منتدى الحوار  >>  منتدى الحوار العام  >>  تحية إلى سوريتنا بعيد ميلادها

الكاتب

الموضوع

الحزين عضو مميز

تحية إلى سوريتنا بعيد ميلادها عندما تكون هناك في شوارع قارة و بين جبالها الخضراء و ثلجها الأبيض أو عندما تكون في دمشق في الأسواق و الشوارع الكبيرة في الجامعات أو السكن الجامعي وفي زحمة المواصلات. قد يمر عليك تاريخ 17 نيسان بهدوء و شو يعني 17 نيسان. أما لما اتكون بعييييييد عنها ويمرق 17 نيسان و إنت مشتاق لتراب قارة و ريحة المطر و لسعة البرد ع طريق المدرسة و تشتاق للشام للساحات للأسواق وللوجوه السورية الحلوة. بتصير تفكر ياترى شو عم يساوو أهل الضيعة هلأ و ساحة العباسيين مين مارق فيها ومين قاعد ع هداك المقعد بكلية طب الأسنان تحت الشجرة الكبيرة ومين عم يحضر محاضرة الساعة 5 بكلية الهندسة المعمارية و عندو بروجكت بكرة . و ياترى في باصات لقارة بالكراجات الساعة 6 يوم الخميس. صدفوني هاي ذكريات كلها بحلوها ومرها بتمرق ب 17 نيسان و أحلى شي ذكرى النشيد السوري بمعسكر الصاعقة الساعة 7 الصبح بجربا و إنت لابس لبس العسكر وحاسس بإحساس الناس الواقفين هونيك عالجبهة و مستنيين كلمة هجوم لحتى يعطو دمهم لهل الوطن الغالي . ذكريات كتير لناس استشهدو لحتى نحنا نعيش حياتنا الحلوة وتحية للناس اللي سهرانين على حماية هالوطن ويكبر عزك يا سورية. تم تعديل هذه المشاركة بتاريخ 18-4-2009 الساعة 22:55 من قبل: الحزين

18-4-2009    22:54

جميع الأوقات بتوقيت قارة | الوقت الآن:   الأحد   24/8/2025   23:44

منتدى الحوار  >>  منتدى الحوار العام