النَّشمي
عضو مميز
|
سلام
له يا بو الجدايل البركة فيكن...لساك باول حدك..انت بس شد الهمة شوي
وانشالله اول ما بفضى بزورك
 لا يغرك الكر باول طلوعو
عرج الجمل من ادنو
طلعلو من الجمل ادنو
عيش يا كديش لينبت الحشيش
طفرناه من الباب فات من الطاقة
صار للدبانة دكانة وصارت تحمل مفاتيح
مكتوب على ورق الخيار اللي بيسهر الليل بنام بالنهار
مزمار الحي لا يطرب
العين بتاكل
متل الملح على الجرح
حطيت ايدك على الجرح
الحيطان دفاتر المجانين
مسكتني من ايدي اللي بتوجعني
فالج لا تعالج
الممنوع مرغوب
من ايدك هي لايدك هي
بين الايادي
حُط بالخرج
سنجأ عرض
خازوء البحرة
خليل المعارض
مطبل بالدنيا مزمر بالاخرة
وهي متل موديل 2004من هون وهيك صار بدك كريك
وأحلى شباب
الحاصل: السلام عليكم
----------------------------------
سلامي للجميع.........
|
|
2-1-2004
18:11
|
|
شيمة
عضو مميز
|
وعليكم السلام
Slow and steady win the race
من تأنى نال ما تنمى
Promise is debt
وعد الحر دين
Too many cooks spoil the broth
كثرة الطباخين تفسد الطبخة
Easy come easy go
ما يأتي بسهولة يذهب بسهولة
No fire no smoke
لا دخان بدون نار
Few words to the wise suffice
إن اللبيب من الاشارة يفهم
Out of sight out of mind
بعيد عن العين بعيد عن القلب
|
|
2-1-2004
22:23
|
|
سوسة
عضو مميز
|
thank you miss
|
|
2-1-2004
23:14
|
|
النَّشمي
عضو مميز
|
سلامات
كل يوم كام متل مهضوم..
لا تنام بين القبور و لا تشوف منامات وحشة
الرصاصة اللي بتصيبك ما بتسمع صوتها
الصلاة على راس الميت
فايق و رايق
متل الأطرش بالزفة
لحتى يطلع الكر عالشجرة
وهي متل موديل 2004الحمار لمَّا بِكَاكي بكون خلص علاكي
شرح المفردات: يكاكي أي يصدر صوت مثل الدجاج أو البط أو الإوز..أو..((لسان الدجاجيين))
وأحلى سلام...
----------------------------------
سلامي للجميع.........
|
|
2-1-2004
23:20
|
|
النَّشمي
عضو مميز
|
السلام عليكم:
نام بكير وفيق بكير و شوف الصحة كيف بتصير
جايى تبيع المي بحارة السقايين((الفكرة من ناقد:جايى تعرج بحارة المكرسحين))
حكمة:ليست الشطارة أت تصنع مئة صديق في سنة..بل الشطارة أن تصنع صديق لمئة سنة
وهي كام متل موديل 2004::::
كاس وشاشة و فارة وكيبورد أحسن من 100فورد
جحشة من قريبوولا بغل تهيبو
نقاع المتة و لا تنسى بتدوملك طول الجلسة
الحاصل: قربت تخلص الأمتال
سلامات
----------------------------------
سلامي للجميع.........
|
|
4-1-2004
11:28
|
|
|
أبوالوليد
|
السلام عليكم
والله وحشتونا وصدقوا إلكن بالقلب معزة كبيرة
ولا تواخذونا على هالغيبة لإنو من كتر الفضى انعمى قلبنا.....
وأشكر كل من ساهم في هذه الزاوية اللطيفة وأخص بالذكر :
الجدايل - مجيد - النشمي - راجي - أبو عبدو - أنا - لبيد
وسلامي للمشرفين الأفاضل وجميع المشاركين في الموقع الغالي وإليكم
هذه المجموعة من الأمتال وما بيغلى عليكن شي :
{ غالي والطلب رخيص }
{ اللي إلو زلعوم محتاج يقوم }
{ شو جاب الغراب لطير الحمام }
{ العنزة اللي بتطلع برا القطيع بياكلها الديب }
{ اللي بيحمل العقيق ما عندو ضيق }
{ الأسى ما بينتسى }
{ الواحد ما بيتعلم غير من كيسو }
{ وقعت الفارة من السقف ،قال القط :اسمالله ، قالت :اسلم منك وألف نعمة من الله }
{ من بيت شقاع لبيت رقاع لبيت الله يتمم الأفراح }
{ إجري وإجرك بالفلقه سوى }
{ إيد وحدة ما بتزئف }
{ فلان ملحو على ذيلو }
{ اللي من إيدو الله يزيدو }
{ مثل الأطرش بالزفة }
{ اللي ما بيكشر عن نابو ما حدا بيهابو }
{ مثل المنشار بياكل عالطالع والنازل }
{ آلو :الجمل عم يعزف عالناي ، آلولهن: مبين من شفتيرو }
{ الخنفسا شافت ابنها ع الحيط فكرتو لولية بالخيط }
{ كتر المرعى عمى قلب الدبه }
وفي النهاية مبين صارت الأمتال ع نهاية
واللي عندو لا يحرمنا من شي متل طايح
مع فائق التحية
أخوكم أبو الوليد
|
|
5-1-2004
00:26
|
|
النَّشمي
عضو مميز
|
سلام
آخر متل على ما أعتقد:
تيتي تيتي متل ما رحتي متل ما جيتي...
و سلامات
----------------------------------
سلامي للجميع.........
|
|
5-1-2004
01:28
|
|
مجيد
عضو مميز
|
له له يا نشمي
{ لا تموت لحتى يجيك الموت } مكرر
اقتبستو من أخبار قارة - أخبار الرياضة -
لا تفقدوا الأمل ، لسى في كتير
طولوا بالكن شوي
|
|
5-1-2004
01:50
|
|
|
أنا العبد لله
|
سنسال جاري و لا نهر مقطوع..
   
الله يصلحكم شوي شوي..
على كل لا تخافوا العمر بيخلص و الأمتال ما بتخلص
وساستمر باعطائكم أمثال إلى أن أموت (أتمنى أن أموت قريبا... ... مشان ما اتخجل معكم)
.......متل اليوم عن الزرع (القمح و الشعير)
...من ورء التين ..شؤ عزرعك يا مسكين ....اذا مغطي كدرو ...أبشر بثمرو ...واذا مو مغطي كدرو ..انتوف لحية اللي بدرو
و متل آخر عالبيعة عن الطقس ..
اذا طلع أوس أدح (قوس قزح) شرء و غرب ...امشي عالدرب ....واذا إبلة و شمال ضب الفدان
و هذا المثل يغنيكم عن توقعات عدنان نشمان للطقس ... ولست مسؤولا عن صحته للضيع الأخرى ...
...
ويستمر السنسال ... وتتوقف السيول
|
|
6-1-2004
08:28
|
|
النَّشمي
عضو مميز
|
السلام عليكم
الحمد لله لحقت حالك يا -انا- قبل ما ننساك:
المصاري بتجيب بعضها
المال بجر المال والقمل بجر الصيبان
الجوع كافر
لكل مقام مقال
خير الكلام ما قل و دل
ما بتعرف خيرو لتجرب غيرو
صغير القوم خادمهم
مسبع الكارات مانو مأفلح و لا بكار
لا الفارة طاهرة ولا دعاءها مستجاب((مع التحفظ على المعنى المباشر لهذا المتل))
ما صرلو بالقصر من مبارح العصر
و هي متل موديل 2004بنزع صباحي و لا بشتري سياحي
الحاصل: السلام عليكم
-------------------------يوميات وائف عالفرن----------------------------
-----------------------alnashmi@gawab.com--------------------
----------------------------------
سلامي للجميع.........
|
|
6-1-2004
17:08
|
|
|
أنا العبد لله
|
أمثال أمثال أمثال أمثال أمثال أمثال أمثال أمثال أمثال أمثال أمثال
سلامات
اليوم الأمثال مع التعليق ...
.........
الشمس تشرق كل يوم .................. ولكنها نفس الشمس
الكذب حبله قصير ...........................الصدق ليس له حبل
لا تؤجل عمل اليوم إلى الغد .............. أجله لبعد الغد
...........
و نصيحة احفظوا هالأمثال لأنو بجوز يسووا مذاكرة فجائية فيهن
وديرو بالكم على حالكم
|
|
7-1-2004
08:09
|
|
حمود
عضو مميز
|
أظن أننا استنفدنا -أو كدنا- الأمثال القارية
وصار من حقنا استراحة
وقد درج الكثير من الناس على استعمال الأمثال استعمالاً فكاهياً أو تهكمياً
وهو أمر ظريف
لم لا نتبادل تلك الأمثال التي من نمط:
الباب اللي بيجيك منو ريح -- بوسو ودعيه عليه بالكسر
عصفور بالإيد -- معسو واستريح
الحجر اللي ما بيعجبك -- زتو ونقي غيرو (حجار كتير خير الله وخيرك)
المية بتكذب الحميماتي
ونبقى
|
|
7-1-2004
18:23
|
|
|
أنا
|
آل خلصت الأمتال آل
كنت مخبي هالأمتال ليوم الشدة
بس الظاهر الناس رايحة تستلم شي خلصنا و شي مدري شو
كنا كل يوم متل .. هي 366 متل عن سنة كاملة ورح نراعيكم و نحسبها سنة كبيسة .. خليها تبين معكم ..
وبعدين بسجل اسمي بموسوعة الكودن للأرقام القياسية لصاحب أكبر مشاركة ....
هذه الأمثال قارية على عربية على مهجنة على مجرمشة ...
بعض هذه الأمثال قد يسبب إشكالية في فهمها ... ولكن لكل مثل مقام يقال فيه ... . ولست مسؤول عن أي كلمة وردت فيها ...
........................................................
1. رافق الحي تحيى
2. جاور السعيد تسعد
3. علكة الحمار أنطار
4. حط راسك بين الروس و أول يا أطاع الروس
5. أيمتى كنا و الشمس ترأعنا
6. ضيع ابنك ولا تضيع هويتك (متل جديد اكيد)
7. ما بيضحك للرغيف السخن
8. ابنك و هو صغير ربيه و من كبر خاويه
9. عطي للدب... حرير يكب
10. عطينا للدب وردة مشان يشمها ... آم أكلها
11. أرق من ايمان ابليس (..)
12. خطرة اللي بتعلم ما بتخسر
13. لا تقول عنب ليصير بالسلة
14. لا تدفش السكران بيوقع لوحدو
15. حملوا عنزة .....
16. نيال مين نام عشّا بغلو
17. الضربة اللي ما بتموتك بتقويك
18. .. لما بيرجع خالد طراد .. متل قاري صرف (رحمه الله ذهب إلى الحج منذ سبعين أو تمانين سنة واذا كان حياً فأظن أن عمره سيكون قد ناهز المئة وعشرون)
19. سجلو على لوح البوظ .............. (انسى الموضوع)
20. كلام الليل مدهون بزبدة .. (لما بتطلع الشمس بيدوب و بيروح .. كلام الليل يمحوه النهار)
21. يا طالب الدبس .. من ورا النمس (طالب في الماء جذوة نار)
22. العلم في الصدور لا في السطور
23. غاب سنة وشهر .. ورجع يسأل عدرب النهر
24. لازم الواحد يحط ملح بعينو ... (للخجل من الغير)
25. بين الجنون و العبقرية عطسة
26. الحر بيحرنا و البرد بيضرنا
27. بين حانا و مانا طارت لحانا
28. فلح عالكلاب
29. نصيبك بالجنة
30. لا أكذب و لكن أتجمل
31. ان أمحلت آذار وراها .. وان أقبلت آذار وراها
32. آدار يا ابن عمي تلاتة منك و أربعة مني بيخلوا العجوز تغني (نيسان يخاطب آذار .. وهي أيام شديدة البرد)
33. الفارة ما ساعها بخشها (جحرها).. جرجرت وراها مكانس
34. إيد لأدام و إيد لورا (رجع بخفي حنين)
35. على راسو ريشة
36. كل ديك عمزبلتو صياح
37. ما حدا بيؤول عزيتو عكر
38. المصفاية قالت للابرة فيك بخش
39. يا مصفاية ما يعيبك بخش
40. خذوا الحكمة من أفواه المجانين
41. يا ما لستي عند سيدي
42. اى على بابا يا ماما (على هامان يا فرعون)
43. عيشة الها ابرة .. (مسمار جحا)
44. اذا بدك تنشر خبر أول (قل) لعيشة و ركبها عجحيشة (اذاعة ف م القديمة)
45. ضربتين عالراس بيوجعوا
46. اللي بيخفف راسو بيوجعوا رجليه
47. اللي بيكبر مداسو بيرتاح راسو (دعاية لشراء أحذية طبية)
48. خبي إرشك الأبيض ليومك الأسود
49. الزود إلى الزود ابل ........(حديث شريف)
50. أوم (قوم) تعاونو ما انغلبوا
51. جحا جاب و جحا أكل
52. صلاة المسلمين و صيام المسيحيين (متل للكثرة)
53. بيمشي أكتر من تركتور البلدية (متل 2001 الحقوق محفوظة لصاحبه)
54. لو بدها تشتي غيمت
55. وقت الدبكة ما دبكت (يطعمك الحجة والناس راجعة)
56. شفناك فوق و شفناك تحت
57. أي شي (..) عالعالي بيلالي ..
58. نصب كانون اول سبق نصب عمنول
59. هداك اليوم من غير اليوم
60. تنذكر و ما تنعاد
61. تحكي لولادك
62. دقوا عالخشب
63. متل الأطرش بالزفة
64. حكى بدري (....)
65. عم يغني بالطاحون
66. من راقب الناس مت هماً
67. من حج جارك بيع دارك ... واذا حج مرتين بيعها بالدين .. (..)
68. أعجبتني صلاتك و رابني صيامك (له قصة لمن يتحدث عن نفسه بالصلاح)
69. اللي بياخو مالك خود روحو
70. المال بغلاوة الروح ....(عكس اللي بعدو ولكن كل متل له وقت يقال فيه)
71. المال زبالة الدنيا (......)
72. اللي بيطلع برات دارو بيقل مقدارو (من تغرب لا ينسى نصيبه من الذل)
73. غنم بيت العطعوط (قاري صرف يضرب للكثرة .. )
74. اللي بدو يسكر ما بدو يعد أداح (أقداح)
75. فرجي عذرك ولا تفرجي بخلك
76. الحجر اللي ما بيعجبك بيفجك
77. بحصة بتسند خابية
78. بنيسان لا تعير نفسك لانسان (شهر العمل للمشتغلين بالزرع و الضرع)
79. الملاك بيطلع بالمدرا (المدراية تشبه شوكة الطعام بس قياس اكس اكس لارج .. حيث يدفع الملاك الذي لا يعمل في ارضه كل شيء أجرة للعمال و الحراتين وتبقى له العدة فقط)
80. ما بيفك الحرف
81. ربوط الجحش محل ما بيقلك صاحبو
82. الآباء يأكلون الحصرم والأبناء يضرسون
83. اكبر زلمة عيارو رصاصة (متل حديث .. )
84. ما عندي أكبر من الجمل
85. لو الو لسان لحكى (عن الجمادات)
86. ما ضر السماء نبح الكلاب
87. عم يعوي والكلاب ترد (عن الشحار و التشحير)
88. اللي بيحضر ولادة عنزتو بتجبلو توم واللي ما بيحضر بتجبلو طرح
89. مدحنا القط آم عملها بالطحين
90. صار عندو مرة و أعد يحلف بالطلاء
91. صار للدبانة دكانة و صارت تنزل غلآت (جمع غلق .. الغلق الجرار للدكاكين متل محدث 1999)
92. على كف عفريت
93. ايدو خضرة (للزرع)
94. نفسو حلو (للطبخ)
95. عينو صفرة (عينو زايغة لبرا)
96. عينو حمرة من ناحيتك (للحقد أو الغضب أو نية السوء)
97. عينو مأززة (للعين الوقحة أو التي لا تنكسر)
98. راسو يابس
99. عيونو عم تقدح نار
100. صفنة الصوص بوسخة (....)
101. المي اللي ماشية إيم من دربها حجر (لا تحمل السلم بالعرض)
102. اللي ما بيعرفك بيجهلك .......... ()
103. ضربني و بكى وسبقني و اشتكى
104. هالشبل من هالأسد
105. بيت السبع ما بيخلى من العضام
106. اللي بدو يعمل جمال بدو يعلي باب دارو
107. يا ريت إلي دين ولو عغراب البين
108. منحطك بالصدر منجي بنلاقيك بالعتبة
109. الحساب ليوم الحساب
110. ليجي الصبي منصلي عالنبي
111. ضحكة عنزة عباب المصلخ
112. سمن كلبك يأكلك
113. اللي بدو يلاعب القط بدو يلأى خراميشو
114. لا تفكر كتير بيجعك راسك
115. راس معبى ألآس (قلقاس .. الاسم القاري للبطاطا)
116. قعود عالطراحة و احكي بصراحة
117. كلب الأمير أمير
118. الولد ولد و لو عمر بلد
119. هم البنات للممات
120. فقير و بطنو كبير
121. بيشتري سمك بالبحر
122. الجامع مسكر ونحنا مرتاحين
123. البلد اللي ما الك فيها سوي شو مابدك فيها
124. اللي بيعرف بيعرف واللي ما بيعرف بيقول كف عدس
125. شمع الخيط وهرب
126. يا مأمنة بالرجال متل المي بالغربال
127. معك إرش بتسوى إرش (قرش جزء من مية جزء من الليرة .. الشرح للسواح في الموقع)
128. أغلى من إبنو
129. ما بيصح غير الصحيح
130. بالطلعة ادفشو و بالنزلة اكمشو .............. (لشي متور صند تعبان)
131. ارخص من الفجل
132. الناس بتطلع (تنظر) بملوك
133. الناس بتشبه بملوك
134. اذا أنا أمير و انت أمير مين بدو يسوء الحمير
135. الجايات أكتر من الرايحات
136. ما بقي بالعمر أكتر مما مضى
137. متل السمن عالعسل
138. الضرب اللي ما بيصيب بيطوش
139. متل سالفة الحية (تكبر مع الوقت)
140. الولد اللي عم يبكي يا جوع يا موجوع
141. المرة بتسب عإبنها وما بتحب حدا يقول آمين
142. شوفتو بيغني عن طعمتو (...)
143. بياخو التسعة وبيخلي الواحد
144. اذا طباخك جعيص بدك ما تمل من القرف
145. كتر الشد بيرخي
146. شباط ما على كلامو رباط
147. اذا عطو ابن ادم جبلين دهب بيسأل لمين التالت
148. اكل الرجال على أد فعالها
149. الليرة الخشب بتفوش عوجه المي (...للبديهيات)
150. الانسان متل البني آدم .. من غرق بيموت ....... (المرادف القاري للمثل السابق)
151. نكس عكالو (اصابته المهانة أو الذل ..)
152. اللي ما بتزينو (عروقه) ما بتزينو خروؤو (خِرَقه اللباس) ..
153. غرض الناس موكل عليه ابليس
154. اللي بيقص من جيبة غيرو بيوسع
155. من دهنو سأيلو (.سقيلو.)*
156. لو الأسامي بالمصاري الفلاح سما ابنو بلاش ........ (بتصرف)
157. العليأة (العليقة) يوم المعركة ما بتنفع
158. كل نفخة بتطبخ طبخة
159. الدب ما طال العنب آل عنو حامض
160. كان غيرك أشطر
161. أهل أول ما خلو شي ما آلوا (هل غادر الشعراء من متردم)
162. غلطة الشاطر بألف
163. الشعرة من الخنزير مكسب
164. صحتك بالدنيا
165. كل العيون تبكي و لا عين أمي تبكي
166. تضرب المراجل اذا وراها الدخيل
167. من ايدو الله يزيدو ........... (يداك أوكتا و فوك نفخ)
168. اللي ما بيخصك كل ما جن افرحلو
169. اذا جنوا ربعك عألك ما بينفعك
170. بطيختان بالايد ما بينحملوا
171. الهريبة تلتان المرجلة
172. العين ما بتآبل مخرز
173. الأرض الواطية بتشرب ميتها(مياهها) و مية غيرها
174. ما بيعجبو العجب ولا الصيام برجب
175. الله ما عندو حجار يضارب فيها (الإشارة إلى غضب الله ينزل على شخص أو قوم بأشكال مختلفة)
176. ما إلك سديئ (صديق) غير من بعد أتلة
177. المي فراء
178. أحسن من بغل محمل أهوة .........(قهوة... متل محلي الصنع)
179. متل الكّراز بين الجدى .. (الكراز هو التيس الكبير ووظيفته بين الماعز متل المرياع بين الغنم)
180. قلو بعينك في عودة قلو كل هالبد بعينك مانك شايفو
181. الكلب ما بيعض دنبو
182. اجري على اجرك
183. ساير الجحش تركبو
184. اللي بدو شغلة من الكلب بيؤلو سيد كلب (مع التصرف)
185. شايفو ومو مصدق
186. شي بيرد الروح
187. شي بيشفي العليل
188. اللي بياخو أمي بيؤلو يا عمي
189. محل ما بترزء (ترزق) قعود و الزء (التصق)
190. خود اللي بتحبك لا تاخد اللي بتحبها
191. الفرس من الفارس
192. كون بالأول يا جحا ولو بنتف اللحى
193. استكبرها و لو كانت مرة
194. أمر من العلقم
195. شو جابرك عالمر غير الأمر منو
196. لو دامت لغيرك ما وصلت لعندك
197. الوجع ما بيوجع غير صاحبو
198. الله خلق الدنيا بست أيام
199. فوق الموتة عصة قبر
200. السلاح بإيد الضعيف بيجرح
201. هلأ بيخرطشو ابليس ....... (لا ترفع السلاح بوجه أخيك)
202. صارت عضامو مكاحل
203. حولينا ولا علينا
204. الدنيا دين و وفا
205. اللي الو لسان ما بيضيع بالميدان
206. حرامي لا تكون ..سلطان ما بتخاف
207. اجاك الموت يا تارك الصلاة
208. مين أمنك لا تخونو ولو كنت خوان
209. مين سلمك مدبحو لا تدبحو
210. هربنا من تحت الدلف لتحت المزراب
211. جبناك يا عبد المعين لتعينا طلع بدك مين يعينك
212. الصهر مسند الضهر
213. أهلك اللي اشتروكِ مو يلي باعوكِ ( يقال للعروس)
214. مانك عالحشيشة
215. صفيان عالحديدة
216. نيال اللي الو رطل لحم تحت الطراب
217. و مد خردء (خردق) يبخوش هالعيون ... (يقال في الامتحانات للطلاب الغشاشين)
218. حبر على ورق ... التعبير الجديد (مغانط على هاردات مسروقة من هذا المنتدى)
219. المتعوس متعوس ولو علؤولوا فانوس
220. لا تبكي على راح مالو ابكي على حظ مالو
221. دبور بيوز ليخرب عشو
222. المصاري بتعلم الحكي واللبس بيعلم المشي
223. لوني زنكيل سدأتوني (صدقتوني)
224. بيجمعهم الطبل و بتفرقهم العصاية
225. ألو الحيط للمسمار ليش عم تشؤني ألّو سآل اللي عم يدؤني
226. الله خلؤو و كسر الآلب
227. متل الزبدية الصيني منان ما ضربتها بترن
228. متل الكاسة الوطنية شو ما سويت بتنكسر
229. خدوا أسرارهم من صغارهم
230. لو في تنين متلو خربت الدنيا
231. مسأف حلؤو (حلقه مسقوف .. لمن يأكل الطعام ساخناً أو مبلط سقف حلقو)
232. البدوي أخد بتارو بعد أربعين سنة
233. اللي مكتوب عالجبين بدها تشوفو العين
234. لا تطلع لفوء بتنكسر رأبتك
235. الرب بيقول أوم يا عبدي لؤوم معك
236. سلت قلبو (وقع قلبه بين ضلوعه)
237. سابت ركبو (لم تعد تحمله رجله .... للخوف)
238. اللي ما بجود الك بجود لغيرك
239. عيش كتير بتشوف كتير
240. الدنيا يوم الك و يوم عليك
241. لا يصلح العطار ما أفسد الدهر
242. لا تغطس برات الصحن
243. خطف الكباية من راس الماعون
244. بياخد حصتو من راس الأمع
245. ما عدنا عرفنا الخواجة من الكلب (متل حديث 1988)
246. جاية والشر بعينو
247. متل الحمام المقطوعة ميتو
248. اللي استحوا ماتوا
249. العايبة ولو تابت بتضل تتناوء من الدخروش (..)
250. اجت الحزينة لتفرح ما لئت بالألب مطرح
251. كتر البكا بعلم الأحزان
252. الكترة غلبت الشجاعة
253. صفي النية و نام بالبرية
254. شي و منو ولا غنى عنو
255. بيلهي الجحش عن عليؤو (عليقه .. طعامه)
256. بيفصل للقط جرابات
257. محل ما عملها شنؤوا ..
258. هون حفرنا و هون طمرنا
259. هالكف ما يدرى من هالكف (لا تدري شماله ما فعلت يمينه)
260. إجر بالقبر و إجر برا (على حافة قبره)
261. طالع من القبر بسند كفالة (حديث نسبياً)
262. فرجينا عرض كتافك (سكر الباب من برا)
263. الدولاب ما إلو أمان ....... (متل شفيرية)
264. محل ما يسري يمري (أو يهري)
265. محل ما ينزل يأسس (عكس السابق)
266. انشاء الله اللي أكلهم بودوا للمواساة (مثل السابق بس على أحدث)
267. عقلو دفتر ... مخو كمبيوتر ..
268. اللي بجيبتو مو الو
269. اذا أكلك إلك .. بطنك مو إلك؟
270. اكل الرجال على أد فعالها
271. عيار الشبعان أربعين كباية
272. اللي بيجي من الله يا محلاه
273. اذا شفت المشحر شحرو .. مانك اكرم من ربو
274. محل ما ضيع القرد ابنو
275. سآل مجرب و لا تسأل حكيم
276. السؤال لغير الله مذلة
277. منسألو شرء بيجاوب غرب
278. جبل مع جبل ما بيلتقي
279. اذا ما إجا الجبل لعند محمد .. بيروح محمد لعند الجبل
280. ضربك الله بثالثة الأثافي (وهي الجبل)
281. لما قسموا العقول الكل رضي ولما قسموا الأرزاق ما حدا رضي
282. اللي بيشوف مصيبة غيرو بتهون مصيبتو
283. الناس بلا الناس (بلاء)
284. الدار إلك وهبنا إياها
285. دارهم ما دمت في دارهم
286. أرضهم ما دمت في أرضهم
287. من كان في قوم حلب في إنائهم
288. فرّح الولد قلو بكرة العيد
289. اذا دخل الفقر من الباب هرب الحب من الشباك
290. تحبك العقربة و يتفقدك عزرائيل
291. أحيون من دولاب التركتور (متل حديث 1998)
292. العن من فار الحبس
293. طول الحيط .. طول الحورة
294. ما بوقف عضربتو حكيم
295. الغشيم بيغرق بشبر مي
296. لا تصدق كل ما يقال
297. من عاشر القوم أربعين يوماً صار منهم
298. متل قطرميز مصر لا رقبة ولا خصر
299. حساب السرايا ما إجا على حساب الدرايا
300. اذا أنت البير نحنا غطاه (اذا انت العدل نحنا رباطو)
301. شاور الأكبر منك و الأصغر منك و ارجاع لعقلك
302. الطبع غلب التطبع
303. حضر الرسن قبل البغل
304. الدفا عفا ولو بنص الصيف والبرد أساس كل علة
305. انت بتحكي عليهم و هنَّ بتعرض جنابهم (أوسعتهم سباً و أودو بالإبل)
306. جود بالموجود ولا تتكلف بالمفقود
307. الناس بالناس والقطة بالنفاس
308. كل حركة وفيها بركة
309. العنزة اذا تضايقت بتدعس بقلب ابنها
310. لا تلعب بالنار بتحرق أصابيعك
311. الحاق الكذاب لورا الباب
312. المي بتكذب الغطاس
313. شر البلية ما يضحك
314. راحت خيول الملك لتنحدى .. اجت الخنفسا مدت إجرها
315. إيدو لحلقو ... (التعبير القاري عن الرشوة الكبيرة)
316. حكينا و خود الغلة ... سلم وخود مصاري
317. بعد الطحن ما بينفع الصويل
318. شي بيحط العقل بالكف
319. كافي الناس خيرو و شرو
320. كل طلعة ووراها نزلة
321. سرك ببير غميق ما الو قرار
322. اخطوب لبنتك قبل ابنك
323. الولد الشقي بيقصر العمر
324. العرق اللي بتقيمو ما بيطلع غيرو (متل لبث الأمل في الحواصيد .. والعرق عرق الزرع)
325. الخوف بيقطع الجوف
326. الفزع بيطير الوجع
327. تغدا وتمدى و تعشا و تمشى
328. النكتة اللي ما بتضحك ضحاك عصاحبها
329. اللي بايدو القلم ما بيكتب حالو من الأشقيا
330. ما حدا بيموت ناقص عمر
331. ما بيحن عالعود غير قشرو
332. اذا ما بتعرف تطبخ حط الكل و انفخ
333. الجوع سيد الطباخين
334. مجنون يحكي و عاقل يسمع
335. الغرض عند عازتو
336. اذا بدك تحيرو خيرو
337. اذا بدك تحرمو اسألو
338. هي الحيلة والفتيلة
339. عاللي بيضل طيب
340. الرفيق العتيق و السقف العتيق (أو شيء من هذا القبيل)
341. شحاد و متشرط
342. بفيق قبل الشحادة وبنتها
343. الصباح رباح
344. ديك الحبش طق و مات (متل ولادي)
345. واحد باع ابنو للعازة .. التاني اشتراه بالدين
346. أوكرت ... (يقال في قارة بعد الساعة 7 مساءً في الشتاء)
347. الإدة لا بترحمني و لا بترحمك (متل طيانة)
348. السلاح و الحشيش بيجروا ولو بعد مية سنة (متل تهريب)
349. مرجوع السمرة عالحارة
350. اذا بدك بموقع قارة تستريح .. ضُب لوحة المفاتيح (2004)
351. غلطة بكفرة
352. زبون آخر النهار
353. عطوس ولا تحكي ... نقطنا بسكوتك .. سمعنا سكوتك
354. تعلم البيطرة بحمير النور
355. صلي الفرض و نام بالعرض
356. طلوع السلم درجة درجة
357. الحرامي الشاطر بيتخبى عسطح المخفر
358. أقصر طريق إلى القلب المعدة
359. الشريك اللي بيهوي خسار و خسرو (بتصرف .. متل لعيبة شدة أو أي شي)
360. بشباط بيبيض الجاج عالبلاط
361. عالوعد يا كمون
362. قلو مين غاظك قلو يلي خبّرك
363. لكل جواد كبوة
364. الجبانة ما بترد ميت
365. حارتنا ضيقة و منعرف بعضنا
366. الكلب اللي بيعوي ما بيعض
وهيك بتكون خلصت السنة .... بس السنة الجاية متل هلأ ماني فاضي مشان هيك هي أمتال عن شهرين لأدام ...
367. اللي ما بيمد ايدو ما حدا بيسلقاه
368. العايبة ولو تابت بتضل تتناوء من الدخروش
369. نوم الظالم عبادة
370. أحمض ما عندك اطبخو
371. أعلى خيلك اركبو
372. عند الامتحان يكرم المرء أو يهان
373. الحكومة بتاخد حقها على جحش أعرج (يعني ستصل ولو بعد حين)
374. الله يجيرنا من علقة الحكما والحكومة (الأطباء والمحاكم)
375. ادن من طين و ادن من عجين
376. نايم على ادانو
377. القالب غالب
378. العمر بيخلص و الشغل ما بيخلص
379. بيتو بالقلعة
380. من هالك لمالك لقباض الأرواح
381. يكذب بخشوع ... (قاري صرف تولد 2000 اذا أردت أن يصدقك الناس خاطبهم همساً)
382. أباً عن جد .. كابراً عن كابر
383. الشجرة بتموت ورا صاحبها
384. دية القتيل عند البدو ورقة (ليرة واحدة ... لأن القبيلة كلها تشارك بالدفع)
385. البايع خسران
386. أول الرقص حنجلة
387. أول الغيث قطرة
388. مقطع السجادة من الصلا
389. منعم الطريق للبيت (من كتر الروحات والجيات)
390. آخر الدواء الكي ...
391. اطعام جائع خيراً من بناء جامع
392. خطو حلو (....)
393. بيمسك الطراب بيقلب دهب
394. كل شي و حقو في
395. النوم سلطان
396. كل واحد بينام عالجنب اللي بيريحو
397. الله لا يجعلِك حما بسنين الغلا (حين كانت الحماية تستلم وزارة الداخلية والمالية)
398. الدين هم بالليل وذل بالنهار
399. عقلو جوزتين بخرج
400. يا روح ما بعدك روح
401. البكا على راس الميت
402. دموع التماسيح
403. بين الطيبين ما في حساب (هيك بيقولوا)
404. اللي بدو يكذب بدو يتذكر (بتصرف)
405. بيحكي الحق و لو على قطع راسو
406. حط بالخرج
407. بحطو بجيبتو الصغيرة
408. الله يلحق الحبل بالدلو
409. البنت والمزبلة .. بيكبروا أوام
410. لا غطا ولا وطا
411. بكر و مسي و النهار كيف ما كان مضّي (متل من ورشة العمارة .. بتصرف)
412. فطور الكشك و جيزة العشئ (العشق .. تنينهم ما بيمضوا)
413. ابنِك متل ما تربيه و جوزك متل ما تعوديه
414. بيقتل قتيل و بيمشي بجنازتو
415. طعماه ابرة طلعها مسلة
416. عمر الشقي بقي
417. الله لا يِخْلينا (يجعلنا خاليين) منو ( يعني من القمل.. وهذا المثل القديم يعادل الدعاء بطول العمر لأن الميت فقط كان يخلو من القمل .. بس للأمانة... كانوا مكيفين)
418. وجهو بكب صحن دم
419. انقلب السحر على الساحر
آل خلصت الأمتال آل
استنوني بعد 419 يوم راجعلكن مع كوشة أمتال .....
|
|
7-1-2004
19:52
|
|
النَّشمي
عضو مميز
|
لا حول ولا قوة إلا بالله
انهيار سد زيزون....
الدنيا بتخلص و الأمتال ما بتخلص...
الديك الفصيح من البيضة بيصيح
عم نستناك والأيام بيناتنا.....
----------------------------------
سلامي للجميع.........
|
|
8-1-2004
01:44
|
|
حمود
عضو مميز
|
والله ما عرفت حالي مع مين علقان.
شو هاد يا أنا؟؟؟
يعني اللي بدو يعلق معك متل ما قال المتل:
***اللي بدو يلعب مع القط بدو يعلي باب دارو***
المهم في خبر جيد وخبر سيء:
الخبر الجيد انو صار عنا مجموعة من الأمثال كافية ووافية وتستحق أن تجمع في ملف واحد (وورد أو برنامج)
الخبر السيء انو رح يتركنا السيد أنا لمدة 419 يوم
قولو انشالله يطلع مو قد كلامه وتسول له نفسه العودة
ونبقى
|
|
8-1-2004
17:27
|
|
|
أبوالوليد
|
يا مشــــــــــــــــــــــــــــــــــــــــــــــــــــــــحَّر
شو هالشغـــــــــــــــــــــــــــــــــــــــــــــــــــل
يحرق حريشك سوّيت فينا متل حريق الزرع !!!!!!!!!!!!!
وخود هالمتل موديل 222222222222:
{ اللي ما لو أنـــــــــــــــا ، يشتري أنــــــــــــــــــــا }
وعودتنا ع أفضالك ، لا تحرمنا من أمتالك
وأحلى سلام لكل من ساهم في هذه الزاوية التراثية
أخوكم أبو الوليد
|
|
10-1-2004
12:24
|
|
أبو صالح
عضو مميز
|
السلام عليكم
والله يعطيكم العافية جميع على هذه الزاوية الرائعة....وخصوصاً أنا و أبو الوليد >>
و يا أنا ليش معذب حالك كل هالشي ...
هذه مجموعة من الأمثال الكمبيوترية مستوردة من الموقع التالي
http://shababy.net/vb/showthread.php?s=&threadid=1960
وقد أجرت عليها بعض الإضافات و التعديلات فقط
مد ملفك على أد ذاكرتك
برنامج الالف سطر يبدا بأمر
من كثرت ملفاته تخربط نظامه
دنب الماوس طول عمرو أعوج
لو تجري جري الوحوش غير ويندوز ما تحوش
اللي مايعرف الكمبيوتر يقول عنه أتاري
الكمبيوتر صديق لا يمل ولا يمل ....
خير جليس في الأنام كمبيوتر
ابعد عن الفيروس وغني له
القرد بعين امه بيل جيتس
بيبعت السي دي للي ما عندو كمبيوتر
يا هارد ما دخلك فيروس
ديسكك حصانك .. ان صنته صانك
كل واحد يعمل ايميل على السيرفر اللي يريحه
المكتوب على الديسك .. لازم يطلع عالشاشة
ابن الهاكر كراكر
خود جهازك عالصيانه ولو تسرأ نصه
لا تعايرني ولا اعايرك ..الويندوز قارفني وقارفك
جاك الفيروس يا تارك النورتون
اللي جهازه من غير Fire wall ما يبعت للناس Trojans
Fire wall : جدار النار .. طريقة لحماية الأجهزة من الاختراق.
Trojans: حصان طروادة : أحد أنواع الفيروسات.
لو كان الك عند الكلب شي .. قوله يا Administrator
Administrator : مدير الشبكة.
هذا الويندوز من ذاك الدوس
الديسك اللي يتعبك فرمته
|
|
10-1-2004
17:33
|
|
سوسة
عضو مميز
|
لك أهلييييييييييييين بأبو صالح شو أخبارك بتجي عالضيعة وبتروح وماحدا بحس فيك
لك مامليت مالكمبيوتر خايفة يجوا ولادك سيديات يازلمة
على كل حال سلاماتي الحارة الك وخلينا نشوف اسم ابو صالح على طول أحلا من _____ _____ ______ ______
بالنسبة للأمتال ماخليتوا شي
|
|
10-1-2004
20:56
|
|
جُلمود
عضو مميز
|
شوف ع هالحكي شوف ,قال ما خليتوا شي
( مجنون يحكي و عاقل يسمع )
صحي هيَّ الأمتال هون متل ( بطيخ الجبل )
بس لسّى بكير لتخلص ( بكير من عمرك )
و لا تآخذوني على حكيي الدجّ , بس أنا هيك عمي :
( دجني دجتك العافية )
و إذا حاسبتونا بنكارمكن
( المحاسبة بالدرهم و المكارمة بالقنطار )
|
|
11-1-2004
20:15
|
|
|
أنا
|
سلامات ...........
عليّ ما عليّ ....اذا حدا تاني بيقول خلصت الأمتال ... لاضربكم ب419 متل تانيين بفرد ضربة
و لا تجربوني.... كلمتي كلمة بدوي ...
ما بجننك غير اللي بيقول ما لسه أمتال .. هي متل كان وائع مني عالطريق ..
420. الجمل بقرش و قرش ما معنا
ولأنّي ما بحب وقف عند الأرقام الزوجية رح نحط متل تاني ....
421. الضيف الشرشوح بياكل و بيروح
واصحى حدا يقول خلصنا ...
و نستمر .. راجعلكم بعد 421 يوم لا حدا يروح و هي متل عالبيعة .
422. الأقارب عقارب
............
و Take care
|
|
11-1-2004
22:12
|
|
ا لساطور
عضو مميز
|
متل usaالياباني الأصلي :
قال الواوي بلع منجل وما صار له شي
فقيل له عند خروجه بتسمع عواه
يقال لمن لا يعرف عواقب الأمور
|
|
11-1-2004
23:36
|
|
ا لساطور
عضو مميز
|
متل ميد إن جابان الأمريكي الأصلي :
جحش تركبه ولا غزال يعنفص فيك وهذا المتل بالصياغة الحديثة وحسب مقتضيات العصر يعني : صند نظامي ولا جبلي مهرب
|
|
12-1-2004
08:17
|
|
النَّشمي
عضو مميز
|
سلامات..
ناطرينك يا أنا ...بس عالوعد يا كمون.....و لَّـا ما على كلامك رباط...
سماع هالنصيحة و النصيحة بجمل..
يعني هنَّا كلمتين ورد غطاهن....بدنا اياك هون رايح جايى عم تكتب أمتال ..يعني سري مري....
بدنا اياهن مفرفدين...شوي شوي ..بالتنقيط...ما بدنا اياهن متل ما كتبتهن مَـتل ينطح متل....
يمكن حدا يقولي بعد إيش..اللي ضرب ضرب واللي هرب هرب...
و أنا بقولو أنا بس عم قول ..لو...ألِّي: زرعنا اللو طلعت يا ريت..
وهي كام متل زيادة...تشجيع..
بالبيت متل الدبور وبالسوق متل الشحرور...
متل حريق الزرع
المال الداشر بعلم الناس السرقة
بايع الدنيا بإشرة بصلة
لاتوصي حريص
---------------------alnashmi@gawab.com--------------------
----------------------------------
سلامي للجميع.........
|
|
13-1-2004
15:00
|
|
سوسة
عضو مميز
|
أنا حرة بدي بأوول خلصوا الأمثال بدي بأوول ماخلصوا بدي بأوول مافي أمتال بدي أوول في امتال
واذا يا مستر انا بدك تضرب بشي 419 متل إأنا برأك (بالقاري) بشي قرص شنكليش مللي عنا جد جدك ما بيشعره
وخلصوا الأمتال
|
|
13-1-2004
17:53
|
|
|
أنا
|
ألف متل بساعةو لا متل كل ساعة
...أدهشني عند دخولي للموقع قلة المشاركات هذه الأيام و كنت أظنني الوحيد الذي قلت مشاركاته (..) و لكن يبدو أن هناك جو عام لقلة المشاركة هذه الايام .. عسى خير...
منرجع لموضوعنا ... خلصوا الأمثال ...
يا الله ... خوفتينا...يا سوسة
على كل اللي بيضربنا بشنكليشة منضربو بوردة ...
وبعدين طالما الشغلة تحدي ووصلت لعند جدِّي.. فانا لحد هلأ تحدوني تنين .. واحد لسه ما خلئ و التاني مات الله يرحمو ....
منرجع للجد ......
تتضمن هذه الأمثال امثال قارية المنشأ واخرى عامية و عربية و حكم و أحاديث و آيات قرآنية والقاسم المشترك بينها هو أنه يتم الاستشهاد بها في جلساتنا العادية و دون الشعور بالتكلف الزائد .. وغالبا ما تؤدي الغرض المطلوب منها بتوضيح غاية أو معنى في قلب الشاعر(اللي عم يشعر مو اللي عم يكتب شعر)
و الأمثال لها سحر خاص نشأ من توقيع الأجيال جيلاً بعد جيل على صحتها وصدق ما جاء فيها وغالباً ما يكون لكل مثل قصة طريفة أو عادية أو دامية أفرزت لنا تلك الحكمة...
وتحكي الأمثال ثقافة و تراث وعادات و أفكار شعب ...... لذلك أقترح وضع الأمثال مع الطبخات مع حكايا التراث في باب خاص...
كما ذكرت سابقاً قد توحي بعض هذه الامثال للبعض بشيء غير لائق أو معنى بعيد عن الصحة .. ولكن لكل مثل مقام يقال فيه .. ولدينا الكثير من الأمثال تحمل معاني متناقضة .. ولكن كل مثل تجده في موقف ما لائقاً و ملائما لوصف الحالة .....
--- منرجع للمزح -----
في أمتال كتبناها بحرف ال (ق) و منها متل ما نلفظها بال (ء) فكل واحد يقراها متل ما بدو ....
أول شي رح نكفي الأمتال عالسنتين .. يعني 365 * 2 = 719
-------------------
423. عد جمال أبوك و لا تعدنا ......( العد ينقص البركة)
424. مين ساواك بنفسو ما ظلمك
425. مجبر أخاك لا بطل
426. حلال عالشاطر
427. كيف ما وقع بيجي واقف
428. اذا ألّك الشب تعبان لا تصدقو و اذا ألّّّك جوعان صدقو
429. ذكور الديب و هير القضيب
430. ما باس تمها غير أمها
431. بتقول للقمر قوم لأقعد محلك
432. فلقة قمر
433. يخلق من الشبه أربعين
434. فولة و انقسمت نصين
435. عاطسو من خشومو
436. من عرف لغة قوم أمن غدرهم
437. ما بينزل على غش
438. القصاب بيغش حالو ......... (واقعي ..)
439. شاور عقلك وسوي العكس ... (للي ما عم يظبط معو شي بحياتو)
440. لو في خير ما رماه الطير
441. ما بيجي لعنا غير الأقل منا
442. لا رأي لمن لا يطاع
443. من الجيبة للعب
444. لعب الفار بعبو
445. الزهر بيفك الأهر
446. الحي أبدى (أو أبقى) من الميت
447. عقلو شغل ايدو
448. حط خبزاتك عجبناتي ....... (أو شي من هالشي)
449. دبساتو مراء ..........
450. حظ عطيني و بالبحر رميني
451. لا تشارك الخسران بتغرق معو
452. اللهم صلي عالنبي ليرضى النبي
453. خمسة بعيون الشيطان
454. المكتوب ما منو مهروب
455. ما بيعرف راسو من دك لباسو
456. لا حساب و لا عذاب .. من الدار للنار
457. نصو معنا و نصو بالفرشة
458. الزايد أخو الناقص
459. تذكروا أخوكم يلي بالجامع
460. الحسن أخو الحسين
461. السلاح و الدبّة ما بينعاروا
462. كل شي من زاد نقص
463. جوز ابنك لبنتك .. عيار الحكي تلت أيام
464. من أنذر فقد أعذر
465. وقفت المطر و ما خلت للضيف حجة
466. الخير من السما
467. الخير بخيّر
468. مشي الدرب الدرب بتوصل عالخربة ...(نصيحة موجهة لمهرب مبتدئ .. كل الطرق بتودي عالطاحون)
469. درب الكلاب لعند القصاب
470. غمض عين و فتح عين ........ (ان غدا لناظره قريب)
471. العز للرز .. والبرغل شنق حالو
472. جدي و جدك عاشو عالبراغل ............(متل قاري)
473. لسه الدنيا بخير
474. من خليت خربت
475. صاحب المال قلبو تعبان
476. كتير الغلبة حطوا بجهنم قال الحطب أخضر
477. بضاعة مخلوفة
478. نفسي فيها و تفو عليها
479. ماشي على بيضات .......(تقال لشفير السرفيس البطيء)
480. مفكر حالو محمل غنم ...(تقال لشفير السرفيس السريع)
481. لا يكون ولا يصير خير
482. اللي عندو ملح بيرش عالمخلوطة ... (متل حمصي للصرف بدون داعي.. المخلوطة أكلة حمصية معجوءة)
483. حجة فرجة
484. باس ايدو وجه و قفا
485. المكتوب مبين من عنوانو
486. مبين على جبينو ..........(سيماهم في وجوههم)
487. لا تفتح جروح قديمة
488. حامل هم الدنيا على ضهرو
489. يا شايل الهم عن قلب صاحبو
490. الكفيل حطاط
491. ما في سر برات اتنين .....(كل سر زاد على اثنين ذاع)
492. اى شو أنا خلفتكن و نسيتكن
493. الهوا وقتلي بيطلع و قتلي بيوقف ... (يعني مثلاً اذا بلش الهوا العصر بيوقف العصر تاني أو تالت يوم او أكتر)
494. شو ما طلع منو منيح
495. يا جاية بلا عزيمة .. راجع بلا قيمة
496. الصدر الكن و العتبة النا
497. ما بيعتِّب باب دارو
498. فاكهة الدار بتطول الأعمار
499. آكلو و شربانو ..............(للاستغلال)
500. اليوم شرب متة وبكرة فرج .......(اليوم خمر و غداً أمر)
501. الحسد قتل صاحبو
502. الحسد بيطرح الأسد
503. من كل وادي عصا
504. خلينا نرسى على شي بر
505. الحرامي بيحب يشتغل عالعتم
506. ارحموا عزيز قوم ذل
507. مال عمك ما بيهمك
508. عملوا زيطة و زمبليطة
509. اكلو بلا ملح ....أكلو و ما سمى عليه
510. الوصية ما بتقرب أجل
511. ما بيشطفوا معدتو ......ما بيهدوا بين أسنانو ...... (.....)
512. الحكي بيفوت من ادن بيطلع من التانية
513. بلع لسانو
514. من تدخل فيما لا يعنيه لقي ما لا يرضيه
515. بيخطف اللقمة من تم السبع
516. الحمار من شبع بيصير يلبط
517. لو كان الفقر رجلا لقتلته ....... (علي بن أبي طالب ...كرم الله وجهه)
518. لو كان البرد زلمة لقتلته .........(المرادف القاري للقول السابق)
519. الكلمة الحلوة بتطلع الحية من وكرها
520. الخبر اليوم بمصاري و بكرة ببلاش
521. اللي اخترعو مات .......(الله خلقو و كسر القالب)
522. لا حقو متل خيالو ....... لاحقو متل دنبو
523. دمو عم يغلي ... دمو فاير .. وعكسها ..دمو بارد
524. بيعمل من الحبة قبة
525. لو الشغلة بالشوارب كان القط سيد الرجال
526. الشغل مو عيب
527. مآيس عن روحو
528. بيشتري الشر مشترى
529. طلع متل سفل ابريق ..... (هو اللي احترق و تشحور و غيرو شرب)
530. البيت بسكانو مو بحيطانو
531. اللي ما عجبو يهز دنبو
532. اللي ما عجبو يدق راسو بالحيط
533. كل ساعة و الها ملايكتها
534. اللي خلف ما مات
535. ذكر الانسان بعد موته عمر ثاني
536. آكلها دنيا آخرة
537. ابليس ما مات
538. الشيطان شاطر
539. ما بيغبر عصباطو
540. عندو هم بيكفي بلد
541. شغل رفع عتب
542. شي من قريبو
543. الله يسعدو و يبعدو
544. العمر طويل و الأيام بيناتنا
545. الطابة مدورة ......... (متل لعيبة كرة قدم خسرانين .. على أمل ان تنقلب الآية و يفوزوا)
546. آخر الشهر ورا الباب .......... (متل المستأجرين)
547. اتجوزنا لننستر ..سقى الله أيام العزوبية
548. ماسكها حنبلية .........
549. اللي بيدق الباب بيسمع الجواب
550. النهار الو عيون
551. لما بتضب العين .........(اول الليل)
552. صار عرقو مرقو
553. حب الحجر بحبك وسب الهوا بسبك ........(...)
554. الو تلتين الخاطر
555. الكلمة اللي طلعت ما بترجع
556. الناس بعينو برغش
557. المحبة من الله
558. ساند على حيط فالص
559. راكب على جحش فاطس
560. اللي ما بدلل حالو ما حدا بدللوا
561. الفقير بيمشي جنب الحيط بيوقع عليه
562. الله بيبعت الموز للي ما الو ضراس ....(أو الجوز .. حسب الحالة)
563. نحنا ولاد اليوم
564. اللي راح راح و اللي مات فات
565. ما بيعلم الغيب غير الله
566. اللي ما بينبع بيخلص
567. قاعد على بنك ........ (بيصرف لا يخشى الانقطاع)
568. اصرف ما في الجيب يأتيك ما في الغيب
569. مانك أكرم من ربك
570. عملنا اللي علينا و الباقي على الله
571. القط آكل لسانو
572. ما في ببطنو شي مخبى ...... (لا يكتم السر)
573. ما بينهضم ولا مع صندوقة كازوز ......(اذا ما انهضم معكن هالمتل اشربو معو كازوز)
574. اللي عندو طباخ ليش يزفر ايديه
575. اذا فاتك اللحم عليك بالمرق
576. النهار اللي بيروح ما بيجي أخوه
577. بيلقطها و هي طايرة
578. حاميها حراميها
579. أنضف من سقف الحلق
580. أوطى من الشفرة عالأرض
581. ما بيحطها واطية
582. متل النار بالهشيم
583. ما في وقفة والزرع واقف .......(متل حاصودية)
584. جلدو ملحوش عليه ..........(عديم الاحساس)
585. آيم جلدة قفاه لازقها على وجهو ............ (للاستقبال اللي بيهوي)
586. طلع عكتافو ........(للاستغلال)
587. شغل الغريب مرغوب
588. الجديد الو بهجة
589. آيس (يقيس) حالو بالصرماية ....... (للتكبر)
590. شاب النسر بشباط ....... (لتغير الطقس)
591. ما بعد الصبر الا المجرفة و القبر ...... (لليائس واللي بعدو للمتفائل)
592. الصبر مفتاح الفرج
593. اللي بيصبر بيلائي
594. خيراً تعمل شراً تلقى
595. على كل ضرس لون
596. الثبات نبات
597. معهم معهم عليهم عليهم .....( وما أنا إلا من غُزَيَّةَ إن غوت غويت وإن ترشد غُزَيَّةُ أرشد)
598. اللي مو معنا علينا ........... (W بوش)
599. الله بالعين ما انشاف بس بالعقل انعرف
600. اللي بيعيش يا ما بيشوف ... (عش رجباً ترى عجبا)
601. لا هابوب و لا دابوب ........(ما في الدومري)
602. كل ما هز الكلب بدنبو
603. الله لا يكره فينا عبد و لا يتقل فينا أرض
604. الكلمة الحلوة طالعة و البشعة طالعة
605. حدا بيجيب الدب على كرمو؟؟؟
606. عند الحزة و اللزة
607. راح بشربة مي
608. بيتعتر بخيالو
609. عندو القتل متل شرب المي
610. بدو يشرب من دمو
611. اذا أكرمت اللئيم تمردا
612. اتق غضبة الحليم
613. ما حدا آخد معو شي
614. الحلاق بدو حلاق يحلقلو
615. بدك عصفور بخيطو
616. بدك سمك بلا حسك
617. نحنا هون و الباقي كرتون
618. نحنا اللي اذا تنحنحنا ما حدا بيقدر يزحزحنا
619. بيحسبلو ألف حساب
620. محسوب علينا زلمة
621. نومة أهل الكهف
622. اللي ما ضاق المغراية ما بيعرف شيه (ما هي) الحكاية
623. الحرامي ما بينحزر عليه
624. حرامي الدار ما بيننطر
625. سرق حبل.. بس بآخرو عنزة
626. حط صحابك بالغربال.........(أم النوج)
627. غربل الناس بينخلوك
628. الكحل أحسن من العمى
629. في الليلة الظلماء يفتقد البدر
630. الغريق ما بيخاف من البلل
631. زتو بالبحر و ألّو اصحى تتبلل
632. شدة وتزول
633. ما في شي بيبقى على حالو
634. سبحان اللي بغير و ما بيتغير
635. دوام الحال من المحال
636. سبحانو ..صاحب هالخيمة الزرقاء ...... (الله سبحانه و تعالى)
637. مانك أول واحد ولا آخر واحد
638. مصائب قوم عند قوم فوائد
639. الحاجة أم الاختراع
640. صاحب الحاجة أرعن
641. الدم بيحن
642. واصل صيتو للصين
643. الغنى غنى النفس
644. الضفر ما بيطلع من اللحم
645. الولد و ما لديه لوالديه
646. العبد واللي الو لسيدو
647. الضيف ضيف الله
648. السلام لالله
649. عملو للقطة عرس... (من بنات اكريكوز)
650. الصابر ظافر
651. الحلو حلو لحتى آم من النوم
652. الزلمة بينربط من لسانو
653. الرجعة فجعة
654. الحر بالهمسة و العبد بالرفسة
655. نزل الدب يرقص أتّل سبع تمن تنفس
656. حماتك بتحبك
657. الزرع عاللي بيسقيه والولد عاللي بيربيه
658. الناس معادن
659. جنة الأطفال بيوتهم ...... (كذبة أصحاب الحفلات للمدعويين)
660. خير الأمور الوسط
661. خير البر عاجله
662. رب أخ لك لم تلده أمك
663. لكل زمان دولة و رجال
664. الحكي مو متل الشوف
665. رحم الله امرءً عرف حده فوقف عنده
666. العقل زينة
667. ما بيصير هالشي و لو بتأدن
668. فرجاه نجوم الضهر
669. ما عاد ينفع الندم .........(وقعت الفاس بالراس)
670. ولات حين مناص
671. عند العقدة ...وئف المنشار ....(أو ..أكل هوا النجار ...)
672. متل سحلول و خاتون......(اجرتين بلباس)...(حديثاً ..زينغو و رينغو)
673. السمك بياكل بعضو
674. قانون الغابة
675. الحيطان الها آدان
676. لا ناقة له و لا جمل
677. ما الو لا بالعير و لا بالنفير
678. لا شبؤو و لا عبؤو ........... (متل المتلين اللي أبلو)
679. ألبو فوآاني تحتاني .......(جعل عاليه سافله..... قلب ظهر المجن)
680. الله يقلب سرجها ....(تمني زوال شيء)
681. اللي بيشتغل بأكلو يا فرحة أهلو
682. الولد اللي بيطلع لعمتو .. يا فرحة أمو !!
683. الفقر بالوطن غربة
684. بيناتنا خبز و ملح
685. بسويلك البحر طحينة
686. بياخدك عالبحر بيرجعك عطشان
687. بكذب أكتر من مسيلمة
688. العلم في الصغر كالنقش على الحجر..و..العلم في الكبر كالنقش على الكدر
689. زرعوا فأكلنا و نزرع فيأكلوا
690. اللي بيدور عربو بيلاقيه
691. الانسان بالتفكير و الله بالتدبير
692. ما بينخاف عالناس من الفقر بينخاف عليهم من قلة الدبار
693. التدبير نص المعيشة
694. الإيد الفاضية منشحة
695. رضينا بالبين و البين ما رضي فينا
696. رضيت به كلباً و لم يرض بي عبداً
697. روح بلط البحر
698. قعود برة و لا تقعد حد الجرة
699. قعود بالطريق و لا تقعد حد الابريق
700. اللي بيحضر بيحضر واجبو
701. مو لسواد عيونو
702. الك و الا للديب .......(قديماً كان الجواب خسا الديب ... الجواب الآن ..الديب أسرعلك)
703. خيار و فقوس ...........(ابن ست و ابن جارية)
704. اللي ما بيخاف الله خاف منو
705. التمس لأخيك سبعين عذراً ...... (الآن التمس له سبعين تهمة)
706. مسبحة ابليس
707. نام خفيف بتفيق خفيف
708. بالع راديو
709. آمن (أكثر أمناً) من حمام الحرم
710. الحكي عالمرتكي هين
711. ما صفي بالكرم غير الحطب
712. عم يحكي من فوق الأساطيح
713. بيسال عن البيضة مين باضها و عن الجاجة مين جابها
714. اللي بتجمعو الريح بتاخدو الزوابع
715. بكينا لعمينا و مشينا لحفينا
716. طلع من بيت أبو بريص مأدّن
717. حكّي أليل أصل و لا تحكّي صايم بعد العصر...(..)
718. لتقوم ناقة صالح
719. اللي ما بيستحي منك لا تستحي منو
و هيك منكون خلصنا سنتين و طالما السيل ماشي رح نكفي مضاعفات الرقم السحري 419 *2 = 819
720. ما صفي بالميدان غير حديدان
721. نصيبك بدو يصيبك
722. اللي ما بيعرف الطير الحر بيصيدو .....(أو بيشويه)
723. اذا بدك مرتك تلين عليك بحطب التين ........ (..)
724. يقطع راس القط من ليلة الدخلة....(كان الرجل ليخوف مرتو يأتي بقط ليلة الدخلة و يقطع راسو لكي تهابه زوجته طوال العمر ... و اذا كان هالحكي صحيح فقد بطلت العادة و بقي لنا المثل)
725. جينا لنصيدهن صادونا
726. نفطر فيهن أبل ما يتغدوا فينا
727. متل القط بياكل و بينكر
728. آآآآآآآخ لو عيشة ..تعرف شو في بهالخيشة
729. سمعتو متل المسك
730. المنية ولا الدنية
731. هم ما عندك الله بيبعتلك
732. مهدي على قشة ..على شعرة ... (القشة التي قصمت ظهر البعير)
733. الله يجيرنا من ساعة الغفلة ............. (الغفلة عن ذكر الله)
734. يا غافل الك الله
735. كل رمانة فيها حبة من الجنة
736. بياكل راس الحية
737. السيل بيحمل من أرضو .... (يمكن للسيول أن تنشأ في أي مكان)
738. كما تزرع تحصد
739. ايدو محناية
740. من سار على الدرب وصل
741. صنعة بالايد أمان من الفقر
742. مية كلمة جبان ولا كلمة الله يرحمو
743. كانت النصيحة بجمل
744. العلم يؤتى و لا يأتي
745. الدور عاليمين و لو كان أبو زيد عالشمال ....... (متل شريبة متة)
746. حباس (احبس) الجبان بتعلمو المراجل
747. اللي ما بيضوق المرّة ما بيضوق الحلوة ..... (الصيف ضيعت اللبن)
748. خد و عين
749. العجلة من الشيطان .... ........ (لا تسرع يا بابا نحن في انتظارك ...مع تحيات ادارة المرور.. ودمتم سالمين)
750. مقطوع من شجرة .......
751. المصائب لا تأتي فرادا
752. على دين شعر كلبين
753. توضى باللبن
754. لا بيحل و لا بيربط
755. اختلفت الفقهاء
756. ما حدا رجع و خبرنا ........ (من الميتين)
757. متل اللي كب عليه سطل مي مسقعة
758. كسر وراه الجرة ........... (توديعة للأبد)
759. المسامح كريم
760. لو كان شمس ما طلع عالدنيا
761. علق بين المطرقة و السندان
762. كمل النائف بالزعرور
763. العصفور عم يتسلى و الصياد عم يتقلى
764. المجنون ما بيتآخذ
765. المجانين ولاد عالم و ناس
766. انفشو و شوف ما أجحشو
767. اذا سرقت سروق جمل
768. ما حدا خلق من بطن أمو معلم
769. الغايب عذرو معو
770. الناس لبعضها
771. كلمة الحق لم تبق صديقاً لعمر
772. لكل داء دواء
773. رب أخ لك لم تلده أمك
774. عند جهينة الخبر اليقين
775. اللي بيستحي من بنت عمو ما بيجي أولاد
776. بيحط سرّو بأضعف خلقو
777. يا رضا الله و رضا الوالدين
778. بعض الشر أهون من بعض
779. بعض ما عندكم
780. عمرك أطول من عمري
781. الخراب هين ...ألف عمّار ما بلحقوا على خرّاب
782. كل واحد بيدور عاللي ناقصو
783. كل يغني على ليلاه
784. لسه ما طلع من البيضة
785. الشوكة بتخلف وردة
786. سحابة صيف
787. ما حرك حجر عن حجر .......... (لم يحرك ساكنا)
788. عقلو مَدْوَر
789. ربّاه كل شبر بندر
790. الرزق مقسوم و الأجل محتوم
791. اجت العيلة بالليلة
792. بياكل الجحش بيتحلى بجلالو
793. كل مين على دينو الله بيعينو
794. بيقول للأعور أعور بعينك
795. مشربك الدنيا ببعضها
796. خلط زيد بعبيد
797. سن سنانو
798. الله وصى بسابع جار
799. مسحة رسول
800. تحت كل شعرة في ابليس ....... (تقال عن الجدي أو الشخص السيء)
801. التجارة ربح و خسارة
802. خيط أحمر و خيط مجر و يا ربي يعلق الشر ........ (المشجعين في الخناقات)
803. الشب ما في شي بيعيبو ...والبنت بيعيبها الغبرة عكندرتها
804. اكرام الميت دفنو
805. جالب جلبة
806. ما بقي منهم المخبر
807. الساكت عن الحق شيطان أخرس
808. حكي جرايد
809. السجن للرجال
810. عليِّ و على أعدائي
811. المغرب غريب
812. ما غريب الا الشيطان
813. لسه ما عرفنا خيرو من شرو
814. اللي من ايدو الله يزيدو
815. ما بصب عايديه مي
816. اذا أخوك ضل .. لا تكون عون للشيطان عليه
817. عم يدور على ابرة بكومة قش
818. أبطأ من السلحفة
819. أحر من الجمر
..نتابع و نستمر .. رح نكفي التلت سنين بفرد مرة ..
3*365 = 1019 .....نتابع
-----
820. أرق من النسيم
821. أسرع من البرق
822. صبر أيوب
823. أطهر من مية المطر
824. أكذب من مسيلمة
825. النار بتاكل الأخضر و اليابس
826. متل الجراد بياكل الأخضر و اليابس
827. خالف تعرف
828. ذنبو على جنبو
829. رب رمية من غير رام
830. طفح الكيل
831. الغريق بيتعلق بقشة
832. القلوب عند بعضها
833. الطول تلتين الجمال
834. ما أشبه اليوم بالأمس
835. دار الظالمين خراب
836. ضربة بضربة والبادئ أظلم
837. من أعان ظالماً سلطه الله عليه
838. اذا وقع القدر عمي البصر
839. ان الحذر لا يمنع وقوع القدر
840. ليس كل ما يلمع ذهباً
841. اللي ما بيحسب ما بيسلم
842. يا مستعجل وقف لقلك
843. ان للباطل جولة
844. صاحب الحق سلطان
845. لا يفل الحديد الا الحديد
846. اذا حضر الماء بطل التيمم
847. اذا لم تستحي فاصنع ما شئت
848. الضحك بلا سبب قلة أدب
849. قلبو دليلو
850. من حلاوة الروح
851. من شابه أباه فما ظلم
852. ايد الحر ميزان
853. اللي بيجي بالهين بيروح بالهين
854. أصبح أثرا بعد عين
855. خلقو براس خشمو
856. العين ما بتعلى عن الحاجب
857. الكبر عبر
858. ان لم تكن ذئباً أكلتك الذئاب
859. الله يجيرنا من الشماتة
860. اذا سلم عليك عد أصابيعك
861. أواعيه بتتعوذ منو
862. رجعت حليمة لعادتها القديمة
863. اذا تكلمت البطون سكتت العقول
864. شهد الكلب دنبو
865. لا يسمن ولا يغني من جوع
866. صنعة في اليد امان من الفقر
867. ضراب (اضرب) المي و هيّ مي
868. اصبور على ظالمك ليؤوم يجيك أظلم منو
869. وافق شنٌ طبقه
870. سبع والا ضبع
871. قمحة والا شعيرة
872. رزءك محل ما بترزء مو محل ما بتخلأ (تُخلق)
873. خليها على بركتها
874. تشابه البقر علينا
875. اذا المي بتروب فلان بتوب
876. كالقابض على الجمر
877. من حفر حفرة لأخيه وقع فيها
878. هالميت مو مستاهل هالعزا
879. عزا كبير و الميت كلب
880. اذا عرف السبب بطل العجب
881. أكبر منك بيوم أعلم منك دوم
882. العتب على النظر
883. اللي بتقرصو الحية بيخاف من الحبل
884. جمر تحت الرماد
885. من شب على شيء شاب عليه
886. قيم هالبحصة.............(كان بعضهم يضع بحصة تحت لسانه لتمنعه من الكلام)
887. انطوق هالجوهرة
888. بدو بانسة تسحب الحكي من تمو
889. الجار الو الشفعة
890. ما بيعلم بالقلوب غير ربها
891. التكرار يعلم الحمار
892. بيعملها تحتو و بدو ينام بالنص
893. انفود بريشك
894. بيشلئ الدب على رمي الحجر
895. في براسو موال و بدو يغنيه
896. ما دام القاضي راضي
897. ما دام أنا راضي و هو راضي شو دخلك يا آضي
898. الحاء البوم بدلك عالخراب
899. اللي بيمد ايدو على عبو الله بيحبو
900. علق علقة بدوي بصلاة
901. خير الادام الخل ..... أو ...بئس الادام الخل
902. دود الخل منو و فيه
903. من سبق لبق
904. اللي سبأ شم الحبأ .....(اللي سبق شم الحبق)
905. مين عراسو خيمة ؟؟
906. بدو اياه كن فيكون
907. اذا عزمت فتوكل
908. نص الألف خمسمية
909. حصة الأسد
910. القناعة كنز لا يفنى
911. بيضة الديك
912. خير يا طير
913. خيرها بغيرها
914. شي ببلاش كتر منو
915. طويل و هبيل .....(الطول طول الحورة و العقل عقل الصخلة )
916. الأد اد الغولة و المخ أد الفولة
917. أدّو أد المركب و عقلو عقل ارنب
918. العين بصيرة و اليد قصيرة
919. كل تأخيرة و فيها خيرة
920. ضيعة صغيرة و منعرف بعضنا
921. كلما كترت بارت .... (عندما يكثر الشيء تقل قيمته)
922. بارت من كتر الخطابة
923. هم العرس ووجع الضرس
924. مو عرفان كوعو من بوعو......
925. مو كل مرة بتسلم الجرة
926. لا تكبر الحجر ما بيوصل
927. أكل البيضة و التقشيرة
928. الحق عاللي سلمك دقنو تنتف فيها
929. مال الخسيس بيروح معيس
930. اللي بيغير عادتو بتقل سعادتو
931. لا بيرحمك و لا بيخلي رحمة الله تنزل عليك
932. لتحج البقر عقرونها
933. طلبنا منو العون صار فرعون
934. لاحني و لحتو و من عزمي اجيت تحتو
935. شبعونا أتل و شبعناهم مسبات
936. اللي مو متعود عالبخور بيحرق حالو ..()
937. فال الله و لا فالك
938. الصوص بيكاكي و هو بالبيضة
939. فرخ البط عوام
940. إلى حيث ألقت رحلها أم قشعم
941. بعد ما راح الغزو دبّ الصوت .....( بعد ما فات الفوت ما ينفع الصوت)
942. مساك (امسك) الحبة و فلّت الدبّة .............(بيع الكرش و اشتري شرش ....أمتال أبو الوليد)
943. اللي بيطلع بايدك سوي باجرك (..)......( اللي ما بتوصلو بايدك بتوصلو رجلك)
944. من برة هالله هالله و من جوة يعلم الله
945. الناس مخباية بتيابها
946. اللي مخبى بالحيطان بيطلعو الطيان ....
947. اذا هبت رياحك فاغتنمها
948. ما شافوهم عم يسرقوا شافوهم عم يتقاسموا
949. جاية تسنبل ورايي ...........(جاية تبيع مي بحارة السقايين)
950. اعقل و توكل
951. من يطلب الحسناء لم يغلها المهر
952. ضاعت و لقيناها
953. ضيف و منائر
954. نيال مين وفق بين راسين بالحلال
955. لا تفتح علينا بواب مسكرة
956. اللي بياخد من غير ملتو بيموت بعلتو
957. نبت الشعر عضراسو
958. طلعلو شعر بسقف حلقو
959. انبرى لسانو ........(المتل الجديد 2003 .. محّت أزرار لوحة المفاتيح)
960. صباط أبوه كحش ........ (متل قاري..يمكن للبطر ...)
961. شاقق الأرض و طالع
962. منحفر قبور بس ما منضمن الجنة
963. القناعة كنز لا يفنى
964. اذا أردت ان تطاع فاطلب ما يستطاع
965. شو في احلى من العسل ..ألّو خل ببلاش
966. كسرنا الدف و بطلنا الغنا
967. حظو بيفلق الصخر
968. ما بيلقى عزيمة .(عالأكل أو عالسهرة)... ما بيلقى لوحة (في القتال)
969. ما جادلت عالما الا و غلبته و ما جادلت جاهلا الا و غلبني .... (الامام الشافعي)
970. الرأي قبل شجاعة الشجعان
971. رب صدفة خير من ألف ميعاد
972. اللي بيزورنا حلت البركة و اللي ما بيجي بيخفف لبكة
973. عادتك و الا مشتريها
974. بايعها براس مالها
975. متل القط بسبع رواح
976. بينام متل التعلب بعين وحدة
977. المؤمن لا يتطير
978. الحقيقة مرة
979. القط بيحب خناقو
980. قطع الأعناق و لا قطع الأرزاق
981. لا للصيف و لا للضيف و لا لغدرا ت الزمن
982. اذا بدك تضيع مالك اشتغل بغير كارك
983. ما حدا بيعلم عليه
984. الجار و ان جار
985. وصلتونا لنص البير و قطعتوا الحبل فينا .............(ويلاه ويلاه)
986. اللي ببيعك بالبصلة بيعو بالقشور
987. ريحتو طالعة
988. زرعنا لو طلع يا ريت
989. عمرها يا ريت ما عمرت بيت
990. المشغول لا يُشغل
991. فكرنا الباشا باشا تاري طلع الباشا زلمة
992. اذا معك ديتو اقتلو ....أو ..اذا بتعرف ديتو اقتلو
993. عضمو دهب
994. ضربتو بتهد الحيط
995. فوق حأّو دؤّو
996. لا بعيرك و لا بتعيِّرني اللي مأرفك مأرِّفني
997. الغول و العنقاء و الخل الوفي
998. من سعادة المرء أن يرزق في بلده
999. عم يعمر قصور بالهوا
1000. أربعة حملو جمل و الجمل ما حملهم
1001. اللي بيطالب بدين أديم ... طالب للفتنة
1002. ما في عقل يردو
1003. بيستكترو عالمسكين موتة الجمعة ........ (كعكة اليتيم)
1004. يا حاسد النور على ظل الشجر
1005. بصيب الشعرة و ما بيصيب الجمل
1006. الشورة تعّبت (امتلأت) و اللي بدو يرد يرد .... (متل قاري بحت ..سنورد القصة للي ما بيعرفها لاحقاً)
1007. بلو و اشراب ميتو
1008. كلو عند العرب صابون
1009. اذا بدك تخسر صاحبك دينو
1010. اذا حلق جارك بل دقنك
1011. اللحم الكن والعضم النا
1012. متل اللي عم يدور على عقلو
1013. عم يدور على ابنو و ابنو على كتفو
1014. بينقض وضوؤو من تاني ركعة
1015. يا غريب قعود اديب
1016. الايد اللي ما بتغضر عليها بوسها و ادعي عليها
1017. اللي ما عندو دار دوّار
1018. حاملني كأنّي حاملو ......... (الركب على المتورات أيام الكبسات)
1019. عم آكل كأنو الأكل عم ياكلني........(أيام المقت ...بيكون الواحد عم ياكل غصباً عنو)
و هون منكون كفينا 3 سنين و هلأ نحنا بال 2004 معناها صرنابالفضا لـ 1/1/2008
بس منتابع رح نكفي مضاعفات الرقم اللي بحبو 419
419*3 = 1119
----
1020. اللي عمرو بالمية ما بيموت بالتسعين
1021. خود رد و عطي صد
1022. كل إناء بالذي فيه ينضح
1023. لا تقول للبدوي حملك مايل
1024. اللي سهّل الموت بيسهل الكفن
1025. اللي بيعمل معروف يكملو
1026. خير الأعمال بالاكمال
1027. علم في رأسه نار
1028. وهل يخفى القمر
1029. عيار الضيف تلت أيام
1030. من فمك أدينك
1031. نارهم عم تاكل حطبهم
1032. بطيخ يكسر بعضو
1033. ما بيعرف الطيخ من البطيخ
1034. ما بيعرف تلت التلاتة كام
1035. طيس طلطميس ما بيعرف الجمعة من الخميس
1036. ما بيعرف الخمسة من الطمسة
1037. اللسان ما بيغلب اللسان
1038. تعّب حالك و لا تعّب لسانك
1039. اذا وقع القضاء ضاق الفضاء .........()
1040. اللي شاف شاف و اللي ما شاف ما شاف ...(أكيد)
1041. الغايب ما الو نايب
1042. ما حدا بيسد محل حدا
1043. ما حدا أحسن من حدا
1044. أسد عليّ و في الحروب نعامة
1045. بعد عن الشر و غنيلو
1046. كم من الخراف تذبح و كم من الكباش تسرح
1047. لو الحكي عليه طوابع كانت الاذاعة سكرت .........(مسرحية غربة)
1048. مو كل الطير بيتاكل لحمو
1049. مرة بتصيب و مرة بتخيب
1050. مشتهية و مستحية
1051. ماتت الحمارة و انقطعت الزيارة ............. (عن اللي بيزور لمصلحة)
1052. ما في خسارة غير موتة المرة و الحمارة
1053. معلقة لا مجوزة و لا مطلقة
1054. الناس أجناس
1055. شو فهم الدبب بأكل الكبب
1056. شو فهم الحمار بأكل الكنار
1057. وين ما ضربت الأقرع بسيل دمو
1058. آلولو وين ادنك الهن هي هية ........
1059. بالمقلوب يا شقلوب
1060. خود الأصيلة و نام عالحصيرة
1061. الفاضي بيعمل قاضي
1062. ما الو ناب يجرح
1063. بصلة المحب خروف ......... (طحل الحبيب قهوة)
1064. اللي ما في خير لأهلو ما في خير لبلدو
1065. العرق دساس لسابع جد
1066. الأكل اللي بيكفي واحد بيكفي تنين
1067. اللي من دمي ما بيخلى من همي ............. ()
1068. لا مدائر و لا منائر
1069. حكي ما الو لا راس و لا رجلين
1070. ساعة الك وساعة لربك
1071. سكر باب دارك و لا تتهم جارك
1072. كل ما طار قص جناحو
1073. لا تدل البدوي عباب دارك .. يا بيآذيك يا بيآذي جارك
1074. منقلو شرق بيقول غرب
1075. العرس لتنين (لاثنين) و التعب لألفين
1076. عشنا و شفنا
1077. وجع ساعة و لا كل ساعة
1078. الجنون فنون و إلِّة العأل مصيبة
1079. الخير بيخص و الشر بيعم........... (المكافأة فردية والعقوبة جماعية)
1080. القط بياكل من بيت أليلين المروة
1081. من تبع عالماً و صل سالماً
1082. بيجيب المرض لحالو
1083. لو في بالرز أوة (قوة) كان في بالهندي مروّة
1084. براءة الذئب من دم يوسف
1085. الأعمى (أو الأعور) ما بينسى عصايتو
1086. القانون لا يحمي المغفلين
1087. بتشرب متة عندي و بتحلق عند غيري .....(متل قاري للحلاقين...!!!)
1088. بيسأل جواب
1089. كلمة بدوي
1090. اللي ما الو كبير يشتريلو كبير
1091. لو كلِّفت بصلة ما حفظت مسألة ......(الامام الشافعي)
1092. داخ السبع دوخات
1093. بيروح عالبحر بينشفو
1094. بيقولوا ولا الضالين منقول آمين
1095. الشغل شغل .........( business is business)
1096. عضمو طري ...لحمو طري ....(وقد تساويها كلمة عبيط=لحم طري)
1097. لسه ما نبت ريشو ... لسه بدو فت خبز ....الخ
1098. ما بدنا ننشر غسيلنا الوسخ أدام الجيران
1099. عم ندور عليه بالسراج و الفتيلة
1100. البرد قايم طول ما هو الخوري صايم ......(النهاية الحقيقية للبرد مع أعياد الفصح)
1101. طلع متل الشعرة من العجين
1102. وصلت اللقمة للتم
1103. صفيان عضة كوساية
1104. شي ما بتتمناه لعدوك
1105. عاشر السبع و لو أكلك ولا تعاشر النذل ولو حملك
1106. صافي يا لبن
1107. الاسكافي حافي و الخياط عريان
1108. عريان وعم يعير المرقع توبو
1109. كل ذي عاهة جبار
1110. كلاب السلطان بتعض ....... (القريبين من السلطان يفعلون ما يريدون دون حساب و يمكن ان يقابل هذا المثل عنوان قصة من أمريكا زمن التفرقة العنصرية ..الكلب لا يعض زنجياً..)
1111. عاطس ابليس بوجهو
1112. حط عقل الرحمن براسو
1113. اذا بتفرق البحر بيتفرق
1114. لتقوم ناقة صالح
1115. آلو يا جحا البلا بدارك ألهن عليِّ من حالي
1116. بشر القاتل بالقتل
1117. لا تكتر روحاتك و جياتك عبيت أمك و أبوك بيكرهوك
1118. عايشين من قلة الموت
1119. الغارم غانم
و هيك منكون وصلنا ... بس منتابع لأنو الفرامات مو شغالين معي ...
1120. صاحب الأمانة أخد امانتو
1121. يميل الحق مع عمر حيث مال
1122. اشتاقت الأرض لأهلها
1123. يا أرض احفظي ما عليك
1124. ضوكن و الا ضو القمر
1125. نحنا الكن أرض ....(قد تعادل ...وسهلاً)
1126. يا مين يلاقيلي حماري و الو حمارين ......(لفرحة من يجد ضالته)
1127. كمثل الحمار يحمل أسفاراً
1128. اعقل و توكل
1129. خبز الحاف بيعرض الكتاف
1130. ان الله يمهل و لا يهمل
1131. كلٌّ أدرى بكرشه
1132. في بطني خلوة لا يملؤها الا الحلوى
1133. اتقوا سم الأعين
1134. ملك الموت بدو يموت
1135. اذا قتلت الحية اقطاع راسها
1136. يا ما تحت السواهي دواهي
1137. جدِّي اللي طبخ البطيخ ........(متل حديث 2004 حيث ينسب الناس دائما لجدودهم الأعمال العظيمة ... وقد مر معي مثل بهذا المعنى و لكنه غاب عني فولفت هذا المثل)
1138. كل فتاة بأبيها معجبة ....... (يمكن أن يعني مثل المثل السابق)
1139. اذا بتشتري اللي ما بيلزمك بتبيعه اللي بيلزمك
1140. فلان ما في منو بس ولادو ولاد كلب ....()
1141. الجمل ما بيشوف حردبتو
1142. هلأ ما معنا و ليصير معنا الله لا يجمعنا
1143. الأرنب بيموت و لسه بعينو جزرة
1144. المنيحة ما بدها سؤال
1145. انت كريم و نحنا منستاهل
1146. اللي ما بيسمع للكذاب بيخسر سدء (صدق) كتير
1147. الشكوى لغير الله مذلة
1148. الحمل عالجماعة خفيف
1149. عم يعلمنا على باب دارنا
1150. في بالأمر إنّ
1151. جنت على نفسها براقش
1152. متل العجينة بين ايديه
1153. من ايدك هي لايدك هي
1154. اللي بيضربك بوردة منضربو بحجر ........(أو منأوسوا .. ما بدنا مشاكل)
1155. انتو فصلوا و نحنا منلبس
1156. الخال خلي و العم ولي
1157. لغاية في نفس يعقوب
1158. علشان خالك يحبك
1159. عم تنفخ بإربة مفتوحة ............(لا حياة لمن تنادي)
و هيك منكون وصلنا لتاريخ 19/19/2008 راجعلكن بهداك التاريخ..خليكن هون لا حدا يروح عمحل ...
----- منرجع للمزح جد ----
يعني لو عاطييني غوووووووغل ورأة ما بكتب هالأمتال بس طالما الشغلة صار فيها تحدي و شنكليش ..فطاب الموت ....وهي كم متل عن الشنكليش عالبيعة
كرمال شنكليشة يكرم قطرميز شنكليش ....
و..القطرميز بشنكليشاتو مو بإزازو
و اللي بيضربنا بشنكليشة بنضربو بوردة
و هلأ يالله السلام عليكم
منرجع للجد مزح ---- بس هلأ ماني فاضي منرجع بعدين ....
ديرو بالكن على حالكن ...
|
|
14-1-2004
23:45
|
|
