4-2006 الساعة 12:39 من قبل: الحزين
2-4-2006    12:37

جميع الأوقات بتوقيت قارة | الوقت الآن:   الجمعة   22/8/2025   02:19

منتدى الحوار  >>  منتدى الحوار العام