منتدى الحوار  >>  منتدى الحوار العام  >>  المعلم بين الماضي والحاضر

الكاتب

الموضوع

زهرة جبلية عضو مميز	المعلم بين الماضي والحاضر تحياتي... بعد أن قلبت صفحات موضوع "أحلى مراحل الحياة" وجدت أن الشخص المكروه غالبا هو الأستاذ مع إنو العكس هو اللي لازم يكون على مبدأ'من علمني حرفا كنت له عبدا' فمارأيكن إنو نحكي عن المدرسين زمان بذاكرة كل واحد فيكن والمدرسين هلق اللي عم يدرسوا أطفالكن عن السلبيات والإيجابيات وأتمنى المشاركة من الجميع ---------------------------------- إذا استطعنا أن نرى المعجزة في زهرة بوضوح............لتغيرت حياتنا
19-8-2010    14:03
الجلمود عضو مميز	وهل تبحثين عن الجيل الذي يقدر أحمد شوقي بقوله قم للمعلم وفه التبجيلا .....كاد المعلّم أن يكون رسولا في زمن ماتت فيه معاني الاحترام بشكل عام وتلاحقت فيه قصص البطولات عن الأفعال المزرية التي قام بها التلامذة مع مدرسيهم؟ أما ذاكرة الأساتذة في الزمن الماضي أعتقد أن الزمن محاها بكل روائعها وقبائحها كل الذي بقي منها أستاذ الصف الخامس الذي علمنا معنى العدل ---------------------------------- http://albesher.nserat.com/vb/forum.php
19-8-2010    23:57
زهرة جبلية عضو مميز	أنا لا أسأل عن جيل أحمد شوقي بل أسأل عن الفرق بين أستاذك الذي درسك في الصف الخامس والأستاذ الذي يدرس أطفالك الآن 'إن كنت أبا' أيهماأفضل وهل فعلا كمايقال:"العلم فشل لما صار في معلمات"؟ وماسبب وضع أخطاء فشل الطلاب دراسيا عالمعلم؟ طبعاأنالا أبرئ المدرسين لأنني من أكثر من عانى منهم لدرجة أن مستقبلي كله تغير بسبهم لكن أردت أن يقدر كل منا دوره في مساعدة الجيل القادم لتحديد مستقبله وأحببت أن لاتتكرر مشكلتي مع أحد فطرحت هذا الموضوع لننقاشه بكل حيثياته سعيا أن لا يقع أطفالنا في ما وقعنا وعذرا من الجميع ..مع خالص ودي.. بانتظار مشاركتكم... ---------------------------------- إذا استطعنا أن نرى المعجزة في زهرة بوضوح............لتغيرت حياتنا تم تعديل هذه المشاركة بتاريخ 20-8-2010 الساعة 03:04 من قبل: زهرة جبلية
20-8-2010    03:02
حسن البريدي مشرف	تحياتــي .. موضوع مهم ومفيد - زهرة جبلية - شكراً لتواصلك ولعل عصر السرعة والمتغيرات العامة وندرة الصبر والانتظار في طبيعة الناس في هذا الزمن .. هو سبب رئيس لاختلاف طالب اليوم عن طالب الأمس ومعلم اليوم عن معلم أيام - راتب المعلم - 600 ليرة سورية .. في أرشيف المنتدى العام ومنتدى مدينة قارة .. هناك المزيد من المواضيع التربوية والتعليمية الهامة .. منها ( شؤون تربوية ‘ شؤون تربوية خبرات ، تدني مستوى المدارس .. الــخ ... ) كما أن الإجابة على تساؤلك أعلاه واردة في هذه المواضيع .. الملاحظة فقط والتي تنسحب على المقدَمة أعلاه .. أن الأرشيف غني جداً بالكثير من المواضيع المهمة والهادفة والتي أخذت من وقت الباحثين والمثقفين في المنتدى وجهدهم .. لذا يرجى مراجعة الأرشيف ومتابعة هذه المواضيع .. ودعمها وابداء الرأي .. والملاحظات .. - وأخيراً .. مهما اختلفت الأمور .. وتبدلت .. تبقى مهنة المعلم من أرقى وأرفع المهن وأنبلها .. ولا أتصور بأن يكون أستاذ منبوذ أو مكروه - كما ورد في البداية .. مع خالص الشكر .. ---------------------------------- - كن كالغيث.. أينما هلَّ ؛ نفع ..
20-8-2010    13:15
الكوبرا عضو مميز	بسم الله الرحمن الرحيم انا بدي احكي على الجيل الذي يتوسط الجيلان الاباء والاولاد ولأنني لاازال في سنين الدراسة وماصارلي كم سنه تارك المدرسة ومع قصر المدة بيننا وبين جيل الأولاد صار تغير كتير كبير بهل الفترة بنسبة للتعليم وللمعلمين مع انه معظم معلمينا مازالوا على راس عملهم لكن لتغير هو مهنه التعليم في المجتمع ولم يبقى لها تلك الهيبه وكأن هذا المجتمع نسي انا هذا الشخص هوشخص مقدس وعظيم ويمكن هل الشيئ يرجع لفقدان المعلم صفه المربي وسبب الفقدان بيرجع لأربع امور 1- للطفل الذي لا يعرف معنا الاحترام 2-للأهل لي ديماً بنظرهم ابنهم بريئ واستاذة حاطت حطاه (شو اله معه الاستاذ ليحط حطاه) 3- لقرارات لبتوقف مع الطفل ضد الاستاذ اذا أدبه لأي اسائه اسائها (ولي منعت الضرب وحلت محلها الفصل)وهذه ايضا ًمن الامور لأدت لفشل بعض الطلاب لأنه الضرب بوجع شوي وبينتسى اما الفصل فهو بيقضي ع مستقبل الطالب 4- للأستاذ نفسه لبيقول شوبدي بوجعه هل الراس علي اعطي درسي وهل الشيء غلط فأنا برئي انه المعلم لم يتغير والمدرسة لم تتغير بس لتغير تفكير الناس ومثال على كلامي كانت بنت أخي السنه بالروضة لكنت فيها أنا، ونفس المعلمة لكانت تدرسنا من 14 عام وكانت معلمه قديرة وب14 سنه بكون زادت خبرتها خبره وقت لدخلنا ع الصف الاول كنا نجيد القراءة الجيدة والكتابة بس بهل الوقت لداخل الروضة بس بيتعلم الاحرف وهل السبب بيرجع للمنهاج وليس للمعلم لانه بأخر الوقت عم يخلصو الاحرف فمتى بدهن يتعلموا يركبوا الحروف ويهجوها فتخيلوا اذا ع مستوى روضة ولي تعد من الكماليات هيك فكيف باقي المراحل لذالك لأجد مجال للمقارنه بين المعلمين الحالين ومعلمينا القداماء ويمكن بس بالنسبه لجيلنا لانه لايعد من الجيل القديم وكمان صحيح المعلم القديم عنده خبرة لانه امضى سنين بتدريس بس ماننسى انه مثب عالبكلوريا او التاسع بينما المعلمين الجدد عم يقضو خمس سنين بالجامعه وهل الشي عم يعطيهم خبر القدماء وكمان مافي دخل للمعلمات بفشل العلم لانه من يوم يومها المعلمات بهل المهنه وبتزكر بالمرحلة الابتدائية كلهن معلمات درسونا إلا مادة الديانة بالصف الثاني درسنا إياها معلم، وبهل وقت مهنه التعليم وخصوصي للمرحلة الابتدائيه بيعتبرها كتير ناس انسب للفتيات وكذلك فشل الطالب يعكس شخصيته وما في أي دخل للمعلم فيه لانه مافي أي معلم بيكرة طلابه وكمان لازم نعرف انه اكبر غلط ان نحكم على مجموعه بشخص يعني حتى ولو في استاذ سيء او مكروه مافينا نقول كل الاساتذة سيئين ومكروهين وكمان غلط نعلق أخطائنا بغيرنا سوائاً بمعلم او غيره والكلام موجه الك اخت زهرة جبلية فأنت لبترسمي مستقبلك مو معلمينك وحتى لو كان عنا معلم فاشل مولازم نخلي فشلة يأثر علينا وحتى لو صار هل الشي بكون بسوء فهم فلذلك راجعي حساباتك قبل ماتلومي حدى (مع احترامي واعتزاري الك) ومع كل هذا هناك بعض المعلمين السيئين لدخلوا مشاكلهم الشخصيه بالتدريس فكره الطالب بالمدرسة وادوا الى فصلة وحرموه فرصت التعليم وهيك حاله نادره جداً وأخيرا أطلب من الجميع بما انه الحديث ع المعلم قراءة الفاتحة الى معلم هزت وفاته وجدان الكثير من طلابه الى معلم لاننساه ابداً وقد علمنا أفضل شيْ بالدنيا وهي الصلاة وهو الاستاذ (علي معطي) رحمه الله ----------------------------------
20-8-2010    17:19
زهرة جبلية عضو مميز	سلاماتي إلى الكوبرا وشكرا كتير إلك عالمشاركة وعلى رأيك اللي بحترمه أنا مابنكر إنو نحنا اللي بنرسم مستقبلنا وإنو في حق علي بالنسبة لمستقبلي لكن أساتذتي بالبكالوريا كان الهن دور كبير فيه وعلى فكرة أنا ما قصدي سيء للأساتذة أنا هدفي إنو الأساتذة الجايين مستقبلا يتعلمو من أخطاء اللي سبقوهن ويحاولوا يخلقوا علاقة حلوة وحميمية بين الطالب والأستاذ علاقة تشد الطلاب للتعلم وتريح الأستاذ أثناء أدائه لعمله لفتة بسيطة أنا مارست مهنة التدريس لفترة ولا حظت إني لما حبيت طلابي وعطيتهن المعلومة بالمزح مرة وبالحكاية مرة وبالجد مرة إنهن تقبلوها أكتر وبادلوني هالمحبة بمحبة المادة وبالعلامات اللي أخذت ترتفع القصد إنو لمابنحب الطالب وبنعاملو على ذكي وأكيد بيفهم رح نلاقي النتيجة بجيل واعد ---------------------------------- إذا استطعنا أن نرى المعجزة في زهرة بوضوح............لتغيرت حياتنا تم تعديل هذه المشاركة بتاريخ 20-8-2010 الساعة 18:40 من قبل: زهرة جبلية
20-8-2010    18:37
رولا	سلام للكل بصراحة انو هادا الموضوع بهمني اكتر من غيري بما انو رح صير معلمة بعد كم سنة اول شي انو مهنة التريس خلقت للمعلمات وخصوصا مرحلة التعليم الاساسي الحلقة الاولى (الصف الاول للرابع)مثلا نحنا بكلية التربية الي رح درس هالفئة من الاطفال نسبة البنات 99%والذكور 1% تانيا انو الغلط هالايام م بس من المعلم لحالو لانو جيل كفا الله شرو انا عم حس انو الاحساس العظيم لقيمة العلم نفقد بنفوس الشباب يعني كتير سمعتها انو بقلو انا رح روح اشتغل اي شغلة احسن من روحتي عالمدرسة كل يوم عالفاضي تالتا وهو الاهم انو في اساتة عم تكره الطالب يروح عالمدرسة وحلها ا ذا بتنحل بصراحه الموضوع مهم بس قال تعالى( ان الله لايغير مابقوم حتى يغيروا ما بأنفسهم) صدق الله العظيم ----------------------------------------------------------------- المعلم اعظم شخص لأنه على يده تتخرج جميع المهن الاخرى
21-8-2010    00:46
زهرة جبلية عضو مميز	تحياتي أخت رولا صدقت بما ذكرت ( إن الله لا يغير مابقوم حتى يغيروا ما بأنفسهم ) فلماذا لانكون نحن نواة هذا التغيير علنا نرى تحسنا في واقعنا التعليمي وذلك بدءا منكم أنتم معلمو الحاضر والمستقبل إلى الأهالي اللذين يكونون في بعض الأحيان وللأسف سببا في تكبير الهوة بين طالبنا وأستاذه فمثلا بعض الآباء يقولون لأبنائهم: -الآنسة اللي بتزعجك أو بتبهدلك لا تسكتلها لأنو نحنا باعتينك تتعلم مو لحتى تتفشش فيك الآنسات- فيا ريت نوقف عند هالنقطة نقطة أخرى بتمنى من الجميع مايقولوا جيل الله يكفينا شره لأنه أكيد أخت رولا هالكلمة قالوها أساتذتك لما إجا جيلك لأنه بمتل هالكلمة بتبلش مأساة التعليم فمن الأفضل إنو نقترب من هالجيل ونسمع أفكاره وآرائه ونساعده بتحقيق أحلامه لأنه أكيد في عنده شي حلو وخير وممكن يطورنا ويرتقي فينا لمستوى علمي متطور مع فائق حبي ---------------------------------- إذا استطعنا أن نرى المعجزة في زهرة بوضوح............لتغيرت حياتنا
21-8-2010    03:25

جميع الأوقات بتوقيت قارة | الوقت الآن:   الاثنين   18/8/2025   05:50

منتدى الحوار  >>  منتدى الحوار العام