منتدى الحوار  >>  منتدى الحوار العام  >>  عاصفة

الكاتب

الموضوع

Yaser عضو مميز	عاصفة شو اخبار العاصفة التي ضربت دمشق انشاء الله ما صار خراب كتير ؟؟؟؟؟؟؟؟ ---------------------------------- لا إله إلا أنت سبحانك ....أستغفرك اللهم و أتوب اليك.
24-2-2004    08:14
سنا عضو مميز	فعلا ننتظر اخبار قارة هل اثرت فيها العاصفة وشو اخبار الجبل والكرز
24-2-2004    09:45
محمد حمود مشرف	من زمان ما شفنا مشاركاتك يا أخت سنا، وكذلك مشاركات الصغيرة هبة.
24-2-2004    11:24
مجيد عضو مميز	السلام عليكم لقد كانت العاصفة التي ضربت دمشق قوية جداً وقد أدت إلى إقتلاع الأشجار وإنطفاء الكهرباء لساعات طويلة نجم عن تلك العاصفة خسائر مادية لا يستهان بها وسمعت من بعض الناس أن هناك بعض الخسائر في الأرواح ولا أعلم مصداقية هذا الخبر ..... وفي قارة أيضاً كانت الرياح قوية جداً ولكن أظن أنها لم تكن بقوة الرياح في دمشق الحمد لله على كل حال ونسأل الله الرحمة للجميع
24-2-2004    15:32
غزل عضو مميز	مرحبا يا شباب ويا صبايا والله اني اشتقتلكم كتير بس بتعرفوا مشاغل هالدنيا المهم الحمد لله على سلامة الجميع من العواصف التي هزت دمشق وقارة بنرجع لحديثنا الرياح القوية ما سلم منها حدا حيث أنها قلعت الأشجار و قطعت الأسلاك الكهربائية وبقينا بدون كهرباء لمدة 24 ساعة هدا كلو غير الدشات اللي طارت من الأسطح وكسرت رؤوس الناس و ما عم يشتغل حدا غير سيارات الإسعاف و الشرطة وصدقوني انو الناس تمشي بالطرقات بعكس الاتجاه، والسرافيس تتمايل يميناً و شمالاً وكله كوم والرافعة اللي وقعت فوق بناية وهدمت الطابق الأخير ،كوم تاني على كلٍ مرقت على خير ويا ريت تخبرونا شو صار بقارة والسلام للجميع
24-2-2004    15:44
النَّشمي عضو مميز	السلام... بالنسبة لقارة يمكن زحلت شوي ناح حمص...لأنو وقتللي جينا عالشام((نحنا,,مقامنا الكريم))...طولنا لوصلنا........ بالشام...الحاويات مشيت متلها متل السيارات.......ما حدا أحسن من حدا... والرافعة العالية اللي كانت عم تكش حمام العمارة بجانب الطابو مقابل الخجا....عالجها الهوا بكف..آم انلوءت ومالت عالجيران وكسرت آخر سقف من بنايتين متجاورتين....والحديد فرد حالو عالحارة كلها... ومدري في ضحايا من ورا هالسالفة مدري لأ... شو كمان.....جارة رفيقي ...الله يرحمها....وقعت عليها لوحة إعلان.... والشجر العالي صار واطي..... والأسقف التنك...طارت بالهوا...و صارت الناس تمشي عليها متل بساط الريح.... عالطريق العام....وقعت دعاية..بامبرز...دمشق 50 كم...دمشق 45 كم....الخ.... الزبالين..كان عندهن شغل إضافي....شهر نضافة... سور محطة الحجاز من الخلف....وقع كلوه..... ما ضل تغطية للخليوي أبداً...وقت العاصفة.. وأول مرة بشوف المي مجلدة بالشام..... هيدا اللي عرفتوا..... يمكنكم مشاهدة صور الثلج في حمص وقت العاصفة....للجـــادِّين فقط سلامي لكم.. ---------------------------------- سلامي للجميع......... تم تعديل هذه المشاركة بتاريخ 24-2-2004 الساعة 17:38 من قبل: النَّشمي
24-2-2004    17:33
نور عضو مميز	والله أخبار ما بتسر يا النشمي الله يجعلو خير يا رب على الجميع سلامي
24-2-2004    19:32
ابن قارة	الحمد لله على سلامة الاهل في سورية وجميع سكان سورية
26-2-2004    20:38
HERO عضو مميز	الحمد لله على سلامة الجميع
26-2-2004    20:59

جميع الأوقات بتوقيت قارة | الوقت الآن:   الثلاثاء   19/8/2025   01:47

منتدى الحوار  >>  منتدى الحوار العام