أبوعبدو
عضو مميز
|
وهذه باقة من الأمثال القارية ومهداة لحمود ومجيد عن فصول السنة
{ كانون : كن ببيتك يا مجنون }
{ شباط : شبط ولبط وروايح الصيف فيه }
{ آذار : خبي حطباتك الكبار لعمك آذار }
{ نيسان :الشتوى بنيسان بتسوى السكة والصند والفدان }
{ أيـــار : حميل منجلك واندار }
{ تمــوز : بتغلي المي بالكوز }
{ آب : أ طُـو ف العنؤود ولا تهاب }
{ أيــلول: دنبو مبلــول }
أما عن تشرين فقد ورد ذكره في الباقة السابقة
ويا مين يسعفنا بشي مثل عن حزيران
----------------------------------
لا تقل أصلي وفصلي دائماً.....إنما أصل الفتى ماقد فعل
|
|
17-12-2003
00:04
|
|
|
أبو الوليد
|
السلام عليكم ورحمة الله وبركاته
أتوجه بداية بالشكر والامتنان الكبير للقائمين
والمشاركين في هذا الموقع الفريد والمتميز وأدعو
الله أن يمن على قلوبنا بالائتلاف والمحبة لبعضنا البعض
وإليكم الآن هذه المجموعة من الأمثال التي تداولها أجدادنا
ونحن الآن مانزال نستخدمها في بعض الأحيان :
{إذا بدك تستريح شوما شُفْتْ قول مليح }
{ابن الحلاْل عند ذكروا بباْن }
{إذا كبر ابنك خاويه }
{ اللي بياْكل على ضرسو بينفع نفسو }
{ جنب العقرب لاتقرب وجنب الحية فروش وناْم }
{ الجنة بلا ناْس ما بتنداْس }
{ ابن غيرك مابينفعك وكلب غيرك مابيتبعك }
{إذا طعميت شبِّع وإذا ضربت وجِّع }
{أعزب دهر ولا أرمل شهر }
{اللي إلو عمر مابتقتلوا شدة }
{اللي بيحط إيدو تحت راسو بلاقيها }
{بعد الأب إلك رب ، بعد الأم حفور وطُمّ }
{الأكل على قدّ المحبة}
{جارك القريب ولاأخوك البعيد}
{حْصيد قمحك فطير وصبور على شعيرك حتى يطير}(1)
{حبيبي بحبو ولو كاْن عبد أسود}
{خود الشمس من تحت الغيم وخودالبنت من تحت الضيم}(2)
{أحسن ما تقلها :كش ،اضربهاْ وإكسر لهاْ إجرها}
{رزق الهُبْل عالمجانين }
{توب العيرة ما بيدفي وإن دفاْ ما بيدوم}
{ركبناْه وراناْ مدّ إيدو عالخرج}
{قلنا لشعبان تعاْ برمضان قال كل شي حلو بأواْنو}
{غُبْ غَبْ الجمال وفِزّ قبل الرجال}
{استروا ما شُفتوا مناْ }
ملاحظة : التشكيلة ( ْ ) فوق الألف عنيت بها كيفية اللفظ باللهجة القارية
والتي تقابل نوعاً ما - الإمالة -
---------------------------
(1)المقصود هو الاسراع في حصيد القمح وعدم انتظاره حتى يصير يابساً
وأما الشعير فالأفضل الانتظار حتى يباسه.
(2) والمعنى هو أنه كما للشمس الطالعة من بعد غيم وضباب حلاوة ووقع
فكذلك البنت التي عانت وتعلمت قسوة الحياة.
أخوكم أبو الوليد
|
|
17-12-2003
11:48
|
|
|
أنا
|
كل يوم مثل
....إن غيمت من عشية شفلك شي مغارة دفيّة
وإن غيمت من باكر ...إحمل عصايتك وسافر...
.......
|
|
17-12-2003
20:56
|
|
أبو خالد
عضو مميز
|
كتير عال يامسيو (( أنا ))
طيب واذا غيمت الضهر شو بتسوي ؟
أنا رأي :
تسأل ناطور عين البيضة أبو النصر (( الله يرحمو ))
واذاماحسنت شوف أبو الزهر لأنو جوابو بفش الأهر
----------------------------------
إلهي إن كان هذا حلمك على من طغى و قال أنا ربكم الأعلى ! ............................................. فكيف حلمك على من سجد لك و قال سبحان ربي الأعلى ؟ ................................................... أبو خالد
|
|
18-12-2003
06:53
|
|
|
أبو الوليد
|
السلام عليكم
أرجو أن يكون قد أعجبكم ما ذكرت لكم آنفاً
وإليكم الآن مجموعة من الأمثال القارية والتي آمل أن
تؤنسكم وتروِّح عنكم في غربتكم الصعبة :
{ برد الصيف أحدُّ من السيف }
{البيت اللي ما هو بلدك لا هو إلك ولا لولدك }
{إلنا من هالحزمة عود والباقي تنتعوا القرود }
{ بيع الكرش واشتري شرش }(1)
{ حطّ إيدك بعينِك مثل ما بتوجعك بتوجع غيرك }
{ خود ورد ما بتنرد }
{ داْبة الشُّرْكة بتموت عالمعلِف }
{ دنب الكلب حطوه بالقالب أربعين سنة ضل أعوِج }
{ زيواْن بلدك ولا قمح الغريب }
{ الطاقة اللي بيجيك منها ريح سدّها واستريح }
{ صفي النية وناْم بالبرية }
{ على أدّ بساطك مدّ إجريك }
{ طعمي التمّ بتستحي العين }
{ الفقير لو ركب عالجمل بيعضو الكلب }
{ عيار الشبعاْن أربعين لقمة }
{ ساْعة الكيف لا تفوتها وإن جاْعت النفس بإيش ما كان أوِّتها }
{ اللي عند أهلو على مهلو }
{ ضربة المعلم بألف ولو شلفها شلف }
{ اللي على باْلو لايحرم حاْلو }
{ نهيتك ما انتهيت ،اعمل مثل ما اشتهيت }
{ نياْل المتهوم عند الله بري }
{ عطي الخبز لخبازو ولو أكل نصو }
{ كل قمحة مسوسة وإلها كيّاْل أعور }
{ اللي ما إلو شعرة بالجمل بيلعن أبو صاحبه }
{ اللي بيخاف من العفريت بيطلعلو }
{ مركب الضراير سار ومركب السلايف احتار }
{ اللي ما بيجي معك تعاْ معو }
{ اللي ما عندو كبير يشتريلو كبير }
{ لولاك ياكُمّي ما أكل تُمّي }
{ اللي بتعرفو أحسن من اللي بتتعرف عليه }
{ اللي بشوفني بعين بشوفو بتنتين }
{ ما أغلى من الولد إلا ولد الولد }
{ محل الضيق بيسع ألف صديق }
{ يا رايح كتِّر الملايح }
---------------------
(1) المقصود هو الترغيب بالزراعة-الشرش- حتى لو اضطررت لبيع ما لديك
من دواب-الكرش-......
وإلى لقاء قريب مع كمية من الأمثال القارية إن شاء الله
أخوكم أبو الوليد 
|
|
18-12-2003
12:09
|
|
|
أنا
|
كل يوم نص متل
......
اللي ما إلو بيت ما إلو ضيف...واللي ما إلو كرم ما إلو صيف
|
|
19-12-2003
08:11
|
|
|
أبوالوليد
|
السلام عليكم
أرجو أنكم تستمتعون بهذه الأمثال القارية
وإن شاء الله سأستمر معكم فلدي الكثير الكثير منها :
{ إلتمّ المتعوس على خايب الرجا }
{ إجا ليكحلها عماها }
{ إذا كان طباخنا جعيص اشبعنا مرقة }
{ إجا للعميان ولد ، من كتر الملحسة قلعولوا عيونو }
{ إجت الحزينة لتفرح ، ما لقت مطرح }
{ بالسُّخْرة متل المُهرة }
{ جبنا الأقرع ليونسنا ، كشف عن قرعتو وفزَّعنا }
{ حمي ضيفنا ومد إيدو }
{ بكل عرس إلو قرص }
{ إلو تمّ ياكل ، ما إلو تمّ يحكي }
{ أكتر من القرد ما مسخ الله }
{ أبوك البصل وأمك التوم ، منين جاتك الريحة الطيبة }
{ إكل ومرعى وقلة صنعة }
{ ابن الإسكافي حافي وابن الحايك عريان }
{ الخط الأعوج من التور الكبير }
{ جحا أكبر ولَّا أبوه }
{ حُطّ الدست ووَّقد تحتو ، ما أضرب من الخال إلا ابن أختو }
{ الدار دار أبونا والناس بيقلعونا }
{ عزمناهم تدللوا ، تركناهم تدخلوا }
{ قاعد بحضنا وعم ينتف بدقنا }
{ قالوا للبغل : مين أبوك ، قالهن : الحصان خالي }
{ اقعود أعوج واحكي جالس }
{ إللي بياكل العُصي مو متل اللي بيعدّها }
{ لبِّس العود بيجود }
{ إللي فيه شوكة بتنخزو }
{ يطعمك الحجة والناس راجعة }
{ لابق للشوحة مرجوحة ولأبو بريص قبقاب }
{ يرحم أمك حية ميتة ، ويرحم أبوك حنش مقتول }
ومع موعد جديد وأمثال جديدة إن شاء الله
مع تحيات أخوكم
أبو الوليد
|
|
21-12-2003
18:15
|
|
النَّشمي
عضو مميز
|
الله حيو أبو الوليد...
طلع هالبلاوي اللي عندك..وين كنت مخبيها
وسامحونا..صاير فينا متل البير المقطوعة ميتو ما عنا ولا متل
----------------------------------
سلامي للجميع.........
|
|
21-12-2003
19:43
|
|
|
أنا
|
كل يوم متلين
أنا عندي متلين
حفاْر(احفر) بير و طمور بير ....ولا تريح أجير
وبنفس المعنى المثل الآخر
تحت كراْه زء بلاط (كراه : أجرته)
|
|
21-12-2003
20:04
|
|
|
أبوالوليد
|
خودوا كمان هالأمتال وأحلى نشمي وأنا ولاقيني عالبيدر :
{ واحد حامل ذقنو والتاني تعبان فيها }
{ ناس بتاكل جاج وناس بتوقع بالسياج }
{ مقرف وبيتمقرف وأعور بيتنعور }
{ من تُمّك أحلا ياكحلا }
{ مطبل بالدنيا مزمر بالآخرة }
{ بيبعت الجوز للي ما إلو ضراس }
{ اللي ايدو بالمي مو مثل الإيدو بالنار }
{ لبسناه الجوخ رجع عالشاروخ }
{ عمرو ما اتفق كلبين على عضمة }
{ طحان ما بيغبر على كلاس }
{ طلع لجحا قرايب }
{ زُلْم آخر زمان }
{ زمان أول تحول }
{ إلحاق الديك لشوف وين بوديك ياعالقن ياعالمزبلة }
{ تيتي تيتي مثل ما رحتي متل ما جيتي }
{ حضرت الملايكة قام هربت الشياطين }
{ اللي بيطلِّع الجحش عالسطح بينزلو }
{ أمل إبليس بالجنة }
{ اللي ما بيحضر ولادة عنزتو بتجيب قرد }
{ مالك صاحب إلا بعد قتلة }
{ اللي بيشتغل بالسم بذوقو }
{ لا بد للدهب ما يعتاز النخالة }
{ كنا بجرة وطلعنا لبرَّا }
{ اقعود برَّا ولا تقعد حد الجرة }
{ عديم ووقع بسلة تين }
{ بدَّك العنب ولا بدك تقاتل الناطور }
{ بيمشي الحيط الحيط وبيقول يا ربي السترة }
{ القط بياكل عشاه }
{ بدو سلتو من غير عنب }
أخوكم أبو الوليد
زورونا يا حبايب
 
|
|
22-12-2003
00:06
|
|
|
أنا
|
متل
والله يا ابو الوليد لكثرة أمثالك الواحد بيخجل يكتب متل واحد..ولكن شي أحسن من ما في شي...
المتل...
إبنك اللئسي ادبحو...
اللئسي يقصد به الولد يولد في وقت متأخر ...طبعاً لا حدا يستعجل ويروح يدبح ولادو
طولو بالكم شوي...
المقصود هو الخروف أو الجدي الذي يأتي متأخراً عن موسم الولادة ويسمى "القشوع" والمقصود أنه مهما فعلت لن يكبر ويصبح مثل رفاقه وأن أكله خسارة فيه لذلك ....روح دبحوا
وعملك عليه طنجرة دفين و لا تنسى تعزمنا
|
|
22-12-2003
08:05
|
|
النَّشمي
عضو مميز
|
متل كل يوم ..يغنيك عن أبو الوليد دوم
وسلامي...
1- كول توم وانس الهموم
2- كول بصل وانس اللي حصل
ودمتم
----------------------------------
سلامي للجميع.........
|
|
22-12-2003
15:46
|
|
النَّشمي
عضو مميز
|
متل اليوم
دخان يعمي ولا برد يهري
----------------------------------
سلامي للجميع.........
|
|
23-12-2003
13:24
|
|
مجيد
عضو مميز
|
السلام عَ الجميع
ومتل ما قالت الغولة :
-لولا سلامك ما سبق كلامك ،لكنت ضربتك كف إجا راسك قدامك-
(الله يعطيك العافية يا أبو الوليد ومبين عليك شوفير مرّ ، بس من هون
وهيك يا أنا يا إنت ، فرجينا همتك ولشوف من بدو يمتل أكتر ، وخود
هالكام متل عالبيعة):
[ لا تحطّ ابنك عالحيطان ولا تقول طرايق الشيطان ]
[ إنْ ما لقيت ضاني عليك بالحُمْصَاني ]
[ اشتغلنا بالحِنَّة كتروا الحزانى ، اشتغلنا بالكفان بطل حدا يموت ]*
[ ما بيْحُك جلدك متل ضفرك ]
[ العنزة الجَرْبة بتشرب من راس النبع ]
[ رافقْ الجِيْد منو تستفيد ورافق الرِّدي منو تنعدي ]
[ الجَرَب لما بيهوش أطيب من قبض القروش ]
[ ركود ركد الوحوش غير رزقك ما بتحوش ]
[ إن كان حبيبك عسل لا تلحسو كلو ]
[ اشتري وبيع واسمك لا يضيع ]
[ قدّها وقدود ]
[ بنروح عالقبور منلاقي مية داقور ]*
[ سُنْسال جاري ولا نهر مقطوع ]
[ قالوا للكذاب حليف ، قالهون : جي الفرج ]
[ لا تنام بين القبور ولا تشوف منامات وحشة ]
[ ضرب الحبيب زبيب ولو كان بحجر ]
[ لاقيني ولا تطعميني ]
[ ما بنام عَ ضيم ]
[ ما بتنبل بتُمُّو الفولة ]
[ امشي بجنازة ولا تمشي بجوازة ]*
[ لا تشتغل بأرض معلَّقة ولا تاخد حُرْمة مطلَّقة ]
[ المال بيجرّ مال والقمل بيجر صيبان ]
[ قلبي عَ ابني وقلب ابني عالحجر ]
[ كنت نايم عَ طولي ما خلَّتني فصولي ]
[ يا ما أحلى اللي رقصت وما أكمل اللي قعدت ]
[ الديك الفصيح من البيضة بيصيح ]
[ اشتغل بورقة ولا تعامل البطال ]
[ لا تشتري الهِرْش ولو حقو قرش ]*
[ الدم ما بيصير مي ]
[ قلبنا من الحامض لاوي ]
[ كل الدروب عَ الطاحون ]
[ من وِقْعِتْ العنزة كِترو الدباحين ]
[ اللي بيتو من إزاز ما بضارب الناس بحجار ]
[ يا خِلِّي : متل ما بكون لك كون لي ]
[ اعميل خير وزُتّ بالبحر ]
[ كان يحلق صار يقلع ضراس ]
[ لبس قُبْعو ولِحِق ربعو ]
[ اسمــــع وسطّــــــح ]
--------------------------------
ملاحظة : كل متل محطوطلو هالاشارة(*) أنا ما دخلني فيه وإنما مجرد ناقل
ولست مسؤولاً عن أي تصريح أو تعليق يضر بالمصالح القارية.
ملاحظة للأخ العزيز -حمود- : إن شاء الله هيك صار منيح ؟ عجبتك هالأمتال
القارية اللي طلبتها ولا لسَّى على بالك {اللي على بالو لا يحرم حالو}
_أبوالوليد_
وعلى فكرة أبو الوليد من أعز أصدقائك ولا نسيت يوم اللي كنا نسهر عندو
علىالبرندة !!!
----------أخوكم مجـــــــــيد ------------
|
|
23-12-2003
14:21
|
|
النَّشمي
عضو مميز
|
شوي شوي يا شباب...غصَّينا
وبدل ما تشتري صاروخ و بمرة واحد يطير ويطق و خلص..اشتري كروز فتيش أبو النَّص بمضيك العيد كلو...
شوي شوي..بليييييييييز.
خذوا عني:
يا جبل ما يهزك ريح..............((الأمثال العرفاتية))
تمخض الجبل فولد فأراً............((أمثال بي بي سي..هنا لندن))
ولدت ميَّتة.........................((أمثال حماس والجهاد))
......والباقي بعدين
---------------alnashmi@gawab.com--------------------
----------------------------------
سلامي للجميع.........
|
|
23-12-2003
15:39
|
|
حمود
عضو مميز
|
شكراً أخي مجيد وأبو الوليد وكل من ساهم بهذه المجموعة القيمة لما لها من دور في حفظ تراثنا.
ويحرق حريشك يا أبو الوليد هادا انته والله ما عرفتك ....... ليش هيك لابس طالع متل أبو حسن
سلامات
|
|
23-12-2003
20:01
|
|
|
أنا العبد لله
|
كل كم يوم متل
...ابن الناعمة بيخدم السودة وابن السودة بيخدم البيضة وابن البيضة بيربى يتيم
 ......يعني هو مدري متل مدري حكاية..
بس معناه الولد اللي بيجي بكير (والذقن ناعمة أو سودة)بيخدم أبوه واللي بيجي متأخر(والذقن شايبة) بيربى يتيم..
|
|
23-12-2003
22:52
|
|
|
ا لجدايل
|
كيف الزُّلم ؟
كل يوم من الامتال خمسة -------------- ولا تنسى الصلاة عالرسول خمسة
{{ شو بدي اترجى منك يا سفرجل ، كل عضة بغصة }}
{{ خلي العسل بوكارو ، لتجي أسعارو }}
{{ اشتغل بالفاس ولا تعتاز الناس }}
{{ الدروة خير من الفروة }}
{{ ما بعد الصبر إلا الفرج }}
وردي عالغرة يا ام الجدايل
وموعدنا بكرة وجايين عالمهرة
|
|
24-12-2003
15:37
|
|
|
ا لجدايل
|
ياحب احبابه كل شي بحسابه
الكلب اللي بده يجي شحط بيش منه ومن صيده
الجديد ان ما غنيك بريحك
النار فاكهة الشتا واللي ما بصدء بينصلي
طلوب من اللي كين معه ولا تطلب من اللي بصير معه
|
|
25-12-2003
18:20
|
|
|
أنا العبد لله
|
كل يوم جمعة متلين...
...الضرس والنار... ما إلهن عيار..
....يارايح عالبرية..جبلي معك حجر هدية..
...........................................
|
|
26-12-2003
07:28
|
|
|
ابن الرفاعي
|
لغز والشاطر يحله
حرف الجيم اتى بحرف القاف واعطاه لحرف الميم والميم نشره على النون
|
|
26-12-2003
18:07
|
|
|
ابن الرفاعي
|
لغز والشاطر يحله
حرف الجيم اتى بحرف القاف واعطاه لحرف الميم والميم نشره على النون
وانا متاكد انو ما حدا لح يجاوب فما بدي تعبكم والجواب
جبريل اتىبالقران واعطاه لمحمد ومحمد نشره على الناس
|
|
26-12-2003
18:10
|
|
|
ابن الرفاعي
|
حكم
1-احسن الناس من اذا مدحته خجل ،ومن اذا هجوته سكت.
2-الحياه بستان جميل او صحراء جرداء.
3-الغضب ريح تهب فتطفئ سراج العقول.
4-اعرف صاحبك من صاحبه قبلك.
|
|
26-12-2003
18:24
|
|
النَّشمي
عضو مميز
|
سلام
حكمة العمر:
كلب رفيق أحسن من رفيق كلب
ودمتم رفقاتي
----------------------------------
سلامي للجميع.........
|
|
26-12-2003
19:17
|
|
|
ا لجدايل
|
{ وقع الجربوع بعبه }
{ الجمل لو بيطلع على حردبته كين وقع طقت رقبته }
{ الدهر دولاب يوم الك ويوم عليك }
{ الويعه الكبيرة بتسيع الويعة الصغيرة }
{ انا واخي عا ابن عمي وانا وابن عمي عا الغريب }
وردي ها الغرة يا ام الجدايل
وموعدنا بكره عم نتـــــمايل 0000
|
|
26-12-2003
19:31
|
|
