منتدى الحوار  >>  منتدى الحوار العام  >>  عيفان حالي

الكاتب

الموضوع

بغدادي	عيفان حالي شباب انا واحد مو نايم ليلي ولا صحيان بنهاري بالله عليكم حدا يسليني ويسولف معي عن بلدي قاره وعن ناسها وجوهاعايف حااي بالغربة منشان الله سلوني
2-8-2004    07:57
Yaser عضو مميز	شو المشكلة صعبها بتصعب هونها بتهون توكل على الله وكل الامور ستسير على ما يرام وين انت......... باي بلد Take care Yaser ---------------------------------- لا إله إلا أنت سبحانك ....أستغفرك اللهم و أتوب اليك.
2-8-2004    08:17
محمد حمود مشرف	أهلين بالعيفين حالو ومعك حق تعاف حالك لأنو أي قاري موجود بالكويت بهالوقت من السنة والجو الحار جداً، ويتذكر قارة وجو قارة وهواءها البارد اللطيف والسهرات الحلوة... أكيد رح يزعل ويتعب ويعاف حالو... ولكن اعلم أنك لست الوحيد، وأن العديد من القارية يشاركونك نفس الحالة، وانشاء الله تكون الإجازة قريبة ونجتمع في قارة... وأدعو المقيمين في قارة أن يرسلوا لنا بالأخبار من هناك ويتحدثوا عن الأجواء الصيفية، وذلك لأن هذه الأخبار تسعد المغتربين -وينكم يا حسن ومسعود والساطور والنشمي؟؟؟؟؟-
2-8-2004    08:41
ا لساطور عضو مميز	يا حرام والله نحنا ما عم نسترجي نكتب مشان العايفين حالهن لأنو نحنا كنا عايفين حالنا متلهن ومنعرف أنو لو كتبنا قديش حلوة سهرات الضيعة وبرودها وناسها أكيد أكيد اللي عايف حالو رح يعوف رزقتو بالغربة ويجي لهون بس طالما أنكم أنتو اللي سألتو عن أخبار الضيعة نحنا منقول لكم أنو ما في أحلى من هيك الناس بقارة عم تقول لعمة على هالشوب بهاليومين بس المقيم بالخليج و اللي شايف بعينو المجردة كيف تجري التفاعلات على سطح الشمس ويكاد يسمع صوتها , لو بيجي على قارة بالشوب يعترف اعترافن مبرحن أنو ما في أحلى من هالجو عندما تفكر في هذه الليالي المقمرة أن تذهب إلى عين البيضة في سيران مسائي جدا بعد الساعة العاشرة يجب أن ترسل مندوبا قبل ذلك بساعات ليحجز لك مساحة حصيرة وأربع سفنجات ومنقل شوي العرانيس . وذلك بسبب وجود عائلات في بعض الأحيان ترتاد المزرعة مساء عندما تشعر بالملل الشديد جدا هنا في قارة يكون في رأسك مية دوشة وعزيمة وحضور خطبة وخاصة في هذه الأيام وفي أسوأ الاحتمالات تستطيع حضور فتة أربعمية خالية من الكفر لإحضار الحظ الجيد . المختصر المفيد : موسم الكرز كان جيد جدا وتستطيع أن ترى الفرحة على وجوه الناس في الشارع والمسجد والجبل وبأي مكان ســــــــــــــــــــــــــــــــــامحونـــــــــــــــــــــــــــــــــــــــــا
2-8-2004    09:42
مسعود حمود عضو مميز	.. خيو ... مختصر مفيد .. حزين اللي ما شرب كاسة متة من إيد النشمي ، مع سحبة أركيلة من إيد الساطور بالمحكمة وقت اللي كان القمر متل القمر وما اقدرت تكنولوجيا اليابان اتصورلكن القمر متل ما هو فعلاً ، لأنو قمر قارة شغلة ما صارت بالتاريخ .. خيو وحزين اللي ما شم الهوا هونيك ، يا زلمة نسبة الأوكسجين بتطلعلها شي مليون بالمية ( عذراً من أبو حسان وسالفة الأرقام ) .. أخي شو بدكن بالحكي .. قارة أكتر بكتير من مجرد خريطة وموقع انترنت وزحمة متورات .. الخ قارة يا جماعة...حالة عشق .. قارة ... شباب في بقلوبهم وعقولهم شي ما بتقدر الكيبورد ( لوحة مفاتيح ) تحكيه .. قارة ... يرحم الله قارة .. ويحميها .. التوقيع: اللي ما عرف شو مرض شجرة الجوز بحديقة المحكمة ... واللي مستمتع كتير بشرب كاسة متة على البرندة بعد العصر وأمه عم تدعي يوصل محمد حمود وكل الغياب بالسلامة ... ---------------------------------- مدونتي تم تعديل هذه المشاركة بتاريخ 2-8-2004 الساعة 17:14 من قبل: مسعود حمود
2-8-2004    17:12
بغدادي	الحمدلله الحمدلله ياجماعة انا اليوم الساعة 2الظهر طالع من الكويت وجاي على ارة بالله بتوصوني عشي الله يجمع شمل كل الاحباب والاصحاب والاقارب ويبعد العقارب اااااااااه ماحلى هاليوم بحياتي الواحد يرجع عوطنة والله الواحد لو يسجد لربو ليل نهار ما بكفي شكر لنعم الله سدؤوني بدعائي والحاحي وسجودي وصلاة الحاجة لربي
5-8-2004    05:28
بغدادي	الحمدلله الحمدلله ياجماعة انا اليوم الساعة 2الظهر طالع من الكويت وجاي على ارة بالله بتوصوني عشي الله يجمع شمل كل الاحباب والاصحاب والاقارب ويبعد العقارب اااااااااه ماحلى هاليوم بحياتي الواحد يرجع عوطنة والله الواحد لو يسجد لربو ليل نهار ما بكفي شكر لنعم الله سدؤوني بدعائي والحاحي وسجودي وصلاة الحاجة لربي بتسوي الكتير الكتير ما الكم الى الدعاء والخضوع والمذلة لله سبحانه وتعالىواصبلرو ولا تستعجلو بالاجابة من الله وما بادر اول غير الحمدلله على كل نعمه انعمها علينا!!!....
5-8-2004    05:32

جميع الأوقات بتوقيت قارة | الوقت الآن:   الاثنين   18/8/2025   02:12

منتدى الحوار  >>  منتدى الحوار العام