|
جلمود
|
بسم الله الرحمن الرحيم
كل عام وأنتم بألف خير , و ينعاد عليكم بالخير و البركات
سلام خاص و حار للنشمي و لمجيد و كل قرص و أنتوا بخير
كيفك أخي نشمي , شو أخبارك ليش ما عدنا شفناك , و الله اشتقنالك يا خي
كنت حابب شوفك بالعيد بس ما صار مجال , على كل حال :
كل سنة و أنت سالم
شو أخبار دراستك .. إن شاء الله بلشتوا بمشاريع التخرج
إذا ما بلشتوا في عندي مواضيع كتيرة ممكن نتناقش فيها بهالمجال
إذا حبيت , خلينا نشوفك بعد صلاة الجمعة الجاية , بنقعد مع بعض نتعاطى
المتة و بنسولف ..... ســــلام
|
|
28-11-2003
22:55
|
|
ابن البلد
عضو مميز
|
معكرونة بالدجاج بالفرن ( بالباشاميل)
المقادير:
1 دجاجة مسلوقة و مقطعة بدون عظم 1200 جم
3 اكواب معكرونة على شكل شرائط 400 جم
ا مكعب مرقة الدجاج 11جم
مقادير الدجاج:
1 ملعقة طعام زيت زيتون 15 جم
4 بصلات مفرومة 400 جم
8 فصوص ثوم مفرومة 40 جم
½ ملغقة شاي بهارات مخلوطة 3 جم
½ ملعقة شاي اجينا موتو 4 جم
½ ملعقة شاي ملح 4 جم
4 طماطم مقشرة و مفرومة 300 جم
1 علبة معجون الطماطم 135 جم
¾ كوب جبنة شيدر للوجه 66 جم
مقادير الصلصة:
5 اكواب حليب سائل 1ليتر
3 ملاعق طعام دقيق الذرة 36 جم
5 ملاعق طعام جبنة قابلة للدهن 120 جم
½ مكعب مرقة الدجاج
الطريقة:
- تسلق المعكرونة مع مكعب مرقة الدجاج و تصفى من الماء
- يخمر البصل و اثوم بالزيت في قدر على النار ثم تضاف البهارات المخلوطة، الفلف الاسود، الملح و الطماطم بنوعيه ثم الدجاج و يترك على النار لمدة 15 دقيقة
- تخلط جمبع مقادير الصلصة في قدر على النار و تحرك لمدة 20 دقيقة( لا تتوقفوا عن التحريك )
- لتحضير الطبق: يوضع نصف مقدار المعكرونة في طبق فرني عميق ثم يوضع عليه خليط الدجاج فبقية خليط المعكرونة ثم تصب الصلصة و يرش الوجه بالجبن المبشور و يخل الفرن على درجة 180 مئوية لمدة 30 دقيقة و يقدم
----------------------------------
لا تذل الناس لنفوذك وسلطتك @@@ فلو دامت لغيرك م آلت اليك
|
|
29-11-2003
00:36
|
|
بنت الضيعة
عضو مميز
|
السلام عليكم
وشكر لك يا ابن البلد على المشاركة في المطبخ
واليوم رح نكتب على اكلة معلروفة للجميع من اهل الضيعة لانها خاصة جدا بقارة
بس رح نذكرها على شان التعريف فيها
وهى الكشك :::::::::::::::::::::::::::::::::::::::::
الكشك بلحمة
-نفرم بصلة ونهوسها على النار بعد ما نحمي السمنة أو الزيت حسب الرغبةونضيف الكشك الكمية حسب عدد اتلاشخاص ونحمص الكشك سوي
مع رشة ملح اذا لزم الامر ونضيف الماء على الكشك ونتركه يغلى حتى يتعقد
اذا بدنا ناكل الكشك بالخبز لازم يكون الكشك سميك يعني بنخفف الماء
ونسكبه ونرش عليه الفلفل الاسود
""""""""""""
وفي الكشك بطريقة تانية
ونهوس البصلة بزيت بلدي مع 2 حبة ثوم ونضيف الكشك ونحمصه شوي وبعدين نضيف الماء ونتر كه يغلي وبكون مريئ ونرش عليه نعناع يابس
ونفت فيه خبز عادي أو محمص وكتير طيب وخاصة في ايام البرد
وكانوا قديما لما يطبخوا مجدرة ويفضل منها لتاني يوم يعملوا عليها كشك
وفي كشك بخضار نهوس البصلة والكشك نضيف السلق الجزر العدس اي من انواع الخضار المرغوبة
وطبعا الاكلة الاهم وهى الكبة بكشك
وهي الكبة المعروفة + الشكل المضاف اليه العدس الملفوف.......
وصحتين على الكشك وعلى الدفء بعد الكشك
|
|
30-11-2003
09:48
|
|
محمد حمود
مشرف
|
يم يم
يا سلام على الكشك، وخاصة هالأيام في شوية برد بالإمارات.
شكراً يا بنت الضيعة.
|
|
30-11-2003
10:46
|
|
شيمة
عضو مميز
|
السلام عليكم
أطيب التحيات لبنت الضيعة أحببت أن أنشر هذه المشاركة في صفحة الأكلات الشعبية.الخبز
قال رسول الله عليه الصلاة والسلام(خيرالفاكهة العنب وخير الطعام الخبز )
الخبز المحمص الجاف أسرع هضما من الخبز الطازج لأن الخبز الجاف خالي من الماء مما يجعل عصارات المعدة تصل اليه بسهولة ولهذا السبب انتشر الخبزالمحمص في الغرب.
تجنب كثرة الماء مع الخبز .لأنه يزيد من حجم مادة النشا فيسبب سوء الهضم والغازات .
تجنب الخبز الأبيض لأنه ينمي الأمراض السرطانية ومرض الإسقربوط لأنه خالي من الفيتامنيات ويتجمع في المعدة ككتلة من العجين .
يجب تناول الخبز البر غير المتروع القشرة لأنه الـأحسن .
تحتوي النخالة على الفيتامينات E_PP_B6_B2_B1
والفوسفور المغذي للدماغ وأجهزة التناسل وعلى السليكون المقوي للشعر واليود المهدئ للأعصاب وهو يعدَل إفرازات الغدة الدرقية ويعالج السعال والزكام والإمساك وآلام تقرحات المعدة وإلتهاب الأعصاب.
أعاننا الله على احترم هذه النعمة الكبيرة وخصوصا فتات الخبز فغالبا ماتجد مصيرها في القمامة .
قال حبيب الله (من أكرم الخبز أكرمه الله)
|
|
2-12-2003
21:28
|
|
ابن البلد
عضو مميز
|
بطاطا محشية
المقادير:
12 بطاطس متوسطة الحجم- 2 كجم
مقادير الحشوة:
1 بصلة مفرومة - 110 جم
¼ كيلو لحم مفروم- 250 جم
1 مكعب مرقة الدجاج- 11 جم
2 بندورة مقشرة مفرومة - 260 جم
¼ صرة بقدونس مفرومة - 20 جم
½ ملعقة شاي مسحوق الفلفل الأسود - 3 جم
1 كوب أرز مسلوق- 180 جم
½ ملعقة شاي ملح- 4 جم
مقادير الصلصة:
6 فصوص ثوم مبشورة - 30 جم
2 ملعقة طعام زيت زيتون- 30 مل
½ ملعقة شاي مسحوق الفلفل الأسود- 3 جم
½ علبة معجون بندورة - 68 جم
½ كوب كاتشاب - 124 جم
3 بندورة مقشرة ومفرومة- 380 جم
1 مكعب مرقة الدجاج- 11 جم
¼ صرة بقدونس مفرومة- 20 جم
¾ كوب عصير ليمون- 150 مل
4 أكواب ماء- 800 مل
½ ملعقة شاي ملح- 4 جم
الطريقة:
- تقشر البطاطس ثم تنقر من الوسط وتسلق لمدة (50 دقيقة).
- تخلط مقادير الحشوة جميعا وتوضع في وسط البطاطا وتصف البطاطا بعد حشوها في طبق فرني ويسقط المتبقي من خليط الحشوة حول البطاطا.
- تخلط مقادير الصلصة وتصف على البطاطا وتدخل الفرن بدرجة (200 ْ) لمدة (ساعتين) وهي مغطاة ثم تقدم.
جربوا وما بتتندموا
اخوكم
ابن البلد
----------------------------------
لا تذل الناس لنفوذك وسلطتك @@@ فلو دامت لغيرك م آلت اليك
|
|
2-12-2003
23:45
|
|
|
هبه
|
عزيزي ابن البلد
شكراً لك على هذه المشركة و لكن أحب أن الفت نظرك لمسألة مهمة ان هذه الصفحة هي للمأكولات الشعبيةالمعروفة في بلدتي الحبيبه قارة
لذلك اتركنا من الباشميل ومن المعكرونة و البطاطا المحشية و خلينا في الأكلات التراثية ........... من غير زعل و شكراً
|
|
3-12-2003
12:06
|
|
ابن البلد
عضو مميز
|
الله لا يجيب الزعل
بس انا شفتكم وقفتوا ان المشاركة قلت خلينا نحي الموضوع ونقدمه لقدام شوي مشان يطل بالصفحة الاولى
ايه والعزابي المغترب اللي مثل حكايتي من وين يجيب طرق الاكلات القارية ويدخل يكتبها بها الزاوية
ما لنا غير نقرء شي طريقة بشي موقع ونجربها اذا ظبطت معنا بمنكتبها بها الزاوية واذا ما زبطت ما بنجيب سيرتها
وتقريبا كل الاكلات اللي كتبت بها الزاوية جربناها والله يجزيها الخير بنت الضيعة وامها ما مقصرة
اذا ما عجبتكم مشاركة المعكرونة بالبشاميل خلاص بلاها ولا يهمك هبة فداك المهم ما يصير زعل
وكمان مشان البطاطا المحشية خلاص بلاها ورح غيرها الى بندورة محشية بيمشي الحال هيك خبرينا اذا ما مشي الحال الله يسعد اوقاتكم
اخوكم
ابن البلد 
----------------------------------
لا تذل الناس لنفوذك وسلطتك @@@ فلو دامت لغيرك م آلت اليك
|
|
4-12-2003
02:39
|
|
النَّشمي
عضو مميز
|
وصلني سلامك يا جلمود..
بس من كتر الجلاميد حولي للأسف ما عرفتك أنو جلمود منهن..؟؟
و إلحقوا الجلمود...لعند أصحاب الكرم والجود.
الكل معزومين عشرب المتة..الإثنين بعد صلاة الجمعة..؟؟
----------------------------------
سلامي للجميع.........
|
|
4-12-2003
11:07
|
|
بنت الضيعة
عضو مميز
|
السلام عليكم ورحمة الله
اليوم اكلتنا اكلة بعملوها في المناسبات والعزايم وهى (التفين )
- نسلق اللحمة وبتكون مقطعة مع العظم
- نضع مع اللحمة الملح والبهار مع ورق غار على شان تروح الزنخة
- وبعد الاستواء نضيف البرغل الكبير طبعا عيار البرغل يعني كل كاس برغل = 3 حتى 4 كاسات ماء وخاصة اذا كان البرغل سيقي بحتاج ماء حتى ينضج
- وقديما قريب النضج كانوا يسقوا البرغل بالسمن العربي وبحبوا البرغل يكون ( سمح ) يعني مو ناشف
- ونسكب البرغل في طبق التقديم وجديدا صاروا يحطوا عليه المكسرات متل اللوز والصنوبر
- والى جانبه لبن الغنم من الضيعة وصحن سلطة على الكيف وصحتين وهنا
|
|
7-12-2003
08:36
|
|
حسن البريدي
مشرف
|
يا سلام.
شكراً لبنت ضيعتنــا العزيزة .. على الطبخات الطيبة ..وتواصلها مع المنتدى .. وفعلاً شباب الضيعة غير المتزوجيــن أو المغتربين عن أزواجهم يستفيدون كثيراً من الشيفة الطيبة بنت ضيعتنا وجزاها الله خيراً .. وجعل ذلك في ميزان حسناتها يوم القيامــة ..
كما أشكر أصدقائي - النشمي .. أنا .. ابن البلد .. شيمة .. والآخرين لاشتراكهم في هذا الباب ..
حسن.
----------------------------------
- كن كالغيث.. أينما هلَّ ؛ نفع ..
|
|
7-12-2003
12:08
|
|
|
أم من الضيعة
|
السلام عليكم
تحية طيبة للجميع وأخص بالتحية ابنتي بنت الضيعة والله يعطيك العافية
سأكتب طريقة الكبسة وهي من اكلاتك المفضلة والتي اصبحت من الاكلات الشبيعة في قارة
لكي تنجح الطبخة الأفضل ان يكون الرز رز بيشاور .
المقادير
كيلو رز بيشاور
كيلو لحم فروج او نصف كيلو لحم ضان
بها رات الكبسة _4حبات لومي _4حبات جوز الطيب (بعد دقها بجرن التوم )
عدد حبات من الهيل والقرفة بعض من اوراق الغار
بصلة متوسطة الحجم
ثوم حسب الرغبة
نصف كيلو بندورة مقطعة او(دبس بندورة)
الطريقة
بعد تبيل الدجاج باليمون والثوم وقليه نشوح البصلة مع الثوم والبندورة ثم نضع فوقهم الماء حتى يغلي ونضع فوقه الفروج المقلي ثم نضع باقي ماكتبناه من المقاديرمن بهار ووو ونغطي الوعاء حتى ينضج الفروج بعد نضج الفروج نصفي ماوضعناه في المرق ونأخذ 2كيلو من المرق ل كيلو رز
نصول الرز بدون نقع اذا كان بيشاور ونضعه في المرق تحت نار متوسطة كطريقة طبخ الرز العادية
حتى ينضج ونصبه في وعاء ونزينه بالفروج واللوز والصنوبر .
والى جانب الكبسة نضع التأووس
نفرم البندورة ناعم ونقلبها مع سمنة ومع القليل من الفليفلة الحارة والبهار حتى تنضج ثم نضع معها الثوم المدقوق حسب الرغبة .
وميييية صحة
|
|
10-12-2003
13:35
|
|
|
روز
|
يسلمو هالإيدين على هالكبسة التي لا يعلى عليها
وياجماعة مشروع هالكبسة على مسؤوليتي مشروع ناهي
وهدا التأووس اللي بينعمل حدها شغلة شغلة كنت عم بقرا وخايفة تكوني ما أفدتينا بطريقته
وتسلم هالإيدين مرة تانية 
|
|
10-12-2003
17:01
|
|
|
هبه
|
الله الله........................... على هل الأكلات و الوصفات اللذيذة مثلك مثل
أحسن شيف (عذراً شيف حسان ورده ) أكيد؟؟؟؟؟؟؟؟؟؟؟؟؟؟؟؟؟؟
و أتمنى لك التوفيق و الاستمرار في عرض المأكولات التراثية ولا مانع من عرض بعض الأكلات الحديثة نوعاً ما .
|
|
10-12-2003
21:11
|
|
|
نمر
|
الله الله على الكبسة شهيتينا يها ويسلم اديكي وشيء جميل انو يكون في الضيعة امهات مثقفات يستخدمن الأنترنت وياريت كل امهاتنا تغار منك وحتى جداتنا كمان فهذا يعود بالخير على أجيالنا الصاعدة
|
|
10-12-2003
23:19
|
|
ابن البلد
عضو مميز
|
شكرا الك كتييييير ع ها الاكلة
الله يسلم الايدي اللي كتبت ها الاكلة
وننتظر منكم الجديد الجديد من اطيب الاكلات
وتحية الى هبة وبطلب منها تثبت على راي في اراءها
مع تحيات
اخوكم
ابن البلد
----------------------------------
لا تذل الناس لنفوذك وسلطتك @@@ فلو دامت لغيرك م آلت اليك
|
|
11-12-2003
01:02
|
|
|
هبه
|
عزيزي ابن البلد
أنا ثابته على رأيي وأقصد بالطبخات الحديثة نوعاً ما (الكبسة )مثلاً لأنها ليست أكله قديمة في قاره مثل الدفين و الصلص بحامض ..........وليس الباشميل و البطاطا المحشية لذلك يرجى أخذ العلم و شكراًلك............
|
|
11-12-2003
15:58
|
|
بنت الضيعة
عضو مميز
|
مرحبا للجميع
وشكر خاص للغالية أمي على الكبسة الي فعلا بحبها بس من تحت يدايك فقط
ورح ارجع للبرعل لانو اليوم الجو مغيم والله يبعت الخير فتذكرت أكلة على الفطور وهى الصرصورة وهى ادق شىء من البرغل بعد ما بنخلو البرغل بمنخول واسع لتحصيل البرغل الكبير ومنخل اضغر للبرغل الصغير وبعدين منخل دقيق للصرصورة
وهى اكلة طيبة ودافئة في الشتاء على الفطور
الطريقة
نضع السمن أو الزيت حسب الرغبة ونهوس بصلة مع لحمة مفرومة ناعمة وبعد النضج نضيف الماءحتى يغلي ثم نضيف الصرصورة ونتركها حتى تتعقد ويتكون مريئة متل الشوربة
ونفس الشي ممكن نعمل مع البرغل الصغير وحتى بدون اضافة الحمة فقط البصلة
وبكون سميك شوي وفي ناس ما حطوا بصل وكل الانواع طيبة ودافية على المعدة
وعوافي للجميع
|
|
13-12-2003
07:49
|
|
ابن البلد
عضو مميز
|
شكرا ع ها الاكلة
الله يسلم اليد الكتبت ها الموضوع
اختي ( بنت الضيعة ) شهيتيني الصرصورة بس يا حسرة هون من وين رح نجيب الصرصورة هون البرغل يالله بيعرفوه حتى ما بيعرفوه باسمه بيعرفوه باسم ( الدريش ) لذاااااااااااااااااااااااااااااااااااااااااااااا
ما لنا غنى عنك اما ان ترسلينا الصرصورة لنطبخها او ترسليها مطبوخة لناكلها وانا شخصيا بفضل الاختيار الثاني .
مع تحياتي الى الاخت هبة وبرجع وبطلب منك اثبتي على راي ( البنت افضل ما يميزها انها بتتثبت برايها وسلامتكم
مع تحيات اخوكم
ابن البلد
----------------------------------
لا تذل الناس لنفوذك وسلطتك @@@ فلو دامت لغيرك م آلت اليك
|
|
13-12-2003
10:55
|
|
|
زائرة من قارة
|
حلوة
طيبة كتير الاكلات بس لو سمحتي اعطينا طريقة التبولة وجزاكي الله كل خير وشكرا على طريقة السفة
|
|
13-12-2003
15:46
|
|
ابن البلد
عضو مميز
|
تحية الى بنت الضيعة ووالدتها
السلام عليكم
بتمنى تكتبوا لنا طريقة المجمرة
مع تحياتي الى نشاطاتكم
اخوكم
ابن البلد
----------------------------------
لا تذل الناس لنفوذك وسلطتك @@@ فلو دامت لغيرك م آلت اليك
|
|
14-12-2003
02:11
|
|
بنت الضيعة
عضو مميز
|
التبولة
مرحبا يا زائرة من قارة واهلا وسهلا فيك وبكل الزوار
التبولة ورغم انها اكلة عصرية بس داخل البرغل فيها متل اي اكلة تراثية قارية
نفرم 5 جرز بقدونس فرم ناعم
3 حبات بندورة ناعمة
3 حبات خيار ناعمة
اذا بتفضلي الخس 4 -5 ورقة خس وكل الخضار يفضل فرمها ناعمة
وطبعا بنكون نقعنا البرغل بماءفاتر واذا مستعجلين بماء ساخن حتى يطرى شوي مقدار كاسة شاي صغيرة
ونخلط الخضار ورشة ملح ورشة خيفة فلفل مع الحمض وهو الليمون وثوم أو بصل حسب الرغبة وزيت بلدي ,نسكب التبولة
في طبق التقديم ونضع تحت التبولة ورق الخس بشكل حلو وبنزين الطبق بأشكال من الخيار والبندورة وكمشة فستق اطيب واطيب
وعزمينا على التبولة لعندك
|
|
14-12-2003
09:08
|
|
|
زائرة من قارة
|
مشكوره يا اخت بنت الضيعة على الطريقة واذا ممكن طريقة المعمول طبعا على الطريقة القارية وجزاكي الله كل خير
|
|
14-12-2003
15:01
|
|
مازن بدوي
عضو مميز
|
شكرا لبنت الضيعة عاى هاللأكلات الطيبة
واذا سمحت بدنا أكلة منزلة الباذنجان مع الحمّص!!
مع الشكر المسبق لك وللسيدة والدتك أطال الله في عمرها
+++++++++++++++++++++++++++++++++++++++
----------------------------------
رأيي خطأ يحتمل الصواب * ورأي غيري صواب يحتمل الخطأ
|
|
14-12-2003
19:21
|
|
|
أم من الضيعة
|
المجمرة لابن البلد وتكرم عيونك
المقادير
عجين مخمر (ربع كيلو)
6بيضات
فلفل ملح سمنة لحمة ناعمة ان وجد
ندهن الصينية بالسمنة ثم ندلك العجينة بالصينية سماكة نصف سم وترفع مع جوانب الصينية حوالي سم . نخفق البيض مع الفلفل واللحمة ونضع المقدار فوق العجين ونضع القليل من السمنة او الزيت ثم توضع بفرن حامي حتى تنضج أو في التنور فستجد لها طعما آخر
هذه المقادير لصينية ذات حجم متوسط يعني بحجم قالب كاتو عادي
وهذه اكلة عجة بخضرة وخصوصا ل هبة
8بيضات
قطعة بطاطا مسلوقة متوسطة الحجم قطعة بندورة وقطعة بصلة
تهرس البطاطا تفرم البندورة فرما ناعما والبصلة مع القليل من البقدونس يخفق البيض مع الفلفل وتخلط جميع هذه المقادير .
نضع ملعقة سمنة كبيرة في صينية بنفس حجم صينية المجمرة ونحميها على النار ونضع الخليط فوق السمن المغلي ونضعها في الفرن حتى تنضج وتقسم حسب الطلب
والف صحة وعافية
|
|
14-12-2003
20:12
|
|
